1 Seelusalenm kpanbal, Adonii - Tseedek gbat nan Suosue saa kɔn na Aai k bia kpi leny kpanbal nan wa dan tien seelikoo nan u kpanbal bianŋ nba, l paak Gabaaɔn niib saan taan mɔb nan Islael tieb k b linbin kua. 2 ŋannii tien jaymaanciany kuab, k maan Gabaaɔn din tie digbangbeyl nan digbangbe lia nba kpanbala yab leny nae k nanm yab gal Aai, k u niib bia tie kunkonkonna nba mɔk pany. 3 Seelusalenm kpanbal Adonii- Tseedek pak yet Hohaam Heeblɔn kpanbal, nan Pileeam kpanbal Salmuuth, nan Safiaa kpanbal Laakis nan Deebil kpanbal Egloɔn. 4 Baat man n buol, k tan sonmin, k t fit kɔn nan Gabaaɔn, k maan leny niib saan taan mɔb nan Suosue nan Islael waas a. 5 Amuoleinnba kpanbala banymu, Seeluslenm kpanbal, Heeblɔn kpanbal, Salmuth kpanbal, Laakis kpanbal nan Egloɔn kpanbal taan lieb nan b kunkonna kula, k b saan dual lint Gabaaɔn k bia lekua. 6 Gabaaɔn jab tun tuomi a bin saan yet Suosue, Guilgal kany ni. A daa nyikt a tuontuuna, katl yian k bal fiel tinm, tulin tinm Suomil, k maan Amuoleen nba kpanbal, bin nba kua juat ni na, b kul taan k bal kɔnnant. 7 Suosue fil duo Guilgal, yua nan jab nba tie u kunkonkɔnna, nan jab nba mɔk pany kunkɔnkɔnnu ni. 8 Kaagbennu yet Suosue a: daa tin jaymaanin, k maan n saa nyinib kunbin a nii ni waa, k b niny sua kan fit set a nunmpo. 9 Suosue sonm nyiiɔtunmunn k nyi Guilgal k tan bal suul k b ki mi. 10 Kaagbennu t k jaymaani kuab yuo nba k b la Islael tieb, k Islael kon nyanib kpib Gabaaɔn, k belib k b gal sonu nba do Beth - Holɔn, k bia kpib ka ka Aseeka nan Makeeda. 11 Nan ba tiin Islael buol, k b tɔnkin siik Beth-Holɔn sinsiikil, k kaagbennu t k sakaana nyi sanpaapo k ba b paak nan tangbeŋa na ka nan Aseeka, b kul kpo, bin nba kpo nan Sakaantana yab bin nba k Islael waas kpiib nan jukbanjiak. 12 L yuo na, k SUosue pak nan kaagbennu, dal nba k kaagbennu bo nyinn Amoleiennba k tul Islael waas na, k u bo yet Islael nunm ni a: Yonnu, i sie n na Gabaaɔn, k fin ŋmaalik, i mi ka cat Ajaalɔn baauk yul pak. 13 K Yonnu set, k ŋmaalik mun bia nyik sonmil, nan yuo nba k niib na nyann b datai. L mɔbona k dia niyanm kadaɔk ni? 14 La nyi piinu niwa l k ban tun nna k tan tuu juontu, kaagbennu gbint nisaalik kunkɔl, k maan kaagbennu e kɔn k tul Islael. 15 K Suosue, nan Islael kul ŋmat b kany ni Guilgal. 16 Kpanbala banymuu many cial k saan k saan bɔl Makkeeda tanfiɔk ni. 17 B bal nan I maan k wann Suosue, k yet'ɔ a: kpanbala banymu na bol Makkeeda tanfiɔk ni. 18 Suosue yet a: bilintl tangbeya k luon tanfiɔk na mɔb, k ji niib k bin guul. 19 ŋaan k yinm yalin daa sie ka, i beel i datai, ki waa b puolpo ki kpib, i da t k kua b doi ni, k maan kaagbennu, i Yennu nyinib k kubin i nii ni wa. 20 Suosue nan Islael waas nba din kpiib bonciann na, ŋaan b siab bia lek din bial k fit bol cial kua b doi nba k b ma juona k lint na ni k b k fit balib. 21 K niib na kul jen suo n na Suosue bol Makkeeda kany na ni, k sua ji kan fit yaat mɔb k pak sial k jiin Islael waas po. 22 Suosue ŋanm yet a: lotl tanfiɔk k nyinn kpanbala banymu many na k bal nanm k tulin. 