¹ Saakob nan u ŋmaapuo leya nba din mal bon puek nba k b yiu Dina na din tan nyii gɔln dasial a wun fuont kie nann tieb bonpoi. ² K Hamol , nba tie duo na ni bat na, bija Sisem, din lau k suolɔ, k mabinɔ, dua nanɔ. ³ K nian din kua Dina ni bonciann, k din luon wun dakɔ k kuanɔ. ⁴ K Sisem din pak u baa Homal a: N luon k a gaal bonpuok nae k n kuanɔ. ⁵ Saakob nba din gbat nan b mab'n u bipuo Dina k dua nanɔ k dinnɔ fei na, k sua k u ŋaajab kul saan bonkob kpaalu wa k u ŋmin suon nan baa tan jen. ⁶ K Hamol nba tie Sisem baa na saan a wun saa la Saakob k pak nanɔ k jiin l po. ⁷ K sua k saakob bonjaina mun kpan daa nyii muuk ni, k kunte, baa gbat l'nba na yuo nba, k b palaa biil k b wutuol duo sisem paak, k maan waa tun l'nba k fiak Islael tieb k mabin Saakob bi puo k dua nanɔ na. ⁸ K Sisem baa Hamol pak tulb a: N bija Sisem nunm gbuo i bipuo na wa, n balmie, yin bo cabɔ k wun kuanɔ. ⁹ I ŋaan k tien taan mɔb, kii kuant t lieb waat man. ¹⁰ Ki sii be duo ni, k be yaa luon sianba, ki kpentl kpinkpounŋ, k ii mɔkitl ¹¹ k Sisem pak Dina baa nan u yualib a: ii yabl sonm n ,ŋaan k n tuli yaa luon l'nba kul. ¹² Wantin bonpuek manŋ paati nan paab nba kul kii luon, lii tie tuo k cabn bonpuek na k n kuanɔ, n saa tuli l'nba kul kii luon. ¹³ K Saakob bonjai na pak k kpann Sisem nan u baa Hamol, k maan sisem nba din dinn b waalɔ Dina fei na paak. ¹⁴ K b pakɔ a: t kan fit cab k t niipuo n saan kun daanɔ nba k u punn k poti, k maan l sii tie fei-e k tul. ¹⁵ Lii tie k ii sa sak k pot i bonjai kul puna, k ii tie nan tinm na t bo saa sak caba k a kuanɔ wa. ¹⁶ T bo saa fit ki kuant lieb waat , k bia ba saa tuo k kua i duo ni, k tinm nan yinm kul n taan kii tie nibuolyenŋ. ¹⁷ Ŋaan lii tie k a tuo t maan, k ii k pot ii puna, t saa jii t bipuoe k ii saa nanɔ. ¹⁸ B mɔmaan na kul din man hamol nan u bija Sisem po. ¹⁹ Nasimɔ na din k taantl baa yaa wun tien l'nba na po, k maan u din mantik luon Saakob bipuo na bonciann. U din tie wunba k b ŋaak niib kul tienɔ cɔ linte. ²⁰ K Hamol nan u bija Sisem ŋmat kun b duo tanmɔb buol, k saa pak nan b duo ninŋ niib kul a! ²¹ Jab na tie t nasin yuat n bae, nyikinm, k bii be duo na ni nan tinm, kii lin bi yamani, tinŋ na yaba, k bia saa janŋiba. K t sii kuant b waata, k b mun kuant t waat. ²² Ŋaan jab na sa tuo kii be nant, k tin taan kii tie ni buol yenŋ, lii tie k t kul tuo k pot t puna, nan ŋanm na. ²³ B bonkobt nan b mɔk'nt kul bokii tie t yal kaa? ŋaant k tin tuo b maan na, k bin bial k i be nant. ²⁴ B'nba kul din baal duo na tanmɔb ni na din tuo Hamol nan u bija maan nae k b kul pot b punan, bonjai nba kul din baal duo na tanmɔb ni na. ²⁵ Daa ŋantaa daal, k sua k b daa din be nan fiat na, k saakob bonjai banlie, Simeon nan Lefi ,b'nba tie Dina naa waat na k b bɔl jii b saata, k kua dua na ni, k kpii jab na kul. ²⁶ B bia din ŋuu Hamol nan u bija sisem k kpii be, ŋaan ji nyinn Dinna sisem ŋaak ni k yaant nanɔ ²⁷ K Saakob bonjalei nba tenn na kua , k jii duo na mɔknt kul, k maan baa dinn b nii puo fei na paak. ²⁸ B din jii b pei nan boni, nan l'nba kul din be duo na ni, nan l'nba kul din be kpaant ni; ²⁹ B din yaat nan l'nba kul mɔk nyuate, k suol puob, nan waat, nan l'nba kul b ŋei ni. ³⁰ Ŋanne k Saakob yet Simeon nan Lefi a: ii baal nan ninmɔ nne n paak na, k niib na kul ji sii namime, k kɔn nan . N k mɔk jab k b yabi, lii tie k b taan mɔb b saa buont min nan n niib na kul a. ³¹ K b jiin k yaa: k b ji sii dia t niipuoe k tiu nan u tie cunconne naa?