¹ saakob nba tɔkin u sɔnuu k saa , kutan cet yennu malakaa nba sɔnjok paak . ² Saakob yaan lab yoo nba ku yet a: yennu kanŋina , k pul leŋ sann Maanaiim. ³ ŋanne k saakob tun tuntii a bin liit u ninja Esaau buol , seil , Edom yiaal ni. ⁴ Ktulb mobonnaa na a: yaa saa pak n yomdaanɔ linb i na : A tuon tunnɔ saakob yaan pak linba i na a: A n saan bent Laaban ŋaak , k woii lenŋ kakaa nan mɔtaa na; ⁵ Nmɔk neii nan peii nan wobii , nan dabaa , k yaa ntula n camba ; k laan k laan a saa tinnin ninbaɔk k sommimii. ⁶ Tuomii na nba saan k tan jen saakob buol k b yet saakob a: a ninja Esaau tien siil k fiil a wun ceta ; u puolpo juamuu tie jab kobiiŋanna. ⁷ K saakob yan put , k jaŋaanii suolɔ k u bɔkt u niib nba be u buol na nan peii , nan neii nan wobii, nan yonyokt na kannii ŋanle; ⁸ K dukin a: Lii tie k u ninja Esaau cet k paak kanŋ na yenn k kpiib, ŋaan kanŋ nba tenn na saa ciaal k paakɔ a. ⁹ ŋanne k saakob mial yennu a: nbaa Ablaam , nan Isaak yennu , kangbennuk , nba yetin a: tunt a duo ni sian nba k b malaa na ni , k n saa ŋanmaa ! ¹⁰ N mantik waakaa , nan ŋami nan mamɔm nba ka tuon k tien min nba tie a daabl na. Maa din puot suodonn mɔkl na n din k mɔk sial , lii ki tie madi dia patu nba na kukuaii ka , ŋaan mɔtana, saa bobin n niib nan bonkobt kannii ŋanle a. ¹¹ N mei aen yennu , maa fin fatin k nyinin n ninja Wsaau nuu ninŋ! k maan n ŋmaan nan wun kpi min , nan puo , nan n waas kulaae . ¹² K finn yennu , a k yet a: n saa te ka bonaa kul n saan fanu k tulin , k bia saa te k n yaa buonaa n pɔt k yab nan mɔkl ni tanbiinii na , k yab k sua kan fit k kan ba jan . ¹³ L yial ninŋe k l bonn saakob k u dual lenŋ k l yent gbenn , k u jii waa mɔk linba u nuu ni k l tie mɔkint , a wun pe u ninja , Esaau pinii , k l piinii tie nae : ¹⁴ Wonaanii kobii ŋanle nan wojaii pienle , pinaanii kobii ŋanle nan pijaa pianle , ¹⁵ Yonyok naanaa pientaa nan b waas , naananii pienna nan naajaa piik , bonnaanii pienle nan bonjaa piik . ¹⁶ U din bɔk bɔk , k jii u tauontunnaa yennɔ - yennɔ k tɔkin -tɔkinm bonkobt manŋ cakaa-cakaa , ŋaan yetb a: gaat man liik nan bonkobt na cakl -cakl , k tuu foon yial b sinsiuk ninŋ a lieb n fit k waan. ¹⁷ u din yet u daabl nba gaal liek na a: li -i tie k n ninja Esaau ceta k boii yaa a, ŋmei tie a cambaa ? Asaa lee ? ŋmei bonkobti be a nunŋ po ka waab na ? ¹⁸ Fin yetɔ a , A daabl saakobl saakob bonkobte . u jiib a wun pi u cambaa Esaau -e. u mɔnŋ waa t puolpo . ¹⁹ k bia pak nna k tul wunba waa munle paak , nan muntaa paak , nan binba waa bonkobt na kul tuoku , tuaku nna k tan gbenn , a bin tu pak k tul u ninja Esaau yoonba k b cetɔ. ²⁰ Ii tuu pakɔ a: A daabl saakob waa t puolpo . k maan u maalin tie a wun jii piinii , l k kua u saa nyik k cabɔa , ŋaan gaalɔ nan palmann . ²¹ K u te k u tuontunna liit na piinii nal daal , ŋaan k wua biaal dual lenŋ l daal nyiɔk . ²² L daal nyiɔn k saakob na , nan u waas piik nan yennɔ na k puom saabok mɔkl na . ²³ U puom nan u bonnaa nba kul ku mɔke kul ŋaan jen lenŋ ²⁴ k saakob ji bial be u kukua lenŋ l daal nyiɔk . k jasua tan baal k gbaa gbigbaal nan nan saakob nyiɔk manŋ k tan tuu sannyo faal . ²⁵ Wua tan la nan u kan fit k nyiaa saakob yoo nba k l ji yentl na k u faa saakob kpieluk k kpet . ²⁶ Jua na nba ji la nan l yentl k gbent na k u yet saakob a: ŋaantin k n saan . k saakob mun jinnɔ a: N kan nyikaa yann , k a k yat yetiŋam n paak . ²⁷ k u yet saakob a: A sannii ? k u jiinnɔ a: saakob . ²⁸ K u bia yetɔ a: A sann j ki tie saakob kaa , ŋaan b ji si yiaa Islael ;e ; k maan a gbaa nan yennu , nan niib , k bia nyannib . ²⁹ k saakob boiɔ, k yet a: n balmaae , ten k n bann a sann . k u jiien a: Bei te k a luon fin bann n sann -i ? ŋaan yat yetiŋam u paak lenŋ. ³⁰ K saakob yet a: N la yennu nan n ninbina , ŋaan bia mɔk manfool , k l paak k u ji pul l buol penial . ³¹ yennu yaan ji duo yoo nba , k saakob ji siet penial , k gal saan . waa ji saa k u somm doli , k maan yenn faa u kpieluk k yiil-a . ³² ŋanni tien la nyii l daal k tan tu dinne , k Islael tieb k ŋman kpieluk buol nant, k maan saakob kpieluk buole k yennu din faa k kpet .