23 K niib na tun n na, k jii kpanbala banŋmu manŋ nba k b lot tanfiɔk n na, Seelusenm kpanbal, Heeblɔn kpanbal, Salmuth kpanbal, Laakis kpanbal nan Eglɔn kpanbal. 24 Yuo nba k b bal nan kpanbala banymu many Suosue bol, Suosue yiin Islael niib kul, k yet kunkonkɔnna batuba nba banŋmu many tuli ni. K niib na bal; k ji b taa k ŋmaa b tulin ni. 25 Suosue yet'ba: i daa tin jaymaani k l bia bakiti, i mɔk gbankul k ŋanm wakil i mɔny. K maan nae kaagbennu yaa wun tun k tul i datai k i konnanm na. 26 Nann nba gal, Suosue faa kpiib, k tanbin kpanbala banŋmu many kula tiini, k b tab kaka nan la juok. 27 Yuo nba k yonnu ba, Suosue tul mɔba bin sikiin b kula tinii many pak, I puolpo k b jiib k lub tanfiɔk nba k lan bol na ni, k b jii tangbeŋa k loon tanfiɔk na mob, k b be leny kaaa nan dina. 28 Suosue jii Makkeedal dal many k kpi b kul nan jukbanjiak, k kpi leny kpanbal, k bil lin nba kul b duo na ni, nan niyenɔ kua k fit cial, u tien Makkeeda kpanbal nan wa din tien Seelikuo kpanbal nae. 29 Suosue nan Islael kul; nyi Makkeeda k saan libina k lek libina. 30 Kaagbennu nyinn leny kpanbal k kubiinm Islael nii ni, k b kpiu nan jubanjiak nan duo na niib kul, nan b sua k fit cial k bia tien leny kpanbal nan wa daan tien Seelikuo kpanbal biany nba na. 31 Suosue nan Islael kul nyi libina k saa Lakiis, k dual kany duo kpiny k ji fit lekua. 32 Kaagbennu nyin Lakiis k tien Islael nii ni, dal nba wa na, k b kpi b kul nan jukbanjiak, duo na niib kul nba be, nan wa tien libina bianŋ nba na. 33 K Holanm kpanbal Guuesel, fil a u sonm Lakiis, Suosue kɔn nyanɔ, ŋua nan u niib kul, nan niyenɔ kua k fil cial. 34 Suosue nan Islael kul nyi Lakiis k saan Eeglɔn, k dual kany duo na kpiny k ji fit lekua. 35 L dal many k b saan lekua, k kpiib nan juk banjiak nan duo na niib kul nba be leny. L dal many Suosue bil duo many nan wa daan tien Lakiis bianŋnba na. 36 Suosue nan Islael kul duo Eglɔn k saa Hrrblɔn k lekb. 37 K b kpiib nan jukbanjiak, k kpi kpanbal, k kpi doi nba gaa nanm na niib kul nba be leny, Suosue k t k nan sua wa fit cial, nan wa daan tien Eeglɔn bianŋnba, k biil leny bona kul. 38 Suosue nan Islael ŋmat gal Debil po k bia lek. 39 K u nyann duo, nan u kpanbal, nan doi nba gaa nanm; k kpi b kul nan jukbanjiak; k bia bil duo many bona, u k nyik nan sua fit cial. Suosue biil Debil nan u kpanbal na wa daan tien Heeblɔn k bia tien libina nan u kpanbal bianynba nae. 40 Suosue kɔn nyann duo na kul, bin nba kua jual pak, nan bin nba kua yendopo, nan bin nba kua paanu ni nan kunkonbis pak, u kɔn nyann b kpanbala kula, nan b sua k fit cial. Wun din kpi niib na kul nan kaagbennu, Islael yennu nba wann biannnba na. 41 Suosue kɔn nyann Kadees-Balnee a nan Gasaa, u bia kɔn nyann Fosenn duo k saa tu Gabaaɔn. 42 Suosue nyann i yuo na kpanbala kul nan b doi, k maan kaagbennu, Islael yennu kɔn nyann tul Islael. 43 K Suosue, nan Islael ŋmat b kany nba be Guilgal na.