¹ Islael tieb jenin man kaagbennu, Yennu buol, i yanbɔmm nae te kii ba. ² Jenin kaagbennu buol k ŋaan i yen mialu ne ti te yenpiinii k i tienɔ a nyink cabt yanbɔmm kul; ŋann gal t mialu k tiin paka na taa senn mɔsonn ne. ³ L Assyrien tieb kan fit tinnit, k tɔb taanii kan fit guulit, t kan min nyet a tingbana ne a b tie t yonmdaanɔ. Yennu finie mɔk ninbatinu k tien kpiebii. ⁴ N saa ŋaanm n niib binbenŋ b jien ni n buol . N sii luonm nan n pal kul, n jii kan mi donn wutuol b paak ii. ⁵ N sii tie nan malin ne k baa k tien Islael tieb. K bia yit nan tipuut ne k bia baan jiina nan Liban tiinii na. ⁶ Bii sii mɔk nan kpaat ŋanu k sii mɔk fant nan Oivier kpan tiinii nae. K mɔk nubilu manu nan Liban tiinii na. ⁷ K bia jen k kal l maasu k b bul b jiet ni k l naan, k b sann saa do na Liban daan ne. ⁸ Islael tieb jii ki mɔk tingbana, n saa gbat b mialu k golib, k bakin b paak na Cypres verdoyant tii masik ne. N paak e kaa saa lon luana. ⁹ Wun nba mɔk yan dia wannu na k wun nba mɔk sunbinii wun gbaat. K maan Yennu sɔnii took. K niŋamm nba saa do waal, ŋaan niyɔɔna na tuo baa.