¹ K yennu tul pak yet moiisa: ² Sennu na k jiin daanua nba k gbanant paak yial yuonn suolua; k tan gbenn waa saa ŋaam u moŋ bianŋinba: daal nba k b saa muant nan u ji yien na, ii jiiu k baal manua manua mann tua buol. ³ K mann tua na saa jiiu k nyi manua kaanŋ na kpiŋ k fiitua. lii tie k yialu na gbenn ⁴ mann tua na t bin baal nan ŋmana banlee nan tiik nba k u nubila man daauk, nan ŋmimɔnŋ nan du fatlai, ⁵ K mann tua na saa t k bin kpi ŋman yenn yɔkbobil nba sie nan nyun ŋanin na paak. ⁶ K u saa jii ŋmanliel na k dulua cincinn ŋmann sɔn ninŋ, k kpab nan daauk manŋ nan ŋmimɔnŋ na nan du fatlai na. ⁷ K jiil nan sɔn na k mii wunba yial luon wun nyi jakint ninŋ na paak taal k munlole, k ji muant nan u yien ŋaan ŋaa ŋman nba fo na k wun yukil k yaat. ⁸ Daanua manŋ saa wuul u tiat k bia kuol u yut kul ŋaan wul, k ji sii yien, k u ji saa fit kua kaanŋna ninŋ, ŋaan sie k u be ŋaak nanyel da ŋanlole. ⁹ k daa ŋan lole daal u bia saa ŋanm kuol ii yut nan tianŋ nan ninkoat nan kobit kul nba be u gbanant paak, k saa wuul u tiat k bia wul, k ji sii yien. ¹⁰ K daaŋanniin daal wun ji baal nan pejaibanle nan pesal, binba tien bin yennkua, k bia k mɔk janmi, nan yon nba ŋmat kpan k lii tie kuulwa ŋan lee, nan kpan kpalbjinn. ¹¹ K mann tua na saa jii jua manŋ nan yenpiinii k saan nanm yennu lanbonŋ tanmob buol. ¹² K manntua na saa jii peijai na yennu nan kpan na k mann malunŋ, k lii tie biit paak malunŋ. Mann tua na saa jii k tul yennu k lii tie bulcin piini k tie mann tua yal. ¹³ Mann tua na saa kpi pieuk na k asi i buol nba k b kpi bonkobt nba tie yanbɔnm yenpiini na, wun tun n na k maan biit paak yenpiini tie nan yenbonm nae, k sii tie mann tua yal k tie kasii. ¹⁴ Manntua na saa jii pejak na sɔn waan, k suu jua na diitu tublɔnn, nan nu ditu nib jal nan diitu tab jal, k lin wann nan u si yien. ¹⁵ Mann tuana saa jii kpan na waan k kpaal tien u monŋ ganŋ ni paunŋin. ¹⁶ ŋaan nuab u diitu niibil k su kpan na k mii lenŋ, yennu tuann taal munlole. ¹⁷ Saa jii kpan nba be u ni paunŋ ni na waan k bia jii pejak na sɔn waan k ŋmat suu jua na diitu tublonn nan u diitu niib jabl nan u diitu tab jabl. ¹⁸ Kpan nba bial u ni pauŋin na u saa k paal jua na yul paak nna bannue k manntua na saa tun k ŋanm jua na. ¹⁹ K mann tua saa mann yenbonm malunŋ, k ŋanm daanua nba be jakintin na, k l puolpo wun kpi bonkobuk nba tie mujuonu yenpiinii malunŋ na. ²⁰ K pukin jiet malunŋ na po, binbintil na paak Nne bannue k manntua na saa tun k ŋanm jua na, k u sii tie kasii. ²¹ Li tie k jua na nami k kan fit la bonlonŋana kul ,ŋann wun kpaan pejak k li tie biit paak malunŋ, ki tie bulcin piinii, ki tien yennu ki tie manntua yal wun baal nan yuon nba ŋmat nan kpan, kuul waa, nan yuon nba ŋmat nan kpan, kuul waa, nan kpan kpalb jinn k li tie jiet malunŋ. ²² wun bia baal nan lanjelii banlee, ŋann nika ŋmana banlee, k yenua ii tie mu juonu yenpiinii. ²³ Daa ŋannin daal nba k b saa danmua na, wun baal nann, k tan tul mann tua lanbonŋ fan mobninŋ. ²⁴ K manntua na saa jii pejak na nan kpan na k li tie bulcin piinii k tien yennu k tie mann tua. ²⁵ U saa