¹ Josef din k fit suol u mɔnŋ u tuontunna numm ni, k u din bel b kul k nyinnib nanyel. Tuontunna na sua ji din k bial diuk na ni. K Kosef ji wann u ninjamm waa tie wunba. ² U din bui nan panŋe k Ejipt tieb gbat. K maan manŋ saan kpanbal ŋaak. ³ Josef din yet u ninjamm a mine tie Josef, n baa daa be u manfuol nii ? ŋaan u ninjamm na nba gbat nna manŋ k jaŋmaanii suolib k b k fit jiin sial. ⁴ K Josef bia betib a n ninjamm nakint k b nakn. K u yet a mine tie ii ninja Josef na. Wunba k ii din koiɔ k tul Ejipt tieb na. ⁵ Mɔtana u daa te k ii babaa bilii, daa taalii i mɔnŋ nan yaa din kɔin k tul Ejipt tieb na. Yennu din tumn a min gal ii tuann k tinn niib manfua. ⁶ Bina ŋanlie kuae na k t daa be kon ni. ŋaan l tenn bina ŋanŋmu k sua kan ko kpaab kuo k jaanmi. ⁷ Yennu e tumin u tuann po a wun tuli u bakitnaunŋ sommil na k yimm nan ii yaabuona ii be i manfuani. ⁸ L paak yimm kaa din tumn nna ŋaan yennu e din tumn. U te k n tien kpanbal ŋaa saakab kul yudaanɔe k golii u tinŋ kut. Mine dia Ejipt kul tinŋ yent. ⁹ Kakitl man ŋmat kun n baa buo, k saa betua maa yet l'nba kul a yennu tienin Ejipt tinŋ kul dia tuae. Baat yian k daa taantli. ¹⁰ Yimm nan ii waat nan ii yaabuona nan ii buunii nan ii pei nan ii nei, nan l'nba kul k ii mɔk saa fit kua kal Gosenn yial na ni kii kpian. ¹¹ L ii tie k i be Gosenn n saa fit gotii wa l tenn bina ŋanŋmu k kon sii be k n k luon yimm nan ii ŋaatieb nan ii bonkobt bit n kpo komi. ¹² K Josef bia pak k pukn a; mɔtana ii kula nan fin Bejamin i saa fit k la nan n tie Josef nan mɔnii. ¹³ Betl n baa nan n mɔk panŋ bonciann Ejipt tinŋ nan ni, k bia betɔ l'nba kul k i la, ŋaan kakit k baal nau n na. ¹⁴ K Josef jii u nii k lol u waalɔ benjamin, ŋaan piin mɔ. K Benjamin mun mɔ ŋaan lolɔ. ¹⁵ U kpan din mɔ nnae, ŋaan tuo saaan lol u ninjamm n yenɔ yenɔ k bia muatl b tankpina. K u ninjamm na ji piin k piak nanɔ. ¹⁶ Mann na nba muant k kpanbal gbat nan Josef ninjamm baal u buol yuo nba, k l manŋ kpanbal nan u saakab na. ¹⁷ K u bet Josef a yetil a ninjamm na k bn jii b jika k paan bonnii paak ŋmat kaana yent ni. ¹⁸ ŋaan k bn jii b baa nan b ŋaatieb k jen nna, n saa tulb tinŋ nba kpia Ijipt na, k b sii laat l'nba janŋitib. ¹⁹ Betilib k bn jit tolit Ijipt tinŋ na ni k saa jii b jikaa nan b puob nan b waat nan b baa k baal namm. ²⁰ B daa b daate k b palaa biil nan baa saa nyik b mɔknt na. Bonŋana nba be Ijipt tinŋ na ni sii tie b yale. ²¹ K Jakob ŋaajab tun nan baa wannib na. K Josef tulib tolit nan kpanbal nba wann na, k bia tulib jiet nba k b sii di sɔnu ni. ²² K tul sua kul tiat, ŋaan tul benjamin salin kunaa kobii ŋantaa, nan tiat fuunu munŋmu. ²³ K tulb bonii piik, k b jii bonŋana nba be Ijipt tinŋ ni a bn saa tul u baa, k bia jii bonii piik, k b jii jebuolu buolu nan paanu a u baa ii di sɔnu ni. ²⁴ K cian u ninjamm manŋ k saa nyikib sɔnu ni, ŋaan betiba u daa kɔn man sɔnu ni. ²⁵ K b nyii Ijipt k ŋmat kun b baa Jakob buol kaana tinŋ ni. ²⁶ K betɔ a Josef be u manfuol ni, ŋuae tie Ijipt tinŋ kul diatua. K jakob yan put k ŋmat ku daa k tiemm yada. ²⁷ ŋaan baa wannɔ l'nba kul k Josef pak k u bia la tolit nba k Josef tul a bin jiiu k baal nanɔ Ijipt na, k u yan jen maak. ²⁸ K u yet a Josef be u manfuol ni. L janŋa sie k n saan k saa lau wa k fit kpo.