¹ Kaagbennu fiit u mɔmaan wann suoel, pethuel bija. ² Gbiintl lin nba na, jakpela! lotl tuba k gbiint,yinm kul, duo niib kul! sial mi tien yuo nba kibe naa, kuo i yijanm yuo o? ³ want maa i waas, k i waas munin wann b waas, k b waas munin wann b yabuonn-tuat tuat nba saa wei i! ⁴ Lin nba nan wubi nyik, naasuute ŋmanme, nasuutnba nyik lin nba, minmiltŋmanme, minmilt nba nyik lin nba, nasuulanpoli ŋmanme. ⁵ I cek man; da yiib la, k mɔn man! yinm kul, i kuuliman, k maanda-miimaaluk saa nyi i moi ni waa! ⁶ k maan niib bal ŋmat n duo, k mɔk pany k bia yaab bonciann. B mɔk nyana nan yanbual nae, yiai tie nan yanbualnaann yal na. ⁷ B ŋman n fiinye kpaab, b but but n fiinyia, k biil luona, k yuot yuot; fiinyia yiibis kul peenn. ⁸ I faabn, nan sapaamunn nba tuu liabuatok na. K mua u sɔl paany pak na! ⁹ Piini nan daan bot kaagbennu ŋaak ni, manntien nba tie kaagbennu tuontunna si be palbiil ni. ¹⁰ kpaant kul bila, tinŋ k kpai, di kul kuola, damiimaaluk ji ka, kpan fuala. ¹¹ Kpakuola bak yann, fiinyia kuola fabn, k maan yoi nan dimnni k nan,k maan kpaant k mɔk sial. ¹² Fiinyia kpant kaa panŋ, tiini nba k b yi fiigie na siil, kpaant kul tiluanti jik.palmann j ka nisaalii waas ni. ¹³ Manntieb, i bobn i gbana ki mɔn! binointl buol tuontuunna! i fabn man! baat, k lia botuot nyiɔk, yinm yennu tuontuunna!k maan piini na daan bot i yennu ŋaak ni nwaa. ¹⁴ Mɔntl molol man, yiit tintaangbeŋl! k tikl nikpela nan duo niib kul, i yennu, kaagbennu ŋaak ni, k fabn nan kaagbennu! ¹⁵ Aah! dabuolann e! k maan kaagbennu dal naakna: u bat nan biil'u nba mɔk yiikuo kul. ¹⁶ Jiet k bot t nuuniipoo? palmann nan kpinkpaamuk k bot t yennu ŋaak nii i? ¹⁷ Bonbubult kuol nan tinŋ puoe waa; bua sie kuont e, jiet diet ban baa, k maan di kaa. ¹⁸ Nan bonkobt nba fabna! bonkobt lin yibl yann, k maan muat kaa; k nan pei waa mann falaa. ¹⁹ A kua poe k n yikiin, oo kaagbennu! k maan muu dii nan paanpieuŋ bat kula, k muupeennu di nan kpaant tinii kula. ²⁰ Muuk ni bonkobt yikin jiint a po, k maan nyunbuaa kul fuola. k muu di paanpieuŋ bat kulaa.