1 yennu yet Noe a; kuan ŋalunŋ ni fin nan a ŋaatieb kul k maan n la nan a kuukua e tuun fanuu tingbonŋ na ni. 2 Jiin bonkobt buoluu kul nba k mɔk kual bonjok nan bonnaanŋ taal munlole; 3 k bia jii bonyuyukt bonjai nan bonnaani banlolelale k ŋaan k buolu kul i fok pɔt tingbonŋ na ni. 4 Daaŋanlole puolpo e k n saa te k saakn' saa tingbonŋ na ni yennu ni piinna nan nŋiɔk piinna k l saa biil bonfuol kul nba k n lin nan. 5 K noe tun linba kul k yennu wann na. 6 Noe lin mɔk binaa kobii ŋanluob yuo nba k nŋun lin dii tingbonŋ na. 7 K noe nan u bonjai nan nan u bonpoi nan u sipoi kua ŋalunŋ ni k maan nŋungbieuk na paak. 8 10 K bonkobt nba k kua nan binba kua, nan bonyuyukt linba kul buak lin 9 kua ŋalunŋ na ni banlele bonjak nan bonnaanŋ nan bianŋ nba k yennu wann noe na. Daa ŋanlole puolpo e k saak lin baa tinŋ na paak. 11 Noe biinaa kobii ŋanlole ni l nŋaali ŋanleni, daa piik nan ŋanlole daal ni e k tingbonŋ na kul po put jinjabit k sanpagbonŋ tuot. 12 K saak baa yennu ni piinna nan nŋiɔk piinna. 13 Daal manŋ ni e k noe nan u bonjai sem, sam, nan jaafet k pukin u ŋaapuo nan u sipoi bantaa k b kua ŋalunŋ na ni. 14 b lin kua nan muuk ni nan ŋaak ni bonkobt buoluu kul nan bonfuaol nba kul buak tinŋ na paak buolu kul nan nuani buolu kul nan bonfua nba yuuk buolu kul. 15 Bonfua kul lin tɔk banlele e bonjak nan bonnaanŋ k baal noe buol k kua ŋalunŋ na ni. 16 bonfuol buoluu kul lin kua nan yennu nba senn Noe bianŋ nba na. ŋann e k yennu luon gann noe paak. 17 k saak baa dapiinna tingbonŋ na paak k nŋun tan gbie k yabt k ŋalunŋ na pukt. 18 k nŋun na pukin bonciann tingbonŋ na paak k ŋalunŋ na lin puuk nŋun paak k lin pulin. 19 nŋun na lin pukin bonciann tingbonŋ na ni k juat nan kunkonaa kul lin piin. 20 nŋun na lin duo k gal juat nan kunkonaa na k l gal taabatii piinle waa. 21 K bonfua kul nba be tinŋ paak kpo kpo l nuani nan ŋaak ni nan muuk ni bonkobt nan bonbubɔkt kul nba buak tinŋ na paak nan nisaali kul. 22 linba kul foi k lin be tingbonŋ na paak nan ki kpo. 23 yennu buont bonfuol kul nba be tingbonŋ na ni, nisaali nan bonkobt nan bonfua nba buak tingbonŋ na paak, nan nuani nba yuuk sanpaapo. 24 Noe nan binba kul be ŋalunŋ ni a kukua e lin bial. Nŋun na lin yent tingbonŋ na daa kobik nan piinmŋu.