¹ Likli mɔk sian nba b tuu gbil k nyinɔ, k saalmɔn mɔk siannba kaa tuu gbil k nyinɔ. ² Kut nyii tiye, k tan kpaantl k tiekul mɔt. ³ Nua yentl bunbɔn, u tuu gbile k suŋ, k baal taana nba bo be tine po, nan kpie tiŋ laana. ⁴ U tuu gbil buubun siannba niib kaa; u somil k mɔk nyuat, u tuu jɔncilo siannba nuakaa. ⁵ Siannba b nyit paanu na bot u niib sunsukin nan muu e dina. ⁶ U taana mɔk nyuant nba, k nua lat k l tie saalmɔna. ⁷ Nuani nba ŋman nant k mɔk dunduol buol, k jut niibina k lau; ⁸ Bonkoŋanni nak belɔ, k ŋanbɔl k bann goal leŋ. ⁹ Nua kuan u nuun tanfiɔku, k tuu tut jual nyakl k luu, ¹⁰ U yaaktil taana, k gɔli linba ŋan leŋ k jiit; ¹¹ U tuu kɔl nyuum, k dɔk til bunbɔni bonŋ yinyeŋu . ¹² Ŋan yan, u bele mɔtaana? suubini ŋaak bele? ¹³ Nufuo saalik k ban l dauk; u k b nufuosali tin na paak. ¹⁴ Buŋ mat a: u k b n buol; k mokl mat u k b nbuol. ¹⁵ U k daa nan salimɔna, u bia k daa nan likli; ¹⁶ U k daa nan salimɔna nba b yii d'Ophir na, nan onyx nba, u bia k daa nan kutmɔna nba; ¹⁷ B kan bokinanɔ nan saalimɔna, nan kuut sial, b kan fit k lebtɔ nan salimɔna buk. ¹⁸ Corail nan tannyinyila k tie sial u buol, yan gaal tanpienyinyila naa. ¹⁹ Ethiopie topaze k tie u lua, k salimɔna k kpei k baalɔ. ²⁰ Ŋan nyii le? k sunbini ŋaak b le? ²¹ U bɔl nufuosali nune, k bɔl nuani nuni. ²² Manfuol nan kun yaa: t gbaat u maa. ²³ Yennu kuuae ban u sanjɔk, k bia ban u ŋaak. ²⁴ K l maa u goli k lat tiŋ na kul paak, k lat linba be sanpaapo kul niŋ. ²⁵ Ŋuae ŋmaktil woŋ, k sen nyuu nan u yaabit, ²⁶ Ŋuae tien saak seni, k waat saaŋikti nan saatiani saajɔk. ²⁷ Kuu laa ŋan kuu paal maŋ, kuu tienɔ fiakl k diau lisua b biknɔ. ²⁸ Kuu mat nua: gotl yomdanɔ jaaŋma ni, l tie yanme; k fɔkt nan bonbil, l tie suubi nie.