¹ Nifossalik binbenŋ tie nan ninmɔnn kunkɔnkɔna tuona nae, k tie nan paŋ tuona na. ² K tie nan daabi nba tuu lin luon maasu buol na, k bia tie tuontunnɔ nba tuu guu a wun daal u paaɔk bianŋ nba na. ³ K ŋmaalk n tuu ŋmaalk k n be gbanantont ni, k nyiaɔk n tuu nyiaɔk k n be fala ni. ⁴ Lii tie k n dual, n tuu yeta: bia yuoe k l tan saa yenti? k nyiaɔk saa gbenn bia yuoe? k n dua k labin k guu lin yent. ⁵ N gbanant gbie nan nanwubaae,k pɔl nalwaka, k mɔt nyi l ni. ⁶ N daa na saa yian yian k lintl pek pek nan cincenluulɔ tuontuntiaɔk nba lintl na. k n fib. n j i k mɔk dindann i. ⁷ A tiat nan n manfuol tenn waanminna n ninbinn ji kan ban la bonŋann i. ⁸ B laatin mɔtana yaan b ji kan ban lami; b tan sii kpaan bin lan, ŋaan n sii kaa. ⁹ k t tie nan sanpagbounŋ nba tuu yat nae; nisaalik i kpo u ji k jent i. ¹⁰ U ji kan ban jen u ŋaak ni; k u niib nba kul tuu miu na n tanm u po. ¹¹ L paak n kan fit kii ŋmin n mɔbi, n wutuol duo k l tonŋima. sie k n pak. ¹² K jiin mɔkl ni po, a dukii nan n tie nyun ni bonsusuoko, k a guumii? ¹³ N dua tinŋ ni, k yien a: n duanu na saa tul'n fuomaa, n duanu na saa fit fatin k nyin'n gbanan jektl ni waa. ¹⁴ ŋaan fine jientin nan damiit, k te k n laat yelintu(dɔktu). ¹⁵ Aau! n bo luon fin cek n tulu nie; n bo luon kuume, ŋaan k n ji tan tie kpaba na! ¹⁶ N bak nan mii be n manfuol ni daa kula! nyikimin, k maan n manfuol k mɔk nyuati. ¹⁷ Nisaalik tie ŋmie k a baka sii be upoi; a baka kaa waa tuun linba po. ¹⁸ Agɔntɔ saŋaaɔk kul ni, k bia bikintɔ yuo kuli i? ¹⁹ Bia yuoe k a saa nyik fii golimii? nle yuoe k a saa nyik n goyu k min nak mɔsantii? ²⁰ Lii tie k n tun biitie, n tun bie k biila ni, nisaalik guultɔ? bie k a caan'n janenni? bie k n tie jikl n mɔnŋ paak i? ²¹ A kan ban nyik cab n biit, k tanm n yanbɔn tuona po i? k maan n yaa man dual kaaɔk nie, k fii kpaan'n a ji kan lan.