1 K yennu yet Jakob a fiit kii saa Betel yian k saa kua lenŋ. A saa maa malunŋ binbintl lenŋ k tul min yennu nba din lekit a paak yuo nba k a din tii k yaatil ŋaan nyikt a ninja Esau na. 2 K Jakob yet u ŋaatieb nan binba kul be u buol a nyikin man pata nba kii mɔk na. Wuut i mɔnŋ k lia tapaant. 3 T nyi n nae k saa Betel sianba k n saa maa malunŋ binbintl k tul yennu wunba sommitin wahala yuo, k ba nanin sianba kul k n saa. 4 K b tul Jakob b pata nba kul t b mɔk, nan b b tuttuuta nba k b tuu, k u pii tinŋ ni tijakpel nyakit, k l kpia Sekem. 5 L puolpo k b k siet k saa. K jaŋmaanii suol digbana nba kpial na niib k b k fit wei b puoli. 6 K Jakob nan u niib kul baal Lus duo nba k b yil Betel mɔtana, k l be kaana tinŋ ni na. 7 K maa malunŋ binbintl lenŋ, k pul lenŋ sann Betel yennu; k maan yennu fiit u mɔnŋ k wannɔ lenŋe, yuo nba k u din tiin k nyikit u ninja na. 8 K Debola wunba din yuol Rebeka na kpo, k b piu tijakpel nyakil, k jin Betel niidiitu po, k b pul tiik na mɔnii tiik. 9 Jakob nba din nyii Mesopotami k jen k yennu dɔkit u paak k tulɔ piisn. 10 K yetɔ a, a sanne tie Jakob, ŋaan laa nyii dinna k saa a sann ji sii tie Islael n nae k yennu pul Islael. 11 K yennu yetɔ a mine tie yabnt yennu ii mɔk waat bonciann. A maalu sii tie buolu boncianne, k kpanbala saa nyi a maalu ni. 12 Tinŋ nba k jii k tul Abraham nan Isaak na n bai saa jii k tul a yaabuona nba saa wei a puol na. 13 K yennu ji nyikɔa , sianba k u din dɔkit u paak na. 14 K Jakob caan tann sianba k yennu pak nanɔ na k muan daan nan kpan l paak k l tie malunŋ. 15 K pul lenŋ sann Betel. 16 Jakob nan u ŋaatieb nyii Betel. Baa paa sɔnu k l tenn waan nan bn baal Eflaf, k yuo baal nan Rasel mal bik; k u matuk manŋ din paal hei. 17 K u matuk tonu nba din pukii na k maannaa na betɔ a Rasel daa tiin jaŋmaanii l tie bonjalieke. 18 ŋaan k Rasel kpen na. Waa kpenn yuo nba, k u pul bik na Benoni, ŋaan k u baa pulɔ Benjamin. 19 Rasel nba kpo yuo nba, k b piu k kpian sɔnu nba saa Eflat na. Mɔtana, Eflat sann e tie Betlehem. 20 K Jakob caan tialu tann lenŋ k l dɔk ji tie Rasel kaauk nan dinna. 21 K Jakob cat k caan u kaanŋ bakliel nba be Edel juonfuok po na. 22 Jakob nba daa din be tinŋ manŋ ni na k Ruben dua nan Bilha, wunba tie u baa ŋaapuob na yenɔ. Jakob din gbat l po ku wutuol duo bonciann. Jakob din mɔk bonjai piik nan banlie. 23 Lea bonja din tie Ruben, wunba tie Jakob bikpelik na nan Simeon, nan liifai nan juda, nan Isakal, nan Sebulon. 24 K Rasel bonjai tie Josef nan Benjamin. 25 K Bilha, wunba tie Rasel biyualɔ na bonjai tie dann nan natali. 26 K Silpa wunba tie Lea biyuolɔ na bonjai tie Gaad nan Asel. Jakob din mal bonjai na Mesopotami. 27 K Jakob saan u baa Isaak buol Mamle duo ni, sianba kpia nan Heblon k Abraham nan Isaak din kua na. 28 K Isaak dii bina kobik nan piinniin. 29 K kpo, k tie nikpelmɔnn. K u bonjai Esau nan Jakob piiu.