¹ Yuo nba din gal kaagbennu din tul Islaael fuon, k maan u din kɔn nyann b datai nba din lintib na. Sosue din kpeta, u bina din yabt bonciann. ² Ŋannii tien k suosue yiin islaael kul, li saakab nan batnba nan li balbuula nan li ŋmak tie. U yet ba : N kpeta, k n bina bia yabt bonciann. ³ Mɔnŋ la lin nba kul k kaagbennu i yennu tun k tul digbana niib nba kok linti. K maan kaag bennu, i yennu e kɔn nyann'b k tuli. ⁴ Gotl, n jii tinŋ na k l tie fale k n tuli, nakuuk kul nan u yent, digbana nba k n kɔn nyann tuli k l bial tie i yal na, la nyi suulden, nan digbana nba kul k n kɔn nyannil, la nyi mɔkgbenŋil k saa tu yenba po. ⁵ Kaagbennu, i yennu sa t k bin cial k bia belib i nuunm po, ŋaan yi yent b doi nan kaagbennu i yennu nba yet na. ⁶ L paak , i cek man nan panŋ k dia k bia tun lin nba kul dian Muois senni kadaɔk nani, k la ŋmat nidiitu po kuo nigannŋ po. ⁷ I daa jikiit i mɔnŋ k ŋmat digbangana niib ni, i da nyi b fak yennii sann k sent mɔsona, i daa jiantl'b kuo k gba b tuann po. ⁸ Ŋaan i wa kaagbenn, i yennu, nan ya tuun bianŋnba k tan tu dina dal na. ⁹ Kaagbennu bel digbangbeŋa k bia mɔk panŋ i buol ni, k nilɔ ka nan dina dal na k sa fit nyanii. ¹⁰ I ninŋ yenɔ sa fit bel niib tusil k bin cial, k maan kaagbennu, i yennu kɔn tuli nan wa yetii bianŋ nba na. ¹¹ L paak i cek man k kɔn i mɔnŋ paak, ki fit kii luon kaagbennu, yennu. ¹² Lii tie k i mɔk moyetuk k ŋmat taan lol nan digbangana niib nba k yinm nan ŋanm lakin kua na, k bia kuaant b bonpoi, k i taan kmɔk lol e na nan ŋanm. ¹³ I ji ŋanm bann nan kaagbennu, yennun kan ŋmat ŋanm tukin k beel digbangana niib i nuunm po, ŋaan li sii tie nan guungun kuo baluk nae, nan lanbann sik a bɔnn ni na kuo kunkonie i ninbina ni, nan yuo nba ki tan saa kpo k buont k kan kua digbanŋann nba k kaagbennu, i yennu bo tuli na ni. ¹⁴ Gotl man, mɔntaa na n ji ŋmat tɔnkin sonnu nba saa tinŋ na kula poe, i ŋanm bann nan i pala kula, nan i sei kula nan n mɔbona na kul nba kin pak tuli na nyi kaagbennu, i yennu bole. U dia u mɔsona nba k u senne, nan yenkua wa kan bial k kin tun siali. ¹⁵ Nan mɔson ŋaana nba k kaagbennu, i yennu pak tuli na saa gbeen tulin, l banu kaagbennu bia sa gbeen mɔson bit nba u pak tulin, nan yuo nba k u saa bil digbanŋann nba k kaagbennu, i yennu tulin na. ¹⁶ Lii tie ki bil mɔlol nba k kaagbennu, i yennu senn na, lii tie k i bia ŋmat jiantil yenganii k bia gba b tuaan po, kaagbennu wutuol sa do i paak, k i kul sa buont digbanŋann nba k u tulin a i kua na ni.