¹ K Jakob yiin u bonjai, k yet a: setil k lintn, k man paki l'nba saa baalii dasial. ² Yimm Jokob waat, baat k lakn man k gbiint! Gbiintl i baa Islael. ³ N bi sinsinn Ruben, fine tie n panŋ, k tie n bikpelik n naasintuk ni, k mɔk palbifaant nan kpabil k gal n waaat kut. ⁴ A tie nan nyumɔnn nba gaal nae, ŋaan fin kaa sii tie wunba kpaa talati. K maan a dua nann ŋaapuo wa k dinnin fei. ⁵ Simeon na Liifi tie naannuake, k jikt b jatiat k nyint sɔn. ⁶ N kan pukn b bunbɔli pinpakit ni, kuo k pukn b labafaant ni. K maan b wutuol nba din duo b din kpii niib, b bia wab naajai, ŋaan k l kaa paaki. ⁷ Mɔpol be b wutuol paak, k maan l mɔk jat, k b dudukit ni k b banciann, n saa yabit Islael tinŋ kul po k bɔkitib b tiɔnŋ niib ni. ⁸ Juda a ninjamm saa dont a sann. A dia a datai tulu ni, a ninjamm saa gbaan a tuann. ⁹ Juda tie nan yanbɔl nba tuu suol u jiet, ŋaan ŋmat u lial ni k tantil u mɔnŋ, k dua tinŋ ni nae. K sua k mɔk pal nan wun daamiɔ. ¹⁰ Judae saa dia duo dammil, k u digbana sii jiantlɔ k gbaa u tuann na cɔlint. ¹¹ K u sii bonbik daan tilontii nba ŋan ni k wu u tiat tilontii daan nba mɔn nan sɔn na ni. ¹² K u ninbinn tuo tan saa mɔnn daan nyununi k u nyana n penn naabiin nyunu ni. ¹³ Sebulon sii kua k kpia sinset buol k u yent saa fɔkit k baal sidon. ¹⁴ Isaakal binbenŋ kan gal bonŋ yali bonŋ nba tuo dual k tant u mɔnŋ k bontanpaati paa u paak. ¹⁵ ŋaan laat nan u funfoi buol ŋan k bia bant nan tinŋ na ŋan, k ji tuo nii u buann ŋaan jii jika, k b mabɔ k u tuun nan daabl na. ¹⁶ Dan e sii dia u niib k b tie nan buol lieb nba tie Islael tieb na. ¹⁷ Dan sii tie waauk nba mɔk lɔbt k b gingalbuol k junt taanii tagbina k te k taanjakila baa yiyana. ¹⁸ Yennu n guu a fatu. ¹⁹ Fat tieb saa leK Gaad ŋaan u tan saa ŋmant k belib. ²⁰ Asel tinŋ saa nan jeŋant k u sii mɔk jiet nba ŋan nan kpanbal. ²¹ Naftali tie nan pialɔ nae k tiin nantaal u yamani k maal waat nba ŋan. ²² Josef tie nan bɔnŋ nba tuo be nyuntonn buol nae, k tie nan bɔnbik nba be kunkonn po na. ²³ K u datai tuu lekɔ nan ninbimmɔ nii. ²⁴ ŋaan u tɔlbann tuu bial k waki k u daa tu mɔk panŋ, yabint daanɔ kpinkpant bia daa tie u baa Jakob yennu e tienɔ panŋ k l nyii ŋua yennu; wunba tie Islael tieb gualtua k diab nan pekpaalik na buol. ²⁵ A l baa yennu sommita yabint yennu nba tiena piisn nba te k saak nyi sanoaapo k bia te k nyun nyi tinŋ pual ni nan piisn nba tien bonkobit nan waat bonciann. ²⁶ Piisn nba tien jiet nan tipuuk piisn nba nyi yaayuon ni juat paak nan bonŋana nba nyi kunkon kaagbennuk ni ŋaant piisn na kulii be Josef paak k kpaa ŋua Josef nba k bɔktu be ŋua u ninamm sunsuuk ni na. ²⁷ Benjamin sii tie nan naamusuotuk nae sanyiɔk nan daajuok k u kpi k bia pat. ²⁸ Buolu piik nan banlie nba tie Islael tiebe na. L' nba k b baa yete na k pak mɔbonŋana k tulib, bik kul nan u mɔmaan. ²⁹ K Jakob tul u waat sonnu a mɔtana nyaa man pukn n niib poe kuun ni piimin n baanba buol ni tanfiɔk ni l' nba be Eflon wunba tie Hef buolu ni nilɔ sal waɔk nina. ³⁰ K be Makpela duo ni Mamle yondo po kaana tinŋ ni. Abraham din daa tanfiɔk manŋ nan salwaauk na Eflon buole a lii tie u niib pinpii buol. ³¹ Lenŋe k b pii Abraham nan u ŋaapuo Sara lenŋe k b pii Isaak nan u ŋaapuo Rebeka lenŋe k n pii Lea. ³² Salwaauk nan tanfiɔk manŋ, Abraham din daa Hef tieb buole, piimn lenŋ. ³³ Jakob nba pak k tul u bonjai k gbenn yuo nba, k u ŋamm dual k ji kpo.