1 Baa din tɔ tia munle ni, Siimeon buolu e din gaal, nan b ŋai nba tie bannunba. 2 B din gaal lin nba e na: Belseba, Seba, Molada, 3 Atsal, sual, Bala, Atsenm, 4 Eltolad, Betul, Holman. 5 Tiklak, Bet-Mikabot, Hatsab-susa, 6 Bet-Lebaot, nan Salusenm, digbana piik nan ŋanta nan b diganbis; 7 Aïn, Limɔn, Etel nan Asan digbana ŋanna nan l digban bit. 8 Nan digbana nan digbanbit nba kuok k sa tuu, Baalat-Bial, nba Lamat ganŋ po na e tie sümeon buolu faal nan bin ŋai nba tie bannu nba. 9 Siimeon waas din gaal b faal suuda waas yial ninŋ e k maan suuda waas yial din yab bonciann, k b faal ninŋe, k Siimeon waas din gaal. 10 B tiatia tɔnu ni, wun nba din wa muntani din saabulɔn waas, nan b ŋei nba tie bannu nka b yial paak din laa set saalid e. 11 Yenbaa po l din do k saa Mateala po, k saa tuu Daabeset, k gal tuu kpenu nba puob Jokneamm tuann po na. 12 Laa din nyii Sadid, duo manŋ din gɔkl saa yendo po k saatuu Kislot Fabol kpaal paak. L k gal saan daab lat, k do Tafia. 13 Laa din nyii l buol, l gaal yendopo k gol Gita-Hefel, k nyii Hita-kastin, k gal saan Liimɔn k gaal laabaal nea. 14 K ŋmat k tɔkn nudiitu po, k laa tuu Amatɔn, k saan nyii Jufata-El baaɔki ni. 15 K pukn, kaatat, Nahalal, sumlɔn, Jideala, Betelenenm, digbana piik nan ŋanle nan b digbanbit. 16 Na e tie Saabulɔn waas faal, nan b ŋai nba tie bianŋ nba, nan b digbana, nan b digbanbit. 17 Munna ni tiatia din gann Isaakal buolu e, nan b ŋai nba tie bianŋ nba. 18 Kpaal din tɔkn k nyii Jislel, Kesuulot, Sunenm, 19 Hafalaïmm, siiɔn, Anasalat, 20 Labit, Kiisɔn, Abet, 21 Lemet, En-Ganinm, En-Ada, Bet-Paset, 22 L din saa tuu Taabɔl e, K saan Sasasina, Bet-Semes, k laa tuu sulden kpenu. Digbana piik nan ŋanluob nan l digbanbit. 23 Nae tie Isaakal waas buol yial, nan b ŋainan b digbanbit nan digbangbenŋa. 24 B tiatia din waan ŋnmu ni k lukt Asel waas buu lu e, nan b ŋei nba tie bannu nba. 25 B duo paak din nyi Helkat, Hali, Beten, Asal, 26 Alamelek, Amead, et Miiseal; yenbaapo, l din saa tuu kalmel, nan Siisɔl-Libnat. 27 K nuii l buol k gɔkt k nyii yendopo, Bet-Gagɔn, k gal Baal Saabuulɔn, nan Jiftat-ɍl baaɔk, k ŋanŋ po k l nyii Bet-Emek nan Nael, k gaal saa Kaabul po ganŋ po. 28 K saa Eblɔn, Leob, Hamɔn nan kana, k saa tuu digban gbenŋl Siidɔn. 29 L din gɔktl k saa Lama po, k saa tuu digban paalil Tiil, k saa Hosa po, k laa baal mɔkl, Aksiib yial ni. 30 K pukn uma, Afek nan Leob, l dintie digbana piinbe nan ŋanle e; nan digbanbit. 31 Na e tie Asial buol nan u waa faal, nan u ŋai, nan digbangbenŋa nan digbanbit. 32 Baa b tiatia fuunu munluob, l din gann Nestali buolu nan waas e, nan b ŋei nba tie bannu nba. 33 B yial din piin Elef, la nyii Alɔn, k tɔkn gal Taananimn Nakeb, nan Jabnel, k saa tuu Lakunm, k galk saa baal sulden kpenu. 34 L din ŋmat saa yenbaapo e, k saa tuu Asnot-Tabɔl, k nyii l buol k gal Hikak, k baal Saabuulɔn ganŋ po k gaal k baal Asel yenbaapo, k tuu suuda, k sulden be yendopo. 35 Digbanaala din tie, Tidinm, Sel, Hama, Rakat, Kinelet: 36 Adama, Lama, Hastol, 37 Kedes, Elei, En-Hastol, 38 Jileon, Mikdaa-El, Holonm, Bet-Anat nan betsemeɔ, digbana piik nan ŋan-yia, nan b digbanbit. 39 Na etie Naftaali buolu nan u waas faal, nan b ŋai nan b digbangbenŋa nan digbanbit. 40 Baa din tɔ tiatia fuunu muntole ni, l din gann Dan buo lu nan u waas nan b ŋai nba tie bianŋ nba. 41 B yial manŋ din nyii Solea, Estaol, Il-Semes, 42 Saalabin, Ajalɔn, Jitla. 43 Elɔn, Timnata, Eklɔn, 44 Eteke, Gibeton, Baalaat, 45 Jehut, Béné-Betak, Gat-Limɔn, 46 Me-Jalkɔn, nan Laakɔn, nan yial nba tuok nan Jafo na. 47 Dan waas yial din jii k saa gal b duo ni. Dan waas din duo, k kɔn nan lesenm, k gaal l yial, k kpii'b, k kal lenŋ k pul l buol ɖan, baa sann. 48 Na e din tie Dan buo lu nan u waas yial nan b ŋai nan digbangbenŋa nan digbanbit. 49 Baa din bɔkt duo manŋ k gbenn yuo nba, Islael waas din tul Nunbija suosue yia b sunsuuk ni. 50 Nan kaagbennu nba din wann bannu nba, b tul'ɔ duo nba k u boi l po e, Timmat-Sela, Eflainm jual ni, k u ŋanm l duo, k tien u ŋaak. 51 Na e tie faal nba k yennu manntua Eleasel nan nun bija suosué, nan Islael buolu ŋaadanm, tɔ tiatia k bɔkt kaagbennu tuam, siilo duoni, tuntuok lanbounŋ Tanmɔb ni. Nna kb din bɔkt duo manŋ k gbenn.