¹ Yuo nba k niib lin pɔt tinŋ na paak k bonpoi lin yab, ² nib bna j lin la bonpo fanii be k b j ganii b k kuant. ³ Kaagbennu yet a: n siek j kan fit k i be nisaalik ni yuo kul i k maan u tie nante k u bina j saa janŋ kobik nan piinle e. ⁴ L yuo na ni fapaalit lin be tingbonŋ nani yuo nba k yennu waat lin kuan nisaali bonpoi k mal waat na b waat manŋ lin tie nijaana e. ⁵ Yennu lin la nan nisaali tonuu lin yabt tinŋ na paak nan b dudukt nba tie bonbiil bianŋ nba, ⁶ k l biil u pal k u mɔ kuaŋaan nan waa nan nisaalik tingbonŋ na ni ⁷ ŋann e k yennu yet a; n saa biil nisaalik nba k n nanmua tingbonŋ na ni nawaa, l niib nan bonkobt, nan bonyuyukt, nan bonkubɔkt, k maan n mɔ kuaŋaan na maa nanm nawaa. ⁸ ŋaan Noe lin la ninbatinuu yennu buol a. ⁹ Noe luaba a e na. noe lin tie niŋanua e yennu buol k be nan yennu fanuu, l yuo na. ¹⁰ Noe lin mal bonjai bantaa, Sem, sam na jaafel. ¹¹ Tinŋ lin biil k mŋabl be yennu tuann, tinŋ lin gbie nan muksuk. ¹² Yennu got tingbonŋ na k sua k l be nan biit k maan nisaalik kul lin be kpelikpeli e. ¹³ L paak yennu lin yet Noe a; n saa buont tingbonŋ na waa. K maan b lin k tingbonŋ na gbie na muksuk; ¹⁴ jiin taabii k kpaa ŋalunŋ k bɔkt nuak ni ŋaan taan nuakni nan puolpo. ¹⁵ Faa saa tien bianŋ nba e na; ŋalunŋ fɔkint sii tie taabana kobiiŋantaa, taabanaa piinmŋu sii tie yalmuu, k sanpaapo mun tie piintaa. ¹⁶ A e kpaa ŋalunŋ na fan bil yial sanpaapo taaban yenn k tien tanmɔb lokl ni ŋaan tien detuatit nuak ni ŋantaa. ¹⁷ n saa baal nan nŋungbieuk tinŋ na ni k buont tingbonŋ na niib kul, lin ba kul be tinŋ na ni saa buont. ¹⁸ ŋaan n sii dia n mɔlol nan a; ¹⁹ a saa kua ŋalunŋ ni nan a ŋaapuo, nan waat nan a sipoi, k be lenŋ ²⁰ Bonfuol nba kul be tingbonŋ na ni a saa kuan buoluu kul banlele k bii be nan a bont kul bonjo nan boonaanŋ. ²¹ K a saa jii jiet nba k i sii di k taan bekl l kul ŋanlunŋ na ni k l sii tie i kul jiet. ²² K noe tun l bannuu nan yennu nba wannua bianŋ nba na.