¹ K Job gaal maan k yet a: ² Mɔtaana biak, n faabini tie yetuko, k n faala duun n ni. ³ Oo ! Mi bonimi ma sa la siannba, Mii boi sa fit bal u yent, ⁴ N bo saa jii n faabini k tulɔ, n mɔk bo sa gbie nan maama, ⁵ N bo sa bann waa mɔk linba a wun jii nin, n bo sa la wa mɔk linba k sa paakin. ⁶ U saa jii u panŋ kule k kɔn naanin mii ? K u bo kan tien suon k gbinti mii ? ⁷ Li bo sii tie niŋanɔ faabin naanɔ, k n baal bulɔ manŋ saa ŋaan yann nan a k mɔk biiti. ⁸ Ŋaan mii saan yendopo, u ka lenŋ, k mi bia saan yendopo, n k laatɔ. ⁹ U tuun tuon niiditu po, n kan fit la, u bol yensuuk nie, n kan fit la wa be sian. ¹⁰ U mi sanjɔk nba k n tɔkin,, k li tie k u bitin nin, n sa nyi k yien nan likmɔnn na. ¹¹ N taa gaa nan u taa e, k n tɔkin u sɔnnu k ki kpeti. ¹² N k kpet i sennii nba k u tulin na n mɔb ni, n yet n lonme ŋaan tuun waa luon bianŋnba. ¹³ Ŋaan u luon wun tun linba, ŋmee sa fit yeti ? U lonm nba luon bianŋnba u tie ŋanne. ¹⁴ U saa tun waa lol wun tun linba k tul ma, k u bia sa ŋanm lol lia k pukin. ¹⁵ Li paak tien mi set u tuann n yan tu puute, k mi duukin u po yuonba, jaŋmaami n suolin. ¹⁶ Yennu kɔnn n pal nae, kagbennu yennu gbienin waat e. ¹⁷ K maan l ki tie bunbonn na ka ya lin gbenni ni, l bia k tie bunbonn nba duak n numpo.