¹ K Suosef tul u ŋaa daabl na mɔb a: Gbient jiet jab na bɔtuot na, k janŋ bianŋ nba k b saa fit jii; k bia jiinsua kul liklii, k tie b pakaa mɔi ni. ² K bia tien likmɔnn kɔb na sanbian bɔtuok mɔb ni nan u liklii nba k u pa dii na paak na. K u daabl na tun nan waa pakɔ bianŋ nba na . ³ La a din tan yent yuo nba , sannyiɔk ni, k b te k b jii b bonii k kun. ⁴ Baa din nyii duo na ni , k daak fɔkt na, k suosef pak u ŋaa daabl na a: Fiit k ii waa niib na, a wei baalb yuo n ba, fan yetib a: bee k ii jii biit k pa ŋant pannI ? ⁵ Yinm kaa jii n canba nyunnyu kɔb nba k u tuo dial k buntl naa? II k tun fanu nan yaa tien bannu nba na. ⁶ K daabl na wei baalb, k pakb l bannu. ⁷ K b jiinnɔ a: canba pak bal buol bee n na? Yennu n bol, u tuontunna, nan tuon buolu na. ⁸ Gotl taa nyii nan liklii nba kaana duo ni baal nann nae, k t la, t bɔtuok mɔb ni, t saa tien nlee k jan liklii, kuo mɔknt, a canba ŋaaki? ⁹ Lii tie, k a la nyunnyu ŋmanŋ na wunba yaak bɔtuok ni l daanɔ n kpo. K t mɔnŋ n kpant t canba daaba. ¹⁰ K u yet a: lii tie nan faa pak bianŋ nba na. Wunba ya bɔtuok ni, k t la, nyunnyu ŋmanŋ na, sii tie n daable, ŋaan k n ŋaa yinm. ¹¹ L takpaak ni, k sua kul jikt u bɔtuok k b tinŋ ni, k lot b bɔtuok mɔi . ¹² K daabl na saatb, laa jii sakua k tan tuu bik. B din tan la nyun-nyu ŋmanŋ manŋ sanbian bɔtuok nie. ¹³ K b pat-pat b tiat, k sua kul ŋmat jak b bonnii, k ŋmat saan duo na ni. ¹⁴ K Suda nan u walii ŋmat baal Sosief ŋaak, k sua k u daa be wa bo be sian na, k b baa k gbaan u tuann. ¹⁵ K Sosief pakb a: Ti tun tuon buol bee na? Ti k mi nan nijaan nan min na sa fit bunt buntlii? ¹⁶ K Suda jiin a: T saa pak a bee n canba? T saa tien nlee k noi? T saa tien nlee, k nyinn t mɔnŋi? Yennu nyinn t biit paanu wa, t kul na tie a daabae tinm nan wunba k b la nyun-nyu ŋmanŋ u buol na kul. ¹⁷ K Sosief yet a: Yennu n te k n daa tuun n na; jua nba k b la nyun-nyu ŋmanŋ na u buol nae sii tie n daabl, ŋaan yinm ŋal'n saa ŋmat kun nan laafiae, k saa tuu ii baa. ¹⁸ K Suda saan k kal nakn Sosief, ŋaan yet a: canba a nyik'n k n pak na na suon n na. A daa dont wutuol n paak, k maan tie nan kpanbal tiɔnŋ nae. ¹⁹ N canba daan boi, u tuontunna k yaa: Ii k mɔ baa , kuo ninja sua? ²⁰ K t daan jiin a: T mɔk baa, k u tie nikpel, nan t ninja nba tie u sanbian, u din kpete wa k malɔ, l bik din mɔk yualɔ k u kpo, k b din taa naa, mɔtana, u ji tie u kukuae, k u baa luonɔ. ²¹ K a daan pakt a: t n jiu baal nanɔ a buol, k a tan lau nan a ninbinna. ²² K t daan jiin k yeta a: Bik na kan fit siet ŋaan nyik u baa, lii tie k u siet , u baa na kpo wa. ²³ K a yet a: tii kii baal nan sanbian, ii ji kan ban baal a buol. ²⁴ Ta daan ŋmat kun yuo nba t baa manŋ buol, t daan pakɔ n canba maan manŋ kula wa. ²⁵ K t baa yet a: ii ŋmat man k saa daa jiet waan k tan tult. ²⁶ K t jiin a: T kan fit ŋmat saan lenŋ; ŋaan lii tie k t tɔ nan sanbian ŋal'n t sa saan na, k maan t kan fit ŋmat saan jua na ŋaak k sanbian ka. ²⁷ K a tuontunnɔ t baa, pak tinma: ii mɔnŋ mi nan n ŋaapuo, mal'n bonjai banlie kuae. ²⁸ K yenɔ nyii bot ŋaan nyikn, n mi nan muuk ni bonkob biite din sii suolua, k maan n yen ji k laatua nan mɔtana. ²⁹ Lii tie k ii bia jii bik na, n buol, k n kpo nan palbiila, ma kpet bianŋ nba na. ³⁰ Mɔtaana , lii tie k n ŋmat kun t baa buol , k bik nba k ŋua nan bik manŋ mantik maan na kaa, ³¹ U saa kpo wa, lii tie k u la nan bik na kaa, k t set saa pii nikpel yuu kpapionŋ na nan palbiila. ³² K maan n pak k jiin bik na po, k tul n baa nan, lii tie k n k jen nanɔ a buol, n sii tie biit daanɔe k tul n baa yuo kula. ³³ Yen nyik'n k n bial gaal sanbian paak k ii tie a daabl, ŋaan k sanbian n ŋmat kun nan u yualb, u baa buol. ³⁴ N saa tien nlee, k fit ŋmat kun n baa buol lii tie k sanbian k be? Ah n kan fit kii golii tie damii, nba baat n baa na?