¹ Kaagbennu yennu yet Mois a : ² yetl Islael tieb ; li tie k sua sat mɔb nan u saa jii nilua k tul min yennu u mɔk pann k saa paa l i tie k u tan luon nilua manŋ. ³ l paati e na ; jua nba la bina piinle k saa tuu pinluob u paati si tie likbna piinmŋu. ⁴ Puo mun si tie likbina piintaa. ⁵ bik nba mɔk bina ŋanmŋu k saa tuu piinle u paati tie likbina: bonjak tie likbina piinle, bonpuok likbina piik. ⁶ Bik nba jii mŋaatik k saan tuu bina ŋanmŋ, bonjak tie likbina ŋanmŋu k bonpuok likbina ŋantaa. ⁷ nilua nba gal binaa piinluob, jua tie likbina piik nan ŋanmŋu k puo tie likbina piik. ⁸ l i tie k sua tie nandaanua k kanfirt pa likli nba k b wann na wun baal nan nilua manŋ manntua buol k manntua na saa wann u npaati k lin jannŋ bianŋ nba k daanua na saa fit pa. ⁹ l i tie k mɔsonn na gaan bonkobuk nba ŋan nan yenpiini l bonkobuk tie yennu yal'e. ¹⁰ K l daanua j kan pa bonkobilua ŋaan gaalua lie tie k u tun nna ŋaan banle manŋ kul tie yennu yab e. ¹¹ ŋaan li tie k mɔsonn na gaan bonkobuk nba k ŋan nan lin man n malunŋ k tul yennu daanua na n jii bonkobuk manŋ k saan nan nua manntua buol, ¹² k manntua na n saa senn l paati k janŋ l ŋant nan l biit, waa yet liba saa set. ¹³ k l i tie k daanua na luon k wun dai e wun pa l dauk k bia pukin likli l bɔktu munmŋu ni yennkua. ¹⁴ l i tie k sua jii u ŋaak k tul i e, manntua e saa senn l ŋant nan l biit daauk k manntua nba saa senn linba ŋanne saa tuo. ¹⁵ K l i tie wunba jikt tien yennu na bia luon wun mŋat dai e wun pa l daauk k bia pukin likli l bɔktu munmŋu ni yenn kua. ¹⁶ K l i tie k sua bɔktu kpaaub k tul yennu b saa senn l daauk k lin janŋ nan bonbuoli bianŋ nba saa bul l yial e k bɔlgbinn sii tie piinmŋu. ¹⁷ l i tie k u jii tinŋ na k tul yennu nŋikcab binu na ni e l daauk sii tie l bannu e. ¹⁸ ŋaan l i tie k nŋikcab binn na gal gbenn manntua saa bikin k got bina nba tenn k saa tuu nŋikcab binn nba waa na, k j senn tinŋ na daauk k l i waal. ¹⁹ K l i tie daanua nba jii tinŋ na k tul yennu ŋaan tan luon wun mŋat daa i e u saa pa l daauk k bia pukin liklii l bɔktuu munmŋu ni yennkua. ²⁰ l i tie k tinŋ daanua k mŋat daa tinŋ na yennu buol ŋaan kɔi k tul sua ŋaan tan luon u j kanfit daa. ²¹ K nŋikcab binliel nba waa na b saa nŋinn tinŋ na paanu ni k l sii tie yennu faal, k manntieb sii yen ²² l i tie k sua jii tinŋ nba k u daa k tul yennu, ²³ manntua na n bikin l daauk la jii l yuo nan bina nba bial k saa tuu nŋikcab binn k daanua na saa pa l likli daal manŋ ni k likli na sii tie yennu yal. ²⁴ Nŋikcab binn na ni b saa jii tinŋ na k tul wunba bo kɔi na, n na i ka u maalu. ²⁵ bona kul daauk sii tie yonm nan bianŋ nba k yadanm wann na e. ²⁶ Bonkobit kul mal sinsina tie yennu yal e k sua kanfiit jii k tul yennu biak'i. ²⁷ l i tie k i tie bonkobuk nba mɔk biit, u mat sinsinn bondaanua saa fiit mŋat daauk pa k pukin bɔktu munmŋun ni yenn baa senn daauk bianŋ nba na paak. u k i mŋat daau manntua saa fit kɔi k tul sua waa luon daauk bianŋ nba. ²⁸ Sua kan mi fit kɔ kuon k mŋat daa linba kul ku cab yennu, laa tie nisalik ami bonkonuk, n na e ka tinŋ l kul saa kpant yennu yal. ²⁹ l i lek i tie nisaalik gbaa, wunba k b ji'u cab yennu i j laa mŋat daau k bin kpiu. ³⁰ i jii i jiet nba k i kuo piik ninŋ yenn k tul yennu laa tie jebin kuo tiluana l i tie yennu yal. ³¹ k l i tie k sua luon wun mŋat daa i e wun pa l daauk nba tie bianŋ nba k bia pukin likli l bɔktuu munmŋu ni yenn kua. ³² l i tie nei, pei nan buunii e bonkobt piik ni bonkob yenn saa jii tul yennu e. ³³ bonkobdaanua kan gann waa luon linba banle kul sii tie yennu yal e, u bia j kan fit ŋmat daa nan yennua waa. ³⁴ senni ne k yennu lin tul Moiis siinaai jual paak a wun wann Islael tieb