¹ Yuo nba Eflaim buolu din tuu piak maan jaŋmani din tuuu suol Islael buolu n ba tenn nae; ŋaan b din tan tuun biit e; k maan tingbana baal ; k kop . ² Mɔtana b bia tuk'n k tuun biit e; k dia b likilii; k maan bonninant, k jiantl linba k niaalik nuu nan na; K niib manŋ yien'a i mann malunŋ kii tien bonninant na . ³ L paak b sii tie nan sanyiɔk ni wunn nae; k tie nan malin nba tuu k wei nan kpaalu bianŋ nba na; k tie nan wounŋ nba tuu pebl founŋ jalik ni k yaat nan na; k bia tie nan munyuut nba tuo, nyi takɔl bonn ni bianŋ nba na. ⁴ K Yennu yet'a : Mine tie Yennu nba nyii nan ni Ejipt tinŋ ni na; a k mɔk yensau k pukin n po, sua kaa k saa fit tinnii nan min na. ⁵ Mine din be nan ni kunkuo paak; tinŋ nba ninŋ k pia sial. ⁶ K n dinnii , k gbuonii , ŋaan ya tan kua tinŋanŋ ni yuo kii tanm npo. ⁷ N sii tie nan yambol nae b buol , k dual sɔnji-piinŋ gulb nan namuuk nba tuu dual na. ⁸ N saa pikinii nan namuuk nba tuo kɔnŋ u bik ; k pikin na; k pat-patii, n saa nakii nan yanbɔl nba tuo nak bonkobuk na, k patii bulii-bulii nan yanbɔl nba tuo pat muuk ni bonkobuk bianŋ nbana ⁹ Lin ba baal nan Islael tieb biilu tie ba kɔn nanin nae, wun nba bo saafit tin nii na. ¹⁰ Ii kpanbal na ji belia? K saa tin nii digbana ? Ii din yaa i luon kpanbala e nan tuann danm , b saa tien nlee k tin nii nii? ¹¹ N din donn wutuol k tul ii kpanbal, k bia donn wutuol k jiu yaat nanɔ. ¹² Islael tieb biit dian e k be kadauk ni , u biit be bɔl nie. ¹³ Islael tieb mɔk yaak nan bii mɔk manfuol, ŋaan jati ie yabtib nan bin gaal l manfuol ; nan baa tuo yaa bin mal sanpantik wun yet nyinu ŋaan be puol ni na. ¹⁴ N kan tinn niib na , k b daa siik kpientinŋ; n kan tat nyinnib kuun ni. Kpientinŋ baat nan a biilu na; kunn bat nan a yiel yuo na na. N kan tin niib na ninbauk nyik i. ¹⁵ Islael tieb lek ii bint nan muat na; ŋaan n saa te wounŋ nyi yondo po kunkuok paak k baal k da k kuol b nyun tona nan bunbuna. Wounŋ na saa jii l' nba kul mɔk nyuat e. ¹⁶ Samali tieb saa la tubdatu; k maan baa yet'n na paak. B saa kpib tɔb' nie; k mat-mat b waat ; k bia pit b puob nba mɔ poa na.