¹ K josef tibn k muatil i baa numpo ŋaan mɔ. ² K u tul mɔb bin nunn u baa gbanant nan nŋɔku k l daa bati. ³ B din jii daa piinnae k tien bianŋ'nba k l kan batii. K Ijipt tieb mɔ k fabn Jakob paak piinlole. ⁴ Kuun fabnii nba gbenn na; pulpo k Josef yet kpanbal ŋaa saakab a, canbaa nba jiin maan na k saan wann kpanbal a; ⁵ N baa nba daan yaa wun kpo u daan t k n sat mɔb k tulɔ nan n saa piiu kaauk nba k u ŋammil kaana tinŋ ni nae. L paak canbaa, ŋaant k man saan k pii n baa, mii piiu n saa jen. ⁶ K kpanbal na jiin a li saa k k pii a baa nan faa sat mɔb a a saa tun na. ⁷ K josef saa a wun pii u baa. K kpanbal ŋaa saak nan nijaa na kul nan duo saakab nba be Ejipt k b tɔk nan Josef. ⁸ K puk n ŋaatieb nan u ninjam m nan u baa ŋaatieb nba be k b kula saan. Sie b waat nba tie bonbit nan b pei nan b buunii nan neie din bial Gosen yent ni. ⁹ Jab nba kua taa nii tolit, nan jab nba jak taanii paak k b kul saan na nɔ k tie niciaɔnŋ. ¹⁰ Baa saa baal jalii nba be Atad, Juudan mɔkil yendo po na k b bial lenŋ k mɔ fabn k l wei bonciann k Josef mɔ k tuatl kpemɔnii tuata daaŋanlole. ¹¹ Kaana tieb nba gbat k niib na mɔ k fabn Atad buol na k b yet a: ninbamɔn buol bee k Ijipt tieb mɔk na? ŋaan ne tien k b pul lenŋ Abel Mislaim. ¹² K Jakob waat tun nan waa sennib bianba na. ¹³ B din jii u gbanant k saan nan n kaa na k saa piiu tanfiɔk nba be Makpela k l be Mamle yendo po na; tinŋ nba k Abraham din daal Eflon buo, wunba tie Hef buolu nilɔ na, a lii tie u niib pinpii buol. ¹⁴ Josef nba piiu baa k gbenn yuo nba k ŋua nan u ninjamm, nan binba kul saan kupiinu na ŋmat Ijipt. ¹⁵ B baa kuun puol poe k Josef ninjamm yet a lii tie k Josef nant k dukii a wun tun jiint taa din tun k biilɔ na paak; t saa tien n lee? ¹⁶ K b tun tuomu Josef buol a t baa nba daan yaa wun kpo na. ¹⁷ U betit a tin yet a a canbaa nyikn t biit k cabit, lnba kul k t din tun k biila na. Mɔtana canbaa nyikn k cab biit nba k timm a baa yennu daaba tun. K Josef bui yuo nba k u gbat maan manŋ. ¹⁸ K u ninjamm baal b tiɔnŋ k tan gbaan u tuann, k tibn b yula tinŋ ni, b kul din yet a tim me na t be a tuann k tie a daaba. ¹⁹ ŋaan k Josef betib a i daa tiin jaŋaani n kan fit jii n mɔnŋ k senn yennu sien u ni. ²⁰ I din lol lolbiit n paak ŋaan k yennu ŋmant lol manŋ k tien bonŋann a ln te k man tinn niciɔnŋ, bnba be b manfuol ni dinna daal nba na k maan lnba tun na paak. ²¹ I daa tiin jaŋmaani, n saa got yinm nan i waat. K u ŋamm paan b palaa nan mɔbon na naa. ²² K Josef din bial be Ejipt tinŋ ninŋe nan u ŋaatieb. u din dii bina kobik nan bina piike k kpo. ²³ U din be u manfuol ni k la Eflaim waat nan u yaabuona. U bia din be k la Makil wunba tie Manase bik nan waat k pukn m u ŋaatieb ni. ²⁴ U din bet u ninjamm a n yaa man kpoe nan ŋaan yennu lek saa goti k nyinii k saan kuani tinŋ nba k u sat mɔb k tul Abraham nan Isaak nan Jakob na ni. ²⁵ K Josef te k eu niib na sat mɔb k tul yennu nan lii tie k yennu ŋmaktib k b saan duo manŋ b saa jii u gbanant k saan nan na. ²⁶ Josef din kpo Ejipt tinŋ nie k mɔk bina kobik nan bina piik. K b nunn u gbanant a l daa bati k tien kuun lakil ni.