¹ Nun bija Sosue, tun dobii tieb banle, k yetib a: Ii saan fiit sitiim duo ni, mantik Seliiko doo, k jen na wanɔ, k wun fit saan lekib. Ba baal doo manŋni yoo nba, k b saan kua puo jantonn nba k b yiu laab na ŋaak, k dual. ² K b saan kum Seliko kpanbal a: niib banle nyii Islael k bal nyiok na, t duo na ni, a bin fiit duo k got. ³ K Seliko kpanbal tun a bin saan yet laab a: nyint niib nba baal kua a naak nina, k maan b baal a bin fiit te duo e k bann ŋanu k fit bal lekit. ⁴ K puo na jii jab banle manŋ, k bolib, ŋaan yet b a: l tii monne nan bset baal n ŋaak ninŋ na, ŋaan n ji k ban ba nyii k gaal sian; ⁵ La bia bo bonn k luon n gann na, n k ban ba bia tɔkin sianninba pa; I i kakii man k bel waanm, kii saa baalib sonnu ninŋa. ⁶ U din jii k bɔlib u diuok ninn sanpaapo kinkakaa ni. ⁷ K jab na nyii tɔkin Sudenn mɔkil sɔnnu po a bin tan suolib, ba nyii k gbenn yoo nba k b luon duona gann k kpal. ⁸ Puo jantonn na din duo Islael olobii tieb na buol e, k suo k b daa k guan, k yetib a: ⁹ N mi nan kaagbennuk yennu, jii duo na k tulii a, kmaan ii baalu na suol nu a kul a, k te k duo na ni niib kul ji jekil nan yanputuk. ¹⁰ T gbat bannu nba k kaagbennuk bo tun k tuli yoo nba, kii bo nyi Esipt na, waabotek ii sompuot mɔkmunɔ kuunin, k bia te kii tun Amon tieb kpanbalaa banle na tuonnba, mɔkil puotil, Siion nan Og nba k ii bo biilb k b kan ban tien duo kpanbalaa. ¹¹ T din gbat linba manŋ din tun, k t yan putaa, yoo nba k t laii, k maan kaagbennuk, ii yennu na, wua ii tie sanpaak, nan tinŋ na ni yennu. ¹² Mɔtaa na nji balinmiie, mayin pak in kaagbennuk nunŋ ni, nan ii mun saa tiennin ŋanm nan ma tien ni ŋant nba na mun. ¹³ I i te k nbann nan ii kan kpi n baa, nan n naa, nan n ninjann, nan n niipuob nan linba kul k b mɔk. ¹⁴ K jab banle manŋ jiinnɔ a: t too k saa kpo ii paak, lii tie k a k te k niib bann t bobnaa nba k t lol na, yoo nba k kaagbennuk jii duo na k cabit, t mun saatun an faa luon bannu nba na k tula. ¹⁵ K puo na jii ŋmiuk k te k b suol k nyii takalbonn ni, k maan u ŋaak din kpia nan duona guonn nba kokin lint gua duo manŋ nae. ¹⁶ K puona nba yaan nyinnib yoo nba k ubia yetib a: I i saa man jual paak k tan bɔl lenŋ daaŋantaa, kaka nan binba kpaanii na yaan tan saa jen duo ni, n naii kaa b saalaii k sudii kpi. ¹⁷ K jab na yet puona a: Taa sa tien bannunba k fit tun faaboii linba a tin tun k tula k t mun senn mosenn nan t saatun na. ¹⁸ Tii tan ŋii kua duo na ni k yaa tin lekb yoo nba, fin jii ŋmiuok nba k a te k t suol k nyii takalbonn ninŋ k sik na, k lol takalbonn na ni, k a niib na n suol k mun nyi takalbonn mann ni. ¹⁹ ŋaan wunba tie a nua, ŋaan ya wun nyi duo na ni k tɔkin nyii tanmob ni b saa kpiue, k u mɔŋ ii kpaan u kuon, k sua kan taal tim; Naan lii mun ni tie k b kua suol n niib na ni yennɔ k kpiu, k l k tie u nyii tanmɔb ni, u kun nyiiluk ii waat, ki jii t yul paak. ²⁰ ŋaan lii tie k a mun biaa wan t maan nan bobnaa k wan niib, t mun ji kan tunnan faa luon k tin tun na, k tulaa. ²¹ K u jiien a: lii kpanŋii tie nan ya pak bannu nba na. L yoo k uji nyikib, ŋaan tunn k jii ŋmiuok nba tie bonnyinyil na k tan baal lol takal bonn na ni. ²² K jab banle na mun siet saan bɔl jual na ni, k tan janŋ daa ŋantaa, k ji sua binba bo waa k belib a bin suolb na mun ji tunnaa. Niib nba din waa belib na din tɔkin sonnii kul pok kpaam, ŋaan k k lab. ²³ Jab banle manŋ ji din tunn kpanbal Sosue buole, k tan wannɔ linba kul tiem duo manŋ ni. ²⁴ K b yet Sosue a: Nan monniie, kaagbennuk jii duo na k tien t nuu ninŋa, nan l buol niib kula jekle t nunŋni, yoo nba k b lat na.