kpi puek na, k sii u sɔn na waan k suu jua na diitu tab jabl . ²⁶ Mann tua na saa jii na waan k kpaal u monŋ nipaunŋin. ²⁷ ŋaan nuab u diitu niibil k suu kpanna k mii lenŋ yennu tuann, taal munlole. ²⁸ U saa jii kpan nba be u ni paunŋinna waan k suu wat pejak son nba k u bo suu jua na diitu tublon na paak, nan u diitu nib jabl, nan diitu tab jabl na paak. ²⁹ kpanninba bial, u ni paunŋin na, u saa kpaal jua na yul paak Nne bannue k mann tua na saa tun k janm jua na. ³⁰ K mann tuu na saa jii ŋman yennu, ŋannika lanjelik. ³¹ K mann k li tie yenboɔnm yen piinii, k lua na munii tie mujuonu yenpiini, k pukin jiet yenpiinii na po, n na bannue k mann tua na saa tun k ŋanm jua na. ³² Sennu nba nae dia daanua nba k gbanant paak yial yuonn suoluo, ŋaan u kan fit la bonlonŋa nba saa ŋanmua na kuli. ³³ Yennu paak Moyis nan Aalon a: ³⁴ yuon nba k li saa kua kaana tinŋ nba k n tuli na, mii tien gbaatin yialu ŋaak nba paak. ³⁵ Wunba tie ŋaak na yudanua saa saan maat mann tiebe, k yeta: gbaa tin kua n ŋaak ni. ³⁶ Manntua na saa t k b nyinn bina kul aak manŋ ninŋe waa wun fit kua k git yialu na, ŋann nika u saa yet nan ŋaak na ninŋ mɔk jakinte. Bii nyinn linba kul be bona kul yuo nba u kua ŋaak manŋ ninŋ. ³⁷ K got yialu na, li tie k bon nan muat na, ŋanika k tie bon monkpialil, k kua dikpina ninŋ. ³⁸ Wun nyik ŋaak na, k luon, k lii luo daa ŋanlole. ³⁹ L daa ŋanlole daal, u saa ŋmat ŋanm got li tie k l puki. ⁴⁰ Wun t bin nyinn ŋaak na tana nba k yialu na be l paak na k lu duo kpinŋ, siaminba tie jakint buol. ⁴¹ L puolpo, mann tua na t k bin pokt diit na nuak ninŋ tin taauk na kul, k lu siaminba tie jakint buol. ⁴² K ji lon tan lia, k kuan linba bo nyiina fana ninŋ, ŋaan bia taan dikpina manŋ ⁴³ Li tie k yialu manŋ bia ŋanm k nyii ŋaak nba k b bo nyinn tana nba kul bo baa yialu na k bio bo pokt l tintaauk na ni. ⁴⁴ ŋann manntua na n saan ŋaak manŋ ninŋ k saa ŋanm got, lii tie k yialu na pukii ŋaak na mɔk jakint. ⁴⁵ Yin tuat ŋaak manŋ k sikin tinŋ ninŋ duo kpinŋ siaminba tie jakint buol. ⁴⁶ Bi luon ŋaak nba mɔk gb aatin na tan mɔb, wunba luot k kua, daanua manŋ, si bejakint ninŋe kaka nan daajuok. ⁴⁷ Wunba dual , ŋannika, k dii ŋaak manŋ ninŋ saa wuul u tiat. ⁴⁸ ŋaan li tie k ŋaak manŋ bo taan tintaauk k manntua baal k tan ŋanm k got, k k la yialu na puukin wun muant nan ŋaak na ŋan, k maan yialu na kul gbenna. ⁴⁹ K fit ŋanm ŋaak na sie k u lon ŋmana ŋmimong nan du fatlai. ⁵⁰ K manntua na saa kpi ŋmanyenn yokbobl nba sie nan nyun ŋanin na paak. ⁵¹ K u saa jii tiik nba nublu man daauk, nan du fatlai nan ŋmimɔnŋ nan ŋmann na sɔn ninŋ, nan nyun ŋanin na ninŋ, ŋaan na jiil k ⁵² Nna bannu k mann tua saa jii ŋmann son nan nyun ŋanin, nan daauk, nan du fatlai nan ŋmimɔnŋ, k ŋanm ŋaak na. ⁵³ ŋaan nyik ŋman fuok na, k ŋaau duo kpinŋ, k wun yukil yaat. Nna bannue k saa tun ŋanm ŋaak na k l ji sii yien. ⁵⁴ Sennu nba nae jiin gbanant paak yialu po. k jiin jei nan gbanant paak, gbaatin po. ⁵⁵ K jiin, gbanant paak, gbaatin po. ⁵⁶ K jiin gbanant paak yial yuona nan gbaatin nala ⁵⁷ Sennu na nba nae want bona nba Dan nan linba k ŋan.