¹ ŋanne, k Sosue yiin Ruben buolu; nan Gad budu, nan Manase buolu bɔktin. ² K betib a: ti tun linba kul; k yennu tuontunnɔ nɔ Mois daan wanni; k lɔlin n mɔb, k tun linba kul k n wannii wa. ³ Yuo na kul a; ti k nyik ii ninjanm Islael tieb sonmili k tan tuun dinna; k cɔlin senni, nan ii yonmdaanɔ yennu mɔb. ⁴ Motana; yennu tul ii lieb Islael tieb fuon ma; nan wa daan puon bianba na. ⁵ Ti yabil kii dia sennii nba k yennu tuontunnɔ Mois daan tulii na fanu; k ii luon ii yonmdaano yennu kii waa u mɔb, nan u wannu, na ; k jii i mɔnŋ k gaan nanɔ; nan ii pal; nan ii dudukit kul. ⁶ K Sosue ji yat yetiŋanin; k ji te k b ŋmat b lanbont ni. ⁷ Mois din tul nanase buolu bɔkyenn tinŋ nba be Basan yondo po na; k bok liel na mun k Sosue tulib tiny. Sulsn mɔki na yonbaa po; k yet ba i ŋmat kun nan mɔkinte na; k yat yetiŋanin b paak. ⁸ K Sosue pakib a: I i ŋmat kun nan mɔkinte bonciann na; ti kun nan nei k b yab bonciann nan lik mɔna nba yab, nan kut piena, nan liant I i biit nan binba k ii daan k k falib ii datai buol na. ⁹ K Ruben buolu, Gad buolu, nan Manase buolu bɔkitin; k b ŋmat kun suldan mɔkil na yondo po, b din nyik Islael tieb nba tenn na silo; kanaa yent nii ŋaan saan Galaad duo nba dintie b tiny na ni; nan yennu n ba din wann Mois biany nba na. ¹⁰ Ruben buolu; Gad buolu, nan Manase buolu bɔkitin; k b yonpo po na, nba baal Suldan nba be kanaa tiny ni na; k b maa; maluny binbintl; nba yab bonciann k bia fan k kpian mɔkil na. ¹¹ Yuo nba k Islael tieb nb tenn; na gbat nan Ruben buolu; nan Gad buolu; nan Manase buolu bɔktin nba saan kal canaa yent ni, nae maa maluny binbintl na k senn kpian suldan mɔkil na. ¹² Islael tieb na nba gbat n na; k Islael, niib kul taan lieb sila; a bin saan tuok; k kon nanm. ¹³ nanne; k Islael tieb tun fine nba tie maantua Eleazal bija na: a wun saan Ruben buolu; nan Gad buolu, nan Manase buolu nba be Galaad na. ¹⁴ K tuann danm piik tɔk nanɔ; k nyii buolu nba be yondo po na yenɔ yenɔ; k tie nakuuk nan ŋei kul saakab. ¹⁵ K b saan kua Ruben buolu; Gad buoluo nan Manase buolu bɔkil nba be yondo po Galaad; na; k pak k betib a: ¹⁶ Yennu tintaan kaanu niib kule pak na a: ti yet yennu mobe ŋaan maa malunŋ binbintil k tul ii mɔnŋ; bee kii tun bonbiil na k tul Islael yennu? Ti pony ji k wau. ¹⁷ Tiat man biit nba k t din tun peol tiny ni; k yennu din dat t tuba; k baal nan yil biuk t paak; nan mɔtana; k t bia daa di l biak; biit manŋ din k jany ee? ¹⁸ K yinm bia yet yennu weiu dina lii tie kii yet yin wei yennu mɔb: i tubdatu; sii tie tinm Islael niib kul yale. ¹⁹ Lii tie tiny nba kii be na ni, k ŋan nan yin jiantɔie; yin baal ŋua yennu tiɔnŋ tiny ni sianba k u lanbounŋ be na; Gaat yial waan t buol ŋaan daa yien yennu mɔb k maa malunŋ binbintil; k pukii binbintil