¹ K l jii yuo waan k Ejipt tinŋ kpanbal daŋaala saakɔa nan pantiela sakɔa tun k biil kpanba. ² K kpanbal na wutuol duo b saakab banlie na paak. ³ K u kɔamm dansalik u ŋaguula saakɔa na ŋaak ni, k tienm sianba k b kuan Josef na. ⁴ K b wei boncian dansalik na ni. K kpanbal ŋaguula saakɔa jii Josef k tienɔ dansalii banlie na saakua. ⁵ K dasial nyiok, daŋaala saakɔa nan pantiela saakɔa na damii damii, dansalik ni, sua kul nan u damiit, k l paak tie jiak jiak. ⁶ K Josef baal b buol sanyiɔk ni k gɔmm, k la k b tie suon nna. ⁷ K u boib a bee kii golii ninbaatil dinna. ⁸ K b jiin a t damii damiit e k sua kaa nna k saa wannit damiit manŋ paaki. K Josef yetb a yennu e tie wunba saa fit wanni damiit na paak. wantn ii damiit manŋ. ⁹ K daŋaala saakɔa na yet a; n damiit ni n la k tilontik sie n tuann. ¹⁰ K tiik manŋ mɔk yiinii ŋantaa k l k yanni k l tutuuk bint k yinn puuk, k lon k mɔnn. ¹¹ K n dia kpanbal danŋmanŋ, k jii tilɔana na k ŋmakil l nyun daŋmanŋ na ni k tulɔ. ¹² K Josef yet a l paak e na, yiinii ŋantaa na tie daa ŋantaa e. ¹³ Daa ŋantaa ni kpanbal na saa nyinna k nyik caba k jii na a tuonn ni k a saa tulɔa u daŋmanŋ nan faa din tuo tienɔ yuo nba ka tuu tie u ŋaak danŋaala saakua na. ¹⁴ ŋaan ii tian n po yuo k bont kul tien fanu k tula, tien a buleint k tial n po kpanbal na buol k sommin k n nyi dansalik na ni. ¹⁵ K maan b din jamm Hebleu tieb tinŋ ni k nna; Ejipt tinŋ na ni, n k tun biit k l janŋ nan k n kua dansaliki. ¹⁶ Paantielɔ saakɔa na nba la nan daŋaala saakɔa damiit na ŋan na k u yet Josef a n mun bia damii k n jii paanu kpancibit ŋantaa n yul paak. ¹⁷ Kpancibuk nba juont paapo na k paanu buolu buolu be lenŋ k tie kpanbal na yal, ŋaan k mɔanii dii paanu manŋ n yul paak. ¹⁸ K Josef yet a l paake na; kpancibit ŋantaa na tie daa ŋantaae . ¹⁹ Daa ŋantaa ni kpanbal na saa nyinn na k pot a yul, ŋaan jii a gbanant k lol tabn daɔk paak k nuanii saa di a gbanant. ²⁰ K daa ŋantaa daal, k kpanbal na tial u maalu daal k tien jaamm k tul u ŋaasaakab, k nyinn u daaŋaala saakɔa nan paan tiela saakɔa na dansalik ni k jiib k baal namm u saakab buol. ²¹ K te k u daŋaala saakɔa na ŋmat u tuon kpel ni. ²² ŋaan te k b kpii pentiela saakɔa na k kul tun nan Josef nba daan wannib na. ²³ ŋaan daŋaala saakɔa na din k tian Josef bulcint po u din tamm Josef po wa.