¹ K yonmdaanɔ yet Moïs a: ² a wann Islael-tieb k bin baal nan tiik nba k b yi'u Oliif na kpan, kpan nba mantk ŋan, k daajuok kul fita na i di. ³ K aalɔnn tuu senn lin nba k fita sii tua l k luon mɔlol lakl na tuann fita na i di n tuann daajuok k saa tuu sanyiaɔk ni. I cɔln l sennu i ni yuo kul nan yaabuonna, nan yaabuontuat. ⁴ Aalɔn tuu saa senn fitana n tuan, sal ma sent nba tie kut na paak, k li di nyiaɔk kul. ⁵ Jiin'n yon k tien paanu kuna piik nan ŋanle k pul k li kpai culu piik piik. ⁶ K paan paan kuna manŋ caabu munle, tabl nba k taan nan salma na paak, k paan ŋan luon-luob k li be yennutuann. ⁷ K tuan bonnunubt nba ŋan k yekn caabu kul k li sie paanu sie nu ni, nan l tie piini k tien yennu. ⁸ Fuon daal kul, i tuu saan nan paannu na k paan yennu tuann. L tie Islael tieb tuonn e yuo kul. ⁹ Paannnu na tie Alɔn nan u maalu yal e. K b saa din sian nba ŋan na buol k maan l tie sian nba ŋan k mantk ŋan na jiet nba k b tul yennu e, k tie mann tieb yal. ¹⁰ Jasua din be ki u baa tie Ejipt nilɔ ŋaan ki u naa tie Islael nilɔ, ki u naa sann tie selomif ki tie Dibli bipuo ki nyii Dann maalu ni. ¹¹ Ki bi be kaaŋ ni ki jua na tan kɔn nan Islael nilɔ kɔnu na niŋe ki u sat mɔtont ki tul yennu ki bi jiiu ki baal nanɔ Moïs buol. ¹² Ki u te ki bi kuanɔ luolini, ŋaan guu yuo nba ki yennu tan saa wannib baa saa tienɔ bianŋinba. ¹³ Ki yennu yet Moïs a: ¹⁴ Jiin jua na ki nyinnɔ kaaŋ na kpiŋ. Ki wunba kul gbat ki u sat min yennu mɔtont, wun paan u nii jua na yul paak, ki lin wann nan u tun biila. Ki niib na kul n jaatɔ tona ki kpiu. ¹⁵ Ŋaan yet Islael tieb kul nan wunba sat mɔtant ki tul min yennu li daanɔ saa la tubidatu li paak a. ¹⁶ Ki bi saa kpin, Islael nilɔ kuo buol ŋannii nba kul kua Islael tinŋ ni ŋaan sat mɔtant ki tul min yennu, bin kpiu. Niib kul nba be kaaŋ ni n jaatɔ tana ki kpiu. ¹⁷ Wunba kul nyinn nisaalik manfuol, yin kpiu. ¹⁸ Wunba kul kpiiu lua bonkobuk, yin te ki wun pa li paak. Li sennu tie manfuolii nyii manfuole n pa li paak. ¹⁹ Lii tie ki nilɔ tul u lua daŋ, laa tie linba kul, yin mun tien nna ki tulɔ. ²⁰ Lii tie ki u jint kpabilie, yin mun jint u kpabil. Li i tie ki u kpakil ninbinnie, yin mun kpakil u ninbinn. Li i tie ki u fa fokit nyannie, yin mun fokil u nyann. Daŋ nba kul ki nilɔ tul u lua, yin mun tun nna ki tulɔ. ²¹ Wunba kul kpii bankobuk, yin te ki wun pa li paak, ŋaan wunba kpi nilɔ yin mun kpin. ²² Sennu na dia i kule yimm Islael tieb nan buol gannii nba kua nani na, kimaan mine tie i yomdaanɔ yennu. ²³ Yuo nba ki Moyïs yet nna maŋ ki tul Islael tieb na, ki bi jii jua na ki nyi nanɔ kaaŋ na kpiŋ, ki saa jaatɔ tana ki kpin nna ban nne ki Islael tieb tun, nan biaŋinba ki yennu wanu Moïs a bin tun na.