nba tie t yabint daanɔ yennu yal na po; k l saa te k t tie mɔyetuk danm. ²⁰ Tiat man; Akan nba tie zala bija na nba din yet sennu nba jiin yennu nba biil linba na; k yennu tubdatu din baak Islael tieb kul paake I k tie u i k tie akan kua paak ka. ²¹ K Ruben buolu; Gad buolu; nan Manase buolu bɔkitin; na jiin k yet Islael saakab na: yabit daanɔe tie yennu; ŋuae tie yennu: ²² yabint daanɔe tie t yennu; u mi linba paak k t maa maluny binbintl na; ŋanne tien k t luon yin bann lii tie k t yet, k k wa yennu fanu; yin te k t daa be t manfuol ni. ²³ Lii tie k t yet yennu mɔb, ŋaan maa malunŋ binbintl; k yaa tii jokit mujuo nu malunŋ; nan jiet yenpiinii, nan palpienn yenpiinii, t yulpaakie; yennu n dat t tuba. ²⁴ Linba te k t maa ma luny binbintil na; tie n nae; t k luon k l puolpo; ii yabuona n tan bet t yabuona; nan b k kpiin nan Islael tieb yennu. ²⁵ Yennu jii suldan mokile; k bɔkit timm nan yinm; Ruben buolu, Gad buolu; nan Manase buolu bɔkitin na kpal; ii k mɔk siala kpiil nan yennu ii yaabuona tan saa te k t yaabuona n nyi k yennu weiu wa. ²⁶ L paak; k t daan ; dukin nan tin maa-malunŋ binbint liel; k l k tie ti yaa tii mann malunŋ lenŋ kuo kii jokit muu ka. ²⁷ ŋaan t luon lii tie nyinne; nan tinm nan yinm t yaabuana; nan ii yaabuona, din to, baat t yonmdaanɔ; kassi binbintl na buole; nan t mujuonu malunŋ; nan palpienn piinii; k lin t k ii yaabuona tan daa yiin t yaauona nan b k mɔk siala kpiil nan yennu. ²⁸ L tie dudukite, k tul nan, lii tie k l tun n na; t yaabuona saa fit yet a: Gotilii, t yiejanm di maa binbintl k l tie nan yennu yal na; l k tie b din jokit muu l paak; kuo k mann malunŋ ka; ŋaan l din tie nyinne k tul ii niib nan t niib. ²⁹ L duduk buolu n fokit nan tinm ; nan tin yet t yonmdaanɔ yennu mɔb dinna, ŋaan maa malunŋ binbintil; kii jakit muu; k ii bia kii piin piinii l paak. T kan maa binbint sial k pukin t tonmdaanɔ yennu binbintl n ba be u lanbonŋ na po. ³⁰ Yuo n ba k Fines, nan Islael tuanndanm; nan b saakab nba din tɔk baal; na nba gbat linba k Ruben buolu bɔkil na nba pak linba na k b palaa manŋ. ³¹ K Fines nba tie mann tua Eléazal bija na: pak Ruben buolu; nan Gad buolu; nan Manase buolu bokil na a: mɔtana't ji mi nan yennu be t sunsuuk; ni k maan ii k tun biil yennu; ŋaan tun k nŋinn Isael tieb yennu tubdatu ni. ³² Fines n ba tie mann tua Eleazal bija na nan tuanndanm; ji siet ŋaan nyik Ruben buolu, nan Gad buolu; nan Manase buolu bokil na; k ŋmat kun k saa wann Islael tieb ba la. ³³ K Islael tieb kul palaa ji manŋ k b piak k dont yennu; k ji k mi k yet a; bin saan k, lek Ruben buolu; nan Gad buolu; nba kua yon po na. ³⁴ K Ruben waat; nan Gad waat na ji pul malunŋ binbintl na Ed; k maan b din yet a; l tie sialae k tul tinm nan t yonmdaanɔe tie yennu.