1 K Job gaal maan jiin a: 2 Oh! n damii ne nan n pal nba ŋmat bianyinba nee-i bo sa fit k tuan culu paak k bikin laa kpai bianyinba, 3 L bo sii kpai k cie mɔk gbenyl ni tanbiinii wa, la paake tien k n maat nan waatua ne. 4 K maan yennu nba tie panŋ daanɔ ne yekin pieni k l cɔk k lontin, n gbannant kul ji gbie nan lɔbite; yennue te k bonbiil ne sakin cuncuuntuk k baal n paak. 5 Bonŋi Nman sinkpinkuont u bia tu bo-e? 6 ŋme saa fit k di jiet nba sabi k yaalim kaa lenyi? Jenpien ninŋ mɔk mantii? 7 Linba k n bo k luon man sii, k l k mɔk nianŋ n po ŋaan ŋanne tie n giet, mii dii k n pal paak puki. 8 Yennu n gbat n miati k tienn linba k n boi ne po. 9 N bo sun man k yennu n kpime, wun tant u nuu k buonin. 10 Lii tie k n bo mi nan u sa nne, n bo sii yuuk k mobt nan kpinkpanmuko, n taan bo kan boi n gbanu tonn po, n mi nan yennu tie kasie, n k ban k yet u sennii ne. 11 n yen jik mɔk panŋ k s sii daan be? n sii guu be k n yuo ji k fɔki? 12 N yen jik mɔk panŋ k n sii daan be? n sii guu be k n yuo ji k fɔki? 13 Pansial ji k be k n saa fit k tinn n mɔnŋ, sial buol k be k n saa saan k boi somil po. 14 Wunba be daamii ni luonn yɔnanmɔnii nba saa taanɔ l daamii ni, lii leki tie k u lek jik k jie yomdaan yennu. 15 ŋaan n naataani ne tie kpinkpanni daann nan buni nba tu kuol bianŋinba yuonba k saak k baane. 16 k sakaana nan nyuntana yuonba kɔl buniine. 17 ŋaan yennu-i put k yenwalu baal lin bot k bunii n bial k dua kuont. 18 K nibulciaɔnŋ kpaan nyun k bot k lin k lintle kunkuok paak ki tan kpo. 19 Tema nibulciaɔnŋ ŋmat k tol b num l po, k seba sunsom tieb gbie nan dindann. 20 baa baal bunkuonii ne buol k l bakitib k fei suol nan bi dindann ne po. 21 I tie nan bunii many nie n buol, i tie nan i k be nie n buol. I la fala nba baalma, k ŋmat k jil puol nan jaŋmaami. 22 n ban boi-i maa yin tulin piinii, kuo yin tul saa piinii n paakii, 23 Kuo yin nyinnin n datak nuu ni, kuo tondaanɔ nuu nii? 24 I tumiin man k wannin ma biil linba k man tien suo-o k ŋmin k gbiinti. 25 Balmonpakue lebitil dudukit, ŋaan i yien balyana nie ne. 26 K liitie ki dukii nan n k piak sial ŋaan wonŋo da; k bie tien kii jiint n mɔbona nba k mɔk dindann ne? 27 Itan saa kɔn k gaal kpiebi k wubib, k jii ninmonn k kpal i yuatinba. 28 N balmie, Gotl man nunmpo, n saa faal faak i nunm ni waa? 29 Jenin man, i laa tie faak danm; jenin man k i saa bann nan n mɔk mɔnii. 30 N jelinn ban faaki, n mob k ban bonŋann nan bonbiilii?