¹ Be tien k yennu k senn yuo k bu binba wau k bia bu k tulb mɔnni? ² T tu nyet kpaab panbuniiye, k bia jan pei, k j kpaalib. ³ T ŋmaabin boni nba tie kpiebi yala, k bia gaan pakɔi naa kuoki, k l tie pana nba k b di nae paak. ⁴ B fial nandanm k miinib b mɔni k mukis talas danm k b tiin k bɔlii. ⁵ L paak k nandannm neji kpaan jiet kunkuok paak nan bɔnine, k sial buol j ka k b saa lon jiet k tul b waas. ⁶ K l tie mabl nan bi jaan jiet , siab kpaant ninŋ k bia pua tini luana tuonbiit danm kpaant ninŋ. ⁷ B tu dual gbaninbime, k k pin sial, k dua waatninŋ ⁸ Saak nba tu baa jual paak ne tu mat kibe , k b ji tun k bakint tanfiat. ⁹ Ktuonbiit danm ne jikt waas k b daa mual b naa nba buol, k fial pakɔi mɔkint k l tie ba di pana nba ne paak. ¹⁰ B tu maabinm k blin yanne, k jan jiet nan kon ¹¹ B tu to kpaie, k wal kpan, k ŋmaki daan tiluana k tie daan, ŋaan k nyun-nyuklu mɔkb. ¹² Duo na ninŋ, niib fab ne k binba janm ne bui ŋaan yennu k gbint b miati ¹³ Nisiab k luon yinyienin,b k ban la saa siaminba b bia k tɔki l sɔnnu. ¹⁴ K kukpilua ne tu fiil sanyafaal, k saan k kpi nandanm, k nyiɔk k u tie nan yukɔa ¹⁵ Cincionne tu gu daa juobonbnae, k wun dɔkin u numpo a sua n j daa bantua, waa mali-e ne. ¹⁶ Nyiɔk b mab niibe ŋei ninŋ, ŋaan li yent b tu luo diit ninŋe, b k ban yin yiemin. ¹⁷ B tin yennu niŋ ne jaŋmaamie, ŋaan bun bɔnn k mɔkb jaŋnaani ¹⁸ ŋaan yim tu yien a : nibiit na nyun mɔnne tu jiib, k niib kul nba be duo ninŋ piak mabiit b mɔkint paak, k b j k tun, kpaant ninŋ. ¹⁹ Bianŋinba k yonkuonin, nan walu tu kuol malin na, n ne k biit danm tu tan bot tinŋ ne paak. ²⁰ K u naa ponŋ j k tien u po, k nan wuba tu muau k bilua nan tik nba tu baa ne. ²¹ B daan t k puo jkan mata ne la fala bonciann, k bia ton nan pakɔi ²² ŋaan, yennu mɔk panŋ k saa fit bel l nijaana li sua k yennu kut k fiil l nibuolu k mɔk yumaann nan bi mɔk manfuol. ²³ U tu gu be k t k b mɔk dundul, ku be nanm yuokul. ²⁴ B tu fiil waanin nee, ŋaan ŋmat baa, b kul tu kpo nan lieb ne, k tie nan ba tu cua kinkaka na. ²⁵ K l tie faake? ŋme saa yet nan n fae, k ŋme bia saa fit pin ma pak linba?