¹ Binaa ŋanlie ninŋ ŋmaalii ŋanluobda sinsinne; k yennu din paak maan na k tul sɔkinii Ase; a wun wann suda tinŋ tuann daanɔ selubabel; wunba tie Sialtial bija na; nan mann tieb yudaanɔ i so sue wunba tie sosada bija k tie mann tieb yu daanɔ na: ² Yiko daanɔ yennu pak k yaa: niib na yet a; yuo daa k janŋ nan bin ŋanm maa yenjiantu ŋasaa kak na. ³ L paak k yennu pak k tul u sɔkinii Ase maan na a: ⁴ bee k yinn ma i ŋei k kua lenŋ; ŋaan k n ŋaak dua langbenni? ⁵ Yiiko daanɔ yennu pak k yaa: i cɔln i i sennu na fanu. ⁶ I i tuo ko kpaab k l yabaa ŋaan tan jaan waanmina, k ii di ŋaan k gbuoti; k tuo nyu daan ŋaan kii da nyunnyu kulu k gbenti; kii tuo lia tiat ŋaan k waat mɔk ii, k tuontun nɔ pauk k janŋitɔ. ⁷ yiiko daanɔ yennu pak k yaa: li sɔln ii sennu na suonna. ⁸ I i jii taabii, do mann kunkonn paak; k maa n jinjiant buol; k ï jiantl n nan maa luon bianŋ nba na; k n pal sii mei. ⁹ I tuo duki nan i saa janjeiet samme ŋaan tan jaan waminna; i kun nan l'nba; k n pebl yatl. bia paak te k n tie n na? k maan n ŋaak nbla baa; k sua k fiin l po; ŋaan k sua kul gbaa nan u ŋaak maanu na paak. ¹⁰ L paak te k saak yet baanu; k tinŋ bia yet jiet namu. ¹¹ N yiin yenkuonin duo na paak; nan kunkona paak; nan daan tünii; nan jiet kpaant; nan niib nan bonkobit; nan l'nba kul k nilɔ s tun kul paak. ¹² Solobabel nba tie Sialtial bija; nan manm tieb yudaanɔ sosue nba tie sosada bija na; nan niib nba bial kul din gbat b yonm-daanɔ yennu kunkɔl; nan u sɔkinii Ase maanm nba k yennu din pak tulɔ na. K ja ŋmaanii suol niib na kul. ¹³ K yennu tontii Ase; pak niib na k jiin sennu na poa: N sü be nanii. ¹⁴ Yennu din tul suda yuudaanɔ solobabel; wunba tie sialtial bija na; nan manntieb yudaanɔ sosue nba tie sosada bija na; nan niib nba tenn na kul yan. K baal; k pikin yenjantu ŋasaa kak na maanu. ¹⁵ Dalius naan dinu ŋmaalii ŋanlob ni daa piinlie-nan ŋanna daal.