¹ Islael tieb nba kɔn ki yent tiŋna yuo nba, ki bi taan lieb siilo ki caan yennu lanbouŋ. ² Islael tieb na buolu munlolie din tenn ki bi daa ki lulib tiŋi. ³ Ŋanne ki sosue yet Islael tieb maŋ a: nlee yuoe ki yaa yin saan gaal tiŋ nba ki yennu, wunba tie i yomdaanɔ na ki tuli na? ⁴ Gant jab bantaa-taa buolu kul ni ki te bi nyi ki ŋma tiŋ na ki dɔk yent nba ki bi tuon bi yen li puolpo bin nmat jen n buol. ⁵ Tiŋ na sii tie catu munlolie ki tie bi yal Juda buolu sii be u yent nie niidiitu po, ki Yosef buolu be u yent ni gaŋ po. ⁶ Sɔbin centu munlolina bibink kitulin. Li puolpo n saa boan suka ki boi yenmu ki tuli. ⁷ Levitieb nan ŋalin kaa tol tiŋ centu kimaan bi tol sü tie yennu manntieb nae. Ŋaan Gaad buolu nan Ruben buolu nan manase buolu nba be yendo po na ŋalin poŋ la bi tola wa. Ki li be Juldan mɔki yendo po linba ki yennu tuontunnɔ Moïs din tulib na. ⁸ Sosue nba pakib ki gbenn, ki bi yaal saan a bin saa dɔk tiŋ na nan sasue mɔbona nba tie biaŋinba na, a saant tiŋ na kul po ki dɔkil, ki jen n buol ki man boan suka siilo duo duo na ni ki bai yennu ki tuli. ⁹ Ŋanne ki jab na kak lin tiŋ na kul po, ki dɔk tiŋna ki sɔb baa cent tiŋ na taal munloli bianinba, ki dien doi na sanna. Li puopo ki bi ŋmat jen sosue buol kaaŋ nba be silo na ni. ¹⁰ Ki sosue boan suka ki boi yennu ki cent tiŋ na ki tul Islael buolu nba bial na. ¹¹ Benyamin buolu ni, (ŋaak) ŋaake din sint la tiŋ tol centu na ni. Bi tiŋ maŋ din be Juda buolu tiŋ na yosef buolu tiŋ sinsank nie. ¹² Bi kpaal din piin Judan, mɔkil paake ki jiin gaŋ po, k doo gal Jeliko gaŋ po. Ki saan yenba po, ki saa baal kunkona paak tiŋ na. Ki saa baal Betafenn kunkuok na paak. ¹³ Kpaal na din sik (lus nba sanliel tie Betel na) ki sik baal Atalof-Adal, ki libe kunkonm na paak, ki jiin tiŋ po Bef Holonn diitu po. ¹⁴ Ki kpaal na bia gɔnt, ki nyi kuukonn na yenba po ki saa diitu po nan Kiliaf baal po; ki tie juda buolu yent ŋanne diu tie yenba po kpaal. ¹⁵ Diitupo kpaal din piin kiliaf jealim kpiŋe ki saan ki saa baal Noftoa nyuntonna. ¹⁶ Ki sik fial kunkon nba tol Hinom baauk na, ki li be lefaim baauk ditu pona ki ŋmat sik tiŋ po, ki gal Hinom baauk na Jebus duo kpiŋ diitu po, ki saan en logel po. ¹⁷ Ki ŋmant gaŋ po ki saa tu En-Semes, ki gal baal Galilof, ki li yiek nan Aduminn luann kpaal na, din ŋmat sik ki saa baal bohann tann. ¹⁸ Ki gal duo gaŋ po jual na paak, ki fial Judan mɔkil baauk, ki ŋmat sik baauk na ni. ¹⁹ Ki gaal Bef-Hogla smsikil gaŋ po, ki saan tuu mɔk pienn gaŋ po. Sianninba ki judan mɔkil nyun siik ki taant na doitu po kpaale na dinn. ²⁰ Judan mɔkile din tie yendo po kpaal. Tiŋtelii nba nae ki Benyamin buolu naakuuk din gaal kili tie bi yent. ²¹ Benyamin buolue din yen duoi nba tie Jeliko nan Bef6Hogla, nan Emek-kesis, ²² nan Bef Alaba nan semalain nan Betel, ²³ nan Afim nan pala nan Ofla , ²⁴ nan Kefalamoni nan Ofni na Geba ki li tie digbanna piik nan ŋanlee, ki pukin doi nba kuok lintil na. ²⁵ Digbana nba bia din pukin li niŋ: Gibeonn, nan Rama nan Beelof, ²⁶ nan Mispa nan Kefila nan Mosa, ²⁷ nan Rekem, nan il peel nan Talala, ²⁸ nan Sela nan Haelef nan jebus (bia yiil Yelusaleme), nan Gibea nan kiliaf Jealim: Ki li tie digbauna piik nan ŋanna. Ki pukin doi nba kuok lintil na tinŋ nba nae ki Benyamin buolu naakuuk din gaal ki li tie bi yent.