¹ K yennu pak nan Moïse nan Aalɔn a: ² Li i tie k i la k nilɔ mɔk nal u gbaanu paak, ko bonmolkal, ko u sial buol pien k tien nan gbatl, bin jiu k saan naanɔ mantɔ Aalon buol, n nae ka u bik nba tie manntɔ na buol. ³ Mann tɔa na sa got nal nba be u gbenu pak na. Lii tie k nal na ni kobuk penn, k nal na bia lukl k suumi, L tie gbatl nal e k mann tɔa na sa ŋanm got k yetɔ a, a tie biit daanɔ e. ⁴ Ŋaan lii tie k u gbanu na paak sial buol penn ŋan k l ki sumi gal gbananbɔnŋi, k lenŋ kobuk k penni, mantɔ a na sa luon wunba mɔk nal na daa ŋanlole. ⁵ Daa ŋanlole dal, manntɔa na sa gotɔ. Lii tie k nal na k pukini ki bia k yabit u gbanu paki, manntɔ a na bia saa ŋanm kuanɔ diuk ni daa ŋanlole. ⁶ K manntɔa na bia saa ŋanm gotɔ daa ŋanlole dal k lii tie k nal na waab ki bia k pukin gbanant paak, manntɔa a na saa yet a u tie niŋaanɔe. Lii tie naale, u saa wunn u tiat ki tie niŋaanɔ. ⁷ Ŋaan lii tie k nal na ŋanm yabt u gbanu pak, k sua k manntɔ na daan yetɔ nan u ŋan, u bia saa ŋanm k gotɔ pukin. ⁸ Manntɔa saa gotɔ li tie k nal na yabt gbanu pak, manntɔa na sa yetɔ na u mɔk biit li tie gbatle. ⁹ Li tie k nilɔ mɔk nal k l tie gbatl nal, yiin jiu saan naanɔ manntɔa buol. ¹⁰ Manntɔa na saa gotɔ. Lii tie k u gbanu pak mɔk nal k l pien, k li pennu na penn kobuk nba be lenŋ na, k li pennu na penn kobuk nba be lenŋ na, k u gbanu paak mɔk buanu k l be nal na buol, ¹¹ Li tie nal kpele na ki be l daanɔ gbanu paak: K manntɔa na saa yetɔ nan u mɔk biit, u kan kpaalɔ, k l maan u mɔk biit. ¹² Lii tie k naala na be nilɔ na gbanu pak kul, k piin u yul pak k sa dian u taa, sian nba kul k manntɔa na saa got, wun ŋanm got fanu; ¹³ yuonba k u la nan naala na gbenn u gbanu kula na, u saa yet a li daanɔ ŋan; nan laa gbenn u gbaanu kul, u ŋaane. ¹⁴ Ŋaan daal nba k b la k nal nba nyi nyun be u pak, u k ŋaani; ¹⁵ Yuonba k manntɔa la nal k l nyi nyun, u sa yetɔa a u ki ŋaani, nal nba nyi nyun k ŋaani, l tie gbatle. ¹⁶ Lii tie k gbaanant na gbint k penn, u saa saan manntɔa buol: ¹⁷ K manntɔa na saa got k laan nal na penna, k manntɔa manŋ sa yet a a ka jakint u ŋan ne. ¹⁸ Wunba kul mɔk nal u gbanu paak k l tan bul, ¹⁹ k l bia tan jen sian nba k l bo buul na, k faant, ko k penn, ko k mɔk bonbonwuwul, li daanɔ wann manntɔa. ²⁰ Manntɔa na saa got ki lii tie k nal na suumii, k lenŋ kobiit na penn, manntɔa na sa yetɔ nan u mɔk jakint: L tie gbatl nale k l puut nyi. ²¹ Lii tie k manntɔa got la nan kobit nba be lenŋ ki penni, k bia ki suumii, ŋaan mɔn, wun kuanɔ diuk ni daa ŋanlole. ²² Lii muuni puuki u gbanant pak, manntɔa na saa yet u mɔk jakint: L tie gbatl fiɔko. ²³ Ŋaan lii tie k nal na k pukin k bia k yabt u gbanant pak, ŋann l tie mol na niame; k manntɔa na saa yet a u mɔk jakint. ²⁴ Lii tie k nilɔa mɔk u gbanant pak muu fiaɔk, k fiaɔk manŋ paak mɔk kob pienn, ko bonmonwuwul, manntɔa saa gotɔ. ²⁵ Lii tie k lenŋ kobit lebt k penni k bia suumi k kua gbaanant ni, tie gbatle, ŋanne nyi u gbanu paak, manntɔa na sa yet a u mɔk jakint. Li tie gbatl fiaɔko. ²⁶ Ŋaan lii tie k manntɔa na got k ki la kobit pienni nal manŋ ni, k l bia k suumii k kua gbanant ni, ŋaan mɔn wan, wun kuanua diuk ninŋ k kpan daa ŋanlole. ²⁷ Daa ŋanlole daal, manntɔa na sa gotɔ lii tie k nal na yabit u gbanu paak, manntɔa na saa yet a u mɔk jakint: li tie gbatl fiaɔko. ²⁸ Ŋaan li tie k nal na k pukini, k bia k yabt u gbanu pak, ŋan penn: li k tie nal biuk ka Manntɔa na saa yet a u k mɔk jakint ŋaan l tie muu na buanu e. ²⁹ Lii tie k jua ko puo mɔk nal u yuul paak ko u yiaki, ³⁰ Manntɔa sa got nal manŋ. Lii tie k l suumii k kua gbanant