1 Ŋmaali ŋanlole daa piile nan yenn daal e k kagbennu yennu dɔkit u tuontunnɔ Ase paak, k yetɔ a: 2 Paakin Solobabial nba tie Schealtiel (Saltial) nba tie Suuda yent daanɔ, nan sosue nba tie Jotsadak (Sotsadak) bija na, k bia tie manntieb yuudanɔ, nan Islael tieb nba tenn na k yet a. 3 Ŋmee be i sinsuuk ni k mɔk man fuol k daan la ŋaak na baakl sinsinn i? k i laal nlee mɔtaan na ? Waa tie bianŋnba na, ik la nan l kaa nyɔat nan yin goti i? 4 Mɔtaanna na kagbennu yennu yet solobabial a paant a paal! paant a puol, sosue nba tie sot sadak bija, k bia tie mann tieb yuudanɔ na! Duo tieb kul n paan b paala! kaagbennu yennu e yet. I tuun man i tuona! k maan kaagbennu yennu nba tie kunkɔnkɔnna saakua na be naani. 5 N cɔlin n mɔlol nba k n din lol naani yuo nba k i din nyi Ejipt na, k n siek be sinsuuk ni i aa ŋmaami! 6 K maan kaagbennu yennu nba tie kunkɔnkɔn na saakua na yet a, yuo waamin nnae, k n saa dann sanpaak nan tinŋ, nan mɔk gbenŋa nan tinkuseŋ. 7 N saa danm buolu kul; k buolu kul mɔkint saa baal, k n te k ŋaak manŋ n la baakl; min kaagbennu yennu e paak na. 8 Lükli tien n yaal e, k likmɔnnbia. A yen min kagbenn yennu e paak na. 9 Yaudant nba k ŋaak nba juont na saa la sii yaab gaal sinsinn yal; kagbennu yennu e yet a; lenŋe k n sa te k palmasi n baal. 10 Ŋ ŋmaali ŋanyia daa piinle nan ŋann daal e, kpanbal Daluis nba dii u naan binna ŋanle nae, k kagbennu yennu dɔkit Ase paak, k yetɔ a: 11 Nae k kaagbennu yennu nba tie kunkɔnkɔnna saakua na pak a; boin mann tieb buboiit nba jiin senni po na. 12 Lii tie k nilua ji maalunŋ nant k pɔbin u liatfuok ni, ko te k u liatl na si paanu na, ko jebient, ko jebient, ko daan, ko kpan, ko jiet buolu nba kul be, i saa fiit tien kasi ya? K manntieb na jina a: Aii! 13 K Ase yeta: Lii tie k nilɔ sii kpiemɔ k biil u mɔnŋ, ŋaa si jiet manŋ, li saa bila a? K mann tieb jina a li saa biila. 14 K Ase gaal mann k yet a! Niib nba be na nan buolu nba be n tuann na tie n nae, b tuonn nan b nii mun tie n nae n tuann, piinii nba k b b tienin na tie jɔkinte. 15 I got suon n na k la linba din gaal k tan tu dinna, k b daa din k jii taana a bin maa kaagbennu ŋaak na! 16 Yuonba k bin din tu baal kpeeka piinle na, b din tuu la piik kuue; yuonba k bi din tu luun nyun bokit piinŋmo na, b din tu la piinle e. 17 Min na lin tun tintuni nan saak, nan sakaana k l biil tuona nba k i tun nan i nii na. Nan linba na kul, ŋaan i bia lek k jen min i yonmdanɔ yennu buoli min yennu e paak na. 18 I got suon n na daal nba din gal k tan tu ŋmaali ŋanyia daa piinle nan ŋanna daal, daal nba ki din bil kagbennu yennu ŋaak fiakl k gbenn na, i golii man suon na. 19 Bonbuoli bia daa din tenni sinsoni boa ni i? Nan kinkaa na, nan kpan tini, nan tilonti nba kul daak lon na. Ŋaan n saa tien piisin i paak laa nyii mɔtaana k sa. 20 Kaagbennu yennu ŋanm paak nan Ase munlee ni, ŋmaalik daa piinle nan ŋanna k yet a: 21 Pakin Selobabial nba tie suud yent yuudanɔ ne a: n saa danm san paak nan tinŋ; 22 k ŋmaat kpanbaala nan b yent, k biil b paanŋ, n saa ŋmaat taantolit nan binba do l paak; k taani nan b jaakla sa kpo. B saa kpi b lieb nan juk banjaie. 23 K kagbennu yennu yet a l daal manŋ, n saa ji Selobabial nba tie Saltial bija, k bia tie n tuontunnɔ na, k a sii tie n niib diatɔ; k maan mina ganna, kagbennu yennu e paak na.