¹ Mɔtaana , yinm nba tie manntieb buolu na, ii sennu e na. ² Kaagbennu sejenm Yennu yet'a: Li tie k i k gbiin n man l i tie k i jikt i pala k tien n sann yudant, n saa te ki bonbiil n baal'i. Mɔni n saa pol i bonŋana kul mɔb, k man i k dia'b i pala ni. ³ Gotl man n saa biil i bonbuoli, n saa fib bint i nuni po, bonkobt nba i jii mann maluonŋ nan bint, k bin lakn jii yinm nan ŋanm k yaat. ⁴ K sejenm kaagbennu yet'a, ŋann e k i saa bann nan n tul'i sonnu na, a min Lefi lol na , ii tun ki be e. ⁵ Maa din lol nan Lefi na, l din lol linba sii tun be e k bia tie mannu lol . N lol nanɔ a wuu sian'n e. U din jekl n sann tuann. ⁶ Balmɔni senni din be u mɔb ni, k linba k tuok din k nyii u mɔb ni. U din sonm nan'n manu nan balmɔni sonu ni e, u din te k niib bonciann k kua biit ni. ⁷ K maan mantua mɔb sii gbie nan minu, k maan niib baat u buol e, k boi senni po. K maan u tie sejenm kaagbennu tonti e. ⁸ Kaagbennu yet'a: ŋaan yinm, i kpiat sonu waa, i jikt senni k te niib bonciann baa. Ii biil Lefi lol a. ⁹ N saa te k niib ii salkt'i . K i tie yann niib kul buol, k maan n k tua n soni, k te niib bot, yuo nba k i sɔnkt Yennu senni . ¹⁰ T kul na k taa baa yennɔ kaa aa? Yen-yenɔ kua kaa nan tinm ii? K bee yenm k cɔln lieb k biil t baanba lol'i? ¹¹ Juda wann u mɔnŋ nan u k cɔln, k biit nba k niib tun yab Islael na selusaalenm doi n, k man b k cɔln linba , k b jii k l tie kaagbennu yal, kaagbennu nba luon linba, k b jii taan nan yensaanu bonpok . ¹² Kaagbennu saa nyinn danɔ nba tie nna? Kaagbennu nba goli niib paak, k bia jiint'b na, saa nyinnɔ sakɔb buo ŋai ni, k bia nyinn, wun nba saa nyinn, dannɔ mann malunŋ u paak. ¹³ Ya bia tuun linba e na: i baal k sut nyin nyint, kaagbennu binbintl paak, k mɔ k kuli, k maan u k gan i piini, k bia yien lin nba nyi i nii ni. ¹⁴ K i bia yien a: bia paak e? K maan kaagbennu din tie, fin nan a naasint ni puo siala daanɔ, nba k a nyikɔ ŋaan conm, ŋaan k ŋua e tie a ŋuak k bia tie a lol puo na. ¹⁵ Sua kaa k tien nna nan dudukŋant, niyenɔ kua e tien, bia paak e? k maan u luon piisn nba k Yennu din senn, nan u saa tulɔ na e. ŋaan ii cek man, k sua daa nyikt u naasint puo ŋaan ki conm e! ¹⁶ Kaagbennu Islael Yennu yet'a: k maan'n k luon nilɔ bel puo, kaagbennu bia ŋanm yet'a: n bia k luon nlɔ n jii finfinn , k bel puo nan nimɔnn, l daanɔ mɔk biit. L paak i suol i mɔnŋ k daa kuat i mɔsona nba k i din senn. ¹⁷ I te k kaagbennu bakt nan i maan, k i bia nyaa: nlee k t baknt'ɔ? I baknt'ɔ yaa yaa wun nba kul tuun biit tie niŋanɔ kaagbennu tuann na, k ŋua e k kaagbennu luonɔ na. Yennu mɔnpaku be lee?