¹ Yuo nba k Hatsol bat jabinn gbazt nan Isalael tieb laat nyannu tɔbii ni na , k u tun tuomii Madonn bat jobab buol , nan Simlonn nan Aksaf bat nba buol . ² N an bat nba be kukonna doi ni k jii niiŋanŋ po na nan bat nba be Juodann mɔkl bauk ni , dol niidiitu po nba tie kunkɔnn bit na , ³ k bia tun tuomu Kana tieb be yendo ppo nan yenbaa po na buol ; k bia tun Amol tieb , nan Heti tieb , nan Felesi tieb nan Sebusi tieb , nba be juat ninŋ na , nan Hevi nba be Mitspa jual lonŋ n na buol . ⁴ K b kul nyii nan b kunkɔnkɔna na nan ŋanm ; k b kul taan k jii yab nan mɔkil paak tanbiinni na , k bia mɔk taani nan taatolit , k l yab bonciann . ⁵ K bat nba na kul senn b tintaan ; k kaann buol ; k b kul baal , k kal Melom kpenu kpinŋ ; k luon bin kɔn nan Isleal tieb . ⁶ k yennu pak Sosuwe a : ii daa tinm jaŋmaanii k maan wonn n na yuo , n saa t k yinm Islael tieb k kul ; a te k b taanii n wab , k bia dinn b taantolt na muu . ⁷ K Sosuwe nan u kunkɔnkɔnna kul ; tan kpil k dɔkit b paak , Melom kpenu na kpinŋ , k kakit k sua b sinsuuk ni ; ⁸ k yennu te k Islael tieb kɔn k paakib , k meib ka ka nan Sidon nba tie digbangbenŋil na ; nan Mislefot mɔkil nan Mitspa lɔtuk ni , k jiin yendo po na , k kpib k k tenn nan yenɔ ku kua waa . ⁹ K Sosuwe din tienm nan yennu nba din wannɔ bianŋnba na . k pot b taani taa ; k bian juo b taantolit nan muu ., ¹⁰ Waa ŋmat kun le yuo na ; Sosuwe lek Hastol k kpin u bat nan jukbanjiak : sian yuo Haston din tie b duo na kul digbangbenŋil . ¹¹ K b kpii b kul , k nan ba yen,okua k tenni k juo,Hastol muu . ¹² K Sosuwe din nyann doi na kul nan l batnba ; k kpii sua kul , nan yennu tuontunnua Muois nba din tul mɔn na. ¹³ ŋaan Islael tieb din k juo doi nba be kunkona pak na muu . sie Hatol kuukuae ; k Sosuwe din juol muu . ¹⁴ Isleal tieb na din jii bonŋana nan bonŋana nan bonkobit nba be doi na ni k tien b yal ŋaan kpii niib na kul ; k sua k tennii . ¹⁵ Yennu din tul Muois sennii , k mun jii k tul Sosuwe ; k u dia sennii manŋ fannu , k tun nan yennu nba ya wun tun nan ¹⁶ K Sosuwe din l digbana kul , k jii l juat paak nan l niidiitu po ; nan digbana nba be Gosen yial ni kul , nan kunkuok paak tinŋ nba be l niidiitu pa na , nan Islael jua paak doi na n l lɔtit ni kul . ¹⁷ la nyii jual nba k wunn luo na ; k dua saan Seil ka ka nan Baal-Gad , liban lɔtuk ni , Helmon jual na nyakl ni , k jii l bat nba kul k kpiib b kul . ¹⁸ Kunkɔnn nba k Sosuwe din kɔn nan bat nba jii yuo bonciann ¹⁹ .L din k mɔk digbann nba ya niib man nan Islael tieb ; sie Gabaon nba k Hevi tieb din kua lenŋ na . ŋaan doi nba tenn na kul ; Sosue din kon k nyann l kul a . ²⁰ k maan yennue din te k b yabil k kon nan Islael tieb . A Islael tieb n kpib k daa tiinm ninbauk ; k bin buot k gbenn ; yennu nba din senn Muois bianŋnba e na . ²¹ L yuo na k Sosuwe , saan k saa buont Jafuopalt buolu nba k b yib Anak doi ; nan kunkona paak doi nba tie Heblom , nan Defif nan Anab , nan Suda kunkona, nan Islael kunkona na . Sosuwe din biil niib nae nan doi na kul . ²² Anak tieb na din k tenn nan yenɔ kua wa Islael tieb tinŋ ni ; b banŋa n nae din tenn k be Gasa nan Gat nan Asdod . ²³ K Sosuwe din buont doi na kul , nan yennu nba din tul Muois senni bianŋnba na . k Sosuwe kɔn k fat l kul , k tul Islael tieb ; k biit buolu kul nan u yial , k duo ji maak k kɔnn ji gbenn .