¹ Muois nba din tie yennu tuontunnɔ na kuun puolpo e , k yennu yet Sosuwe nba tie Nun bija na a : Muois sonmtɔ : ² Muois nba tie n tuontunnɔ na kpowa , fiit mɔtaana k gal Suldan mɔkl , fin nan n niib kul , k kua duo nba k yaan tul Islael tieb na . ³ Sian nin nba kul k i saa ŋmaa i taal lenŋ , n yaan tulie nan ma daa pak Muois na . ⁴ I saa yent la nyii tinkuonŋ po k sa tu Liban mɔkl , Eflaat mɔkl , nan Etit nba duo kul , k sa saan dian mɔkgbenŋl nba be yenba po na . ⁵ Sua kan fit set a tuann , yuonb a k a be a manfuol ni . N sii be naana nan ma daan be nan Muois bianŋnba na n kan ban nyikani , n bia kan ban ŋaani . ⁶ I mɔk panŋ nan palcienn , k l maan fine saa jii niib na k kua nanm duo nba k n daan puon nan n saa tul i yiejanm na . ⁷ paant a mɔŋ ki bia ki mɔk pal k cɔlin faanu senni nba k u tuotunnua Muois daan tula na , k daa kpet niiditu po nan niiganŋ po k fit k a nyann linba k a saa tun . ⁸ A ŋaan k senni kadaauk na da fɔktl a buoli , i tian l po yennu nan nyiɔk kul , k fit cɔlin faanu linba kul be senni manŋ ni , k l maan l paake sa te k a la nyannu a tuonna ni , k bia kpaat . ⁹ N daan k beta a : i mɔk panŋ nan palcienni ? a daa ŋmaami k bia daa te k a yaan put , k l maan a yonmdaanɔ yennu be naan a tuona nba k a saa tun ni . ¹⁰ ŋanne k Sosuwe yet tuann danm na a : ¹¹ I lin i binbeoa kul , k yet niib na a i bobin i mɔnŋ ,, k l maan daa ŋanta k t saa puot Suldan mɔkl k gaal duo nba k yaabint yennu i yonmdaanɔ saa tuuli na . ¹² K Sosuwe yet lubenit ba , nan Gdit tieb nan Manase buolu wan a : ¹³ tiat man yennu tuotunnɔ Muois nba daan paaki yuonba k u daan yeti a : yonmdaanɔ nba tie yaabint yennu na saa tuli fuon duo nba na ni . ¹⁴ Ii ŋaapuob , nan i yaabuona , nan i bonkobit sa bial duo nba k Muois daan tuli k l be Sudan puotl , ŋaan yinm ŋaalin nba tie kunkɔnna saa gaal nan gbiat ni ninjanm tuann , k sonmiib , ¹⁵ nan yuo nba k yaabint yennu saa tuli fuon nan i ninjanm na , k bin yent duo nba k yaabint yennu sa tulib na . k fit jin jen k yent duo nba na k li tie i yaal nan Muois nba tie yennu tuontunnua daa paak yuo nba k t daan be Suldan puotl po yendo na . ¹⁶ K b jiin Sosuwe wa , t saa tien linba kul k a paak na , k ti bia saa saan sianm nba kul k a saa tunt . ¹⁷ T saa saak a mɔb nan taa din sak Muois yal na e . ŋaant k a yonmdaanɔ yennu i be naana nan wa din be nan Muois bianŋnba na . ¹⁸ Daanɔ nba kul yet a senni , k ki saak faa paak linba , ti saa kpiu e . paant a pal ki bia ki mɔk palcien .