¹ Esipt kpanbal faalaaɔn din tan lekin gaasa ne k sua k kaagbennu pak nan seelemi k jiin Fiilistin tinŋ powaa. ² Kaakpennu yet nan: gotl, nyun do ganŋ po, k saa pubil nan nyunmɔnn ne, l saa piin tinŋ ne nan linba kul be l paak, l doi nan niib nba be lenŋ ne. niib saa yikik yikini, duo niib kula be finfabni paak, ³ K maan b sii gbia taani taawoka mɔnii, nan tolit mɔnii, nan fiia bilintu fuul; biboanba kan jiant b waaspo, b nii sii suanne, ⁴ K maan daal baat k b saa biil fiilisti waa, k pot linba tun tie sonmil k nyi Tiil nan Siidɔn, kagbennue saa biil Fiilisti waas binba tenn k kua kaftɔɔl mɔkil kpinŋne. ⁵ Palbiil nba kaa paak baal Gaasa tieb a, Askaalɔn tieb nba tenn paanu ni ne ŋmine silii. a ta ta saa nyik fii sia a mɔnŋ biayoiye? ⁶ Kaagbennu juk banjiak, a tan saa nyik atuonn bia yooi ye ? ŋmatl kua a tuok nii, setil nne, kiibe suo nne!. ⁷ ŋaan a saa tien nlee k foi? kaagbennu tul mɔb be nan fan lek Askalɔn duo nan niib nba be mɔkgbiɔnŋ ne.