¹ Pebn katkaak siiɔn man! l peb naatunn juaŋann pak man! k duo niib kul n jekl! k maan kaagbennu dal baate, l j k fuɔk, ² bunbonn nan bunbonciaɔŋ dal, munyak nan wunn dal, u bat nan sanyafal yieuŋ dɔtl jual paak nae. Buolu nba yab k bia mɔk panŋ, t k mi la! buolu, k buolu bia sii kaa yuo nba baat na ni. ³ B nunn po tie biilu'u muue, k b puolpo di muu pieunu; yuo nba gal duo na din tie Edenn gɔtuk na e, ŋaan mɔtaana l tie fala tinŋ kuoe: sial kan fit fat u nuuni. ⁴ Bii lab, b saa yeta taanie, k b tiin nan tanjakl na. ⁵ Bii gbat b danmil, b saa yet a teltefuu fuut juayuul pak k yuk mobt. B bia saa yet a muupiennue put, nan yuo nba muuk tuu di muu na. k tie nan kunkonkonna nba tuu tien siil k saa konnna. ⁶ B nunm po niib jekle, b nuniipo lebtl. ⁷ B saa wann b mɔnŋ nan b tie kunkonna, b lotl dieɔkpina nan tabfaala na e; sua kul tɔk u soonu k saa, k k kpiatl u sonnu. ⁸ B sua k danni u lua, sua kul saak u saknuu e, sua kul kaakii'e k k luon u set u sonml ni. ⁹ B yaat kua duo, k tim juona paak, k duo ŋei paak, k kua feniata nan nan-yukb na. ¹⁰ Yuo nba k b bat tinŋ jekl'e, sanpaapon ŋmat, yennu nan ŋmaalik n bonn, k ŋmaabilalan buon b yentu. ¹¹ Kaagbennu n t u kunkuol gbat u kunkonkonna nunm po; k maan u kanŋ yaabta, u mɔmaan yikuo mɔk panŋ; k maan kaagbennu dal tie dajaanne, k tie dabiil: ŋmee saa fit diaa? dabiil: ŋmee saa fit diaa? ¹² Mɔbonaa na jik kaagbennu yet: jenin man n buol nan faabn ni ! ¹³ Patl i palaa , l k tie i tiat, k tun k jen kaagbennu buol, i yennu; k maanu tie ninbaatinnŋɔe nan ninkpanbaanŋdaanɔ, u k dont wuutol yan k bia gbe nan mannu, k bia tien siil nan wun nyikcab bonbiil nba k u yan u wun tunna. ¹⁴ ŋmee mi waa sa tunn jen kuo waa kan lebt u binbenŋi kuo waa kan nyik u buol yetŋanmi, piini nan maalunŋ daan k l tie kaagbennu, i yennu yal i ? ¹⁵ Faan naatunn , siiɔn man ! mɔnnt'l molol; yiint tintaangbeŋl ! ¹⁶ Tikl niib kul, li tie tintaanŋann ! tikl nikpela, tikl waas , nan bin nba mual b naa nba biin ! Jua n nyi u ŋaak ni, k puo n nyi u diɔuk ni ! ¹⁷ La jii banltl nan malunŋ binbintl sunsuuk ni kaagbennu tuontunna mantieb sii mɔ, k yienna : Kaagbennu tin u niib ninbauɔk ! A daa nyint laa a niib fei, bia da t k niganm laa a niib k yien a na: B yennu na tuun bee? ¹⁸ Kaagbennu mɔk luonm nan u duo, k mɔk ninbatinuu nan u niib. ¹⁹ K kaagbennu jiin, yet u niib : gotl , n saa tuli di, daminmaluk nan kpan, k i saa gbuo; n j kan mi jii k lu'i nibiit ni k b lai. ²⁰ N saa bel i datai nba nyi niditupo, n saa tut'b k bin fuokt nanni k saan nanm paanpieuŋ nan tinkonŋ po, n saa lu b nunmpo guula na mɔm-kpienn ni,b puolpo guula na mediitelaane Mɔkl ni, b gbanan-kpiena nuublu sa yaat nan duo k mɔk labt. Kmaan u tun tuongbeŋa nba yab bonciann. ²¹ Tinŋ, da tiin jaŋmaani, i mɔk palpienn ki bia ki mɔk kpinkpanmuk, k maan kaagbennu tun tuongbeŋa nba yab bonciann! ²² Yinm, bonkɔbt, i da tiin jaŋmaani, k maanpaanpieuŋ saa pia muat, k tiini saa luon luana, fiinyiana finye saa tul mɔnkint. ²³ K yinm siiɔn waas, i mɔk palpienn k mɔk kpinkpanmuk kaagbennu, i yennu ni, k maanu si tenni saak yuo kul, k maan u saa tuli nalɔn saak k saa tuu sajuonti, nan waa lin tuu baa na. ²⁴ Joli nan napaat sa gbee nan di, k bui saa gbee nan daminmalt nan kpan. ²⁵ N saa lebt bina nba k nasuut, nanwubi, minnlt nan nasuulanpolidin ŋman na n kunkonkonna nba k n din tun i buol. ²⁶ I saa di k gbuo, k dont kaagbennu i yennu sann, wun nba tun baktnauŋ tuona i buol ni, k n niib fei kan mi dib. ²⁷ K i saa bann nan n be Islaaeltieb sinsuuk ni, mine tie kaagbennu, i yennu k sua j kaa k puukin n po, k n niib fei kan mi dib. ²⁸ Ŋann ni gal, n tan sii siknt n siek sua kul ^paak, i bonjai nan i bonpoi si sɔknt n maan. I jakpela tan sii dami damiit, k i naasinm tan sii laat yelntu. ²⁹ L yuo manŋ n tan sii siknt n siek manŋ, n tuontunna nba tie jab nan bin nba tie puob paak. ³⁰ N tan sii tuun baktnɔunŋ tuonjaana sanpaapo, nan baktɔunŋ nyia tingbounŋ na ni, k sɔn nan muu nan munyuuk tan sii be, ³¹ k yennu tan saa kpint k bɔnn, k ŋmalk mun tan saa kpint k mɔnn na sɔn na, k l puolpo n daal saa baal k l sii tie dagbeŋl nan dajaanne. ³² K sua kul nba tan boi min kaagbennu sann po, n saa fiel'ɔ waa. Fiel'u saa nyi siiɔn jual paak nan selusaalenm, nan kaagbennu nba yet, k yinm nba tenn kaagbennu saa yiinm.