ni, k kobimonwuwul be k bia tie bonbik na, manntɔa na saa yet a u mɔk jakint. Li tie nal biuko be u yuul ko u yiak pak. ³¹ Lii tie k manntɔa na got k sua k nal ne k suumi k kua gbanant ninŋ, k kobi bonŋ k be lenŋ, u sa kuan daanɔ nba mɔk nal manŋ daa ŋanlole. ³² Daaŋanlole dal, manntɔa na saa nyinɔ gotɔ. Lii tie k nal na k puukin, k kobimonwuwul ka lenŋ, k l bia ki suumi kua u gbanu ni, ³³ wunba mɔk nal manŋ sa kuol, ŋaan u kan kuol sian nba k nal na be; k manntɔ saa ŋaanm kuanɔ diuk k kpaan daa ŋanlole. ³⁴ Daaŋanlole dal, manntɔa na sa gotɔ k li tie k nal na k puukin u gbanant paak, k bia ki suumii kua u gbanant ni, manntɔa na sa yeta uk mɔk jukint, k u saa wunn u tiat ki ŋan. ³⁵ Ŋaan li tie k nal na pukin u gbanant pak, ŋan sua k b muant nan u k a jakinti, manntɔa na saa ŋanm gotɔa. ³⁶ Li tie k nal na ŋanm pukin u gbanant pak, manntɔa na daa luon wun laan kobimonwuwul be lenŋ. U mɔk jakint. ³⁷ Li tie k nal na k ŋanm pukin, k kobibonni puukin lenŋ, nal na buula: u ji ka jakint, manntɔa na saa yet a u ka i jakint. ³⁸ Li tie k jua kuo puo mɔk taanpienna u gbanant paak, k l tie bonpienn, ³⁹ Manntɔa na saa gotɔa. Lii tie k u gbanant pak mɔk bonpien kpialil, l tie naalae nyi u gbanant pak: u ka jakint. ⁴⁰ Lii tie k jua jul kokil, k ka yuuti, u tie yupialuk o u ka jakint. ⁴¹ Li tie k yul na kokl, yuusinsuk ni u tie yupialuko, u k mɔk jakint. ⁴² Ŋaan lii tie k yul nba kokl sian nba na mɔk fiaɔk, k l puolpo mɔk bonmonwuwul, gbatl nale u nyi u gbanant pak, ŋanne te k u yul na kokkl numpo ko u puolpo. ⁴³ Manntɔa sa gotɔa. Li tie k nal na tie bon pienmɔna yugbial paak ko u puolpo, li tie nan nal biuk o na k be u gbanant pak, ⁴⁴ Manntua na sa muant nan u mɔk jakint, k maan u gbanant paak yial yuonn be u yul paak. ⁴⁵ Wunba kul mɔk gbanant paak nal yuonn, wuii lia liatciat, k da kuii u yut, k bla daa cat u yut, k bia pii u mɔb, ŋaan kii yikin ki yien a, jakint, jakint. ⁴⁶ K u saa bial kii tie jakint daannɔ, nan yoo nba k u yul paak nal yuonn na sa gbenn. U sii dua kanŋ kpinŋe, ki be u kukua. ⁴⁷ Li tie k wunn kua liant paak, laa tie bonkobt gbant liant, n naii ka gungunt liant, ⁴⁸ n naii kan gungunt kpal cat paak, n na ii ka bonkobt gbɔŋ paak, n na ii ka, linba kul k'b jii bonkobt gbant k nannil, ⁴⁹ Lii tie k wunn monŋi bon moat na, n noii kaa k tie bonmɔn kpialil nna, ŋann l tie wunn nba sa pɔte, k yin jiil k saan wan manntua. ⁵⁰ K manntua na n gaal k got; ŋaan bɔl bonn manŋ daa ŋanlole. ⁵¹ K daa ŋanloe daal, wun jii k ŋammk got fanu, k lii tie wunn na pɔt, ŋann bonn manŋ mɔk jakint. ⁵² K manntua na sa jii k juul muu, k lin di k tan buot, k maan l tie wunn nba sa pɔte. ⁵³ Ŋaan lii tie k manntua na got, kk la k wunn na pɔt bonn na paak; ⁵⁴ wun te k bin jii k wuol, ŋaan wun bia gaal k bɔl daa ŋanloe. ⁵⁵ K ubia saŋanm kgot, k lii tie k wunn na k lebit ninnaaunŋ, la lek k pukin na, ŋaan l mɔk jɔkint; yiin jii bonn manŋ, k juo muu, lii lekii tie k l be bonn na puolpo, n naii ka nuak ni, yinm n juu muu. ⁵⁶ Ŋaan lii tie k maantua na got k la k wunn na k pien k nyilii, wun pat wunn manŋ yaan be bɔkl nba na k nyinn. ⁵⁷ Lii tiek wunn manŋ mun ŋanm k jennii e ŋann ŋaan, l pɔtii na biak, l bonn daanua n jii, k juu muu. ⁵⁸ Lii tie k u wuol k wunn na, bot, wun bia ŋanmk wuol, k l j kii mɔk jakint. ⁵⁹ Ton, linba nae tie sennu nba jien wunn nba sa kua liant paak,la tie bonkobt gbant liant, nnaei kaa gungunt liant, nna ei kaa bonkobt gbancabaa, nnaei kaa gungunt kpal cataa, n naei kaa bonsial nba kul k gbonŋ be l paak, ii tu sa tien n nae k fit bann bonn manŋ, yaan ŋa nan laa k ŋan.