¹ Islael nba lin tie bik, n lin luon u maan , n lin pulua n bijae k dat nyinɔ Ejipt. ² ŋaan b ji lin yib k b k saak, k mann malunŋ k tien tingbanna k dia bon nunubt k tien pataa. ³ Min nae din dia Eflaim n ŋmatlɔ u taasonma ninŋ, ŋaan b lek k bann nan min'e ŋanmt'b. ⁴ N datib nan lonm k baal nanm n buol ni, n tɔkli'b k diab nan kpiebii ne k tienm jiet k b di. ⁵ B j kan ŋmat Ejipt duo ni, ŋaan Asili nilua e sii tie b kpanbal k maan b yet bin nakin nan'maa. ⁶ B saa jii juk benjiak k bit b digbana, k biil b bont kul k maan b duduk biit nba b mɔk na paak. ⁷ N niib tin nyik'n gbenna, b yib a bin ŋanm tɔkin sonŋanu ŋaan nan Yennu kua waa k gbiint. ⁸ A yaa n tien'a nlee Eflaim? N saa kubinna Islael tieb nuu nie? N saa tien'a nan Adma nae? N saa nann'a na Seboime ? L moɔkn mal paa k te k n yan ŋmat . ⁹ N kan jii wutociɔunŋ ka. N saa nyik k kan biil Eflai, k maan n tie Yennu e n k tie nilɔ ka; n mɔn bonciann a buol; n kan donn wutuol. ¹⁰ B sii waa kaagbennu k u sii nyinkin nan yanbol na, k waas saa miit mɔkl ni k baal . ¹¹ Kaagbennu yet'b a b saa nyi Ejipt k yuuk nan nuani na e, k nyi Asilii nan ŋmana nae. kn saa te k bin kun b ŋei ni. ¹² Eflaim buot nan faak n buol nan kpinkpanni, k Juda tieb bia yien n mɔb min nba tie balmɔni Yennu.