¹ Hee bee! Digbann nba mɔk niib bonciann na u kal u kua e, l duo tie nan digbangbenŋle pakuak na e. U tien digbangbanŋa ni, k mɔk panŋ doi paak b tienɔ daabl a. ² Nyiaɔk u tu mɔe e. K ninnyint puob u tankpina paak nan binba kul luonɔ kul, sua k baln'mɔ, u ŋuat nba ji k naki'ɔ, b ji tie u datai e. ³ B suol Suuda buolu k saan nan'm digbanfɔnn a. B jii ntie daaba e, k be mabl, k tuon tuona. B laa b nibuol fanm ninŋ e, k k laat fuon. Bin nba kul tuu waa'u tan laa'u, k u be wolbuk ninŋ e. ⁴ Siiɔ duo ni soni be pal biil ninŋ e, k maan sua ji k tɔki k saa janm. U ŋalnset bua kul , ji be yann e, manntieb kul ji kuli e, k u sapaanmuna kul pala biil k duo manŋ be kuun palbiil ni. ⁵ Bin nba mabɔ na paaktɔ e, k u datai ji be b yama ni, k maan kaagbennu sikn'ɔ biit bonciann paak . U waas sonm, k tie daaba b mabl danm buol ⁶ Siiɔn sapaamɔ yudant kul bot a, Siiɔn batnba tie nan piali nba k laat muat ŋman na e, k b waa'b , k b kmɔk panŋ nan nantaal. ⁷ U palbiil nan fala daa ni, Selusaalenm niib tiet bonŋana k bdin mɔksian-yuo po, yuo nba k b baa b younmdanm nuu ni k k mɔk sonmtua, k bdatai la'b, k b laa'b nan baa baa. ⁸ Selusaalenm din ŋanmt tuun u biit e, l paak k b laa'u bin nba kul din baakt'ɔ, ji salkt'ɔ e, baa la u ŋann ni na, u tiaɔn ŋ ji duun e, k lek u nunm. ⁹ U jɔknt tuona din be u liat fuok kpinkpant nie , u din k luon wu nyiik biit manŋ. U din tan baa baktnaɔnŋ baak e, k sua baln'mɔ.O kaagbennu gotl n fala gotl dataak nba mɔk panŋ bannu nba ¹⁰ Siiɔn duo ni mabl daanɔ, gaal gaal waa mɔk lin nba, k l ŋan Siiɔn duo la, niib nba k fin kaagbennu dinyet a bin kan lua manŋ, b kua yenjiant buol k be a niib sin suuk ni. ¹¹ A niib ji duun e, k po kpaan jiet, jiet b jii b bonŋana kul k gaal jiet dii waa, a bin fit ki fo. Gotl kaagbennu, gotl ba salkt'n bianŋ nba. ¹² N yien yinme, yinm nba gaal nna na! gotl man k laan sua laat n fala na buolu uu? Yonmdanɔ te k l baal'n, u wuto ciaɔnŋ daal e. ¹³ U be sanmpaapɔ e waa ŋaan lu muu k l dii n kpaba. U piin baluk o, k te k ŋmat baa puolpo, u lu'n k n pabi, k mann fala daa kul. ¹⁴ U jii unii k lol n biit naayɔuk, paak bukn'n, k l gbenn n panŋ kul. Yonmdaanɔ te k n be niib nba ni, k n kan fit fat. ¹⁵ Yennu nyia n sejenm kul n duo ni, ŋaan tikl sejenm k b kɔn nan'n k kpii n naasinm; yonmdaanɔ ŋmaa Suuda saapaan munn u taapaunŋ ni. ¹⁶ L paak e n mɔ, nyin nyint gbie n ninbina , k maan, yonmdaanɔ wun nba bo saa fial n nyin nyint , wun nba bo saa tul'n pabi k maan dataak paak'b a. ¹⁷ Siiɔn donn u ni, ŋaan sua k baln'mɔ, kaagbennu, tun datai nba kpia'u na, k b baal k pink'nɔ. K Selusaalenm duo ni, k sua kul yan nyii u mɔnŋ ni. ¹⁸ Kaagbennu mɔk mɔni, k maan , n yet min cɔln u senni waa. Niib i gbiin man, Gotl man fala nba tie. B suol n sapaan muna na naasinm kul k yaat nan'm a. ¹⁹ N nyiin yuaknb , ŋaan k b kpann'n k n manntieb nan nsaakab kpo duo ni. ²⁰ Kaagbennu gotl n fala ! n nuak ni mute, k yan nmat , k maan n cɔln kaagbennu. K juke banjiak waa'n nan yel po, k kuun kpi'n ŋaak ni. ²¹ Niib gbia n dundun na, naan sua k sonm'n. N daatai kul gbat n ninbonŋ po waa. B pala manŋ k maan fin ebaal nan'n. A wann'b, k bia baal nan daal nba k b tan sii nan min na. ²² Te k b tonu tuona kul n baal a buol, tie'm nan faa tie'n bannu nba na. K maan n ji dunn e, k n yan ŋmat.