¹ Isaak din kpet bonciann k ji tan jɔɔn. Dasial k Isaak tun yiin Esau k tan yetɔ a n bija. K u jiin a n gbia. ² K u pakɔ a a ba nan kpeta, n kuun ji k fɔki. ³ Jiin a tɔlbann nan pienii k saan muuk ni k saa kpi bonkobuk k tuln. ⁴ Tient jemant nba k n luon k tuln. Mii dii gbenn n saa tien pisn a paake k fit kpo. ⁵ Isaak nba din piak nan Esau na k Rebeka gbiin, Esau nba saan muuk ni a wun saa kpaan nant yuo nba. ⁶ K Rebeka pak Jakob a n gbat k a baa piak Esau a: ⁷ Saant kpi bonkobuk k tien jiet tuln man diwa k tien piisn a paak, yennu tɔann ŋaan fit kpo. ⁸ K Rebaka yetɔ a n bija gbiintl, n maan k tun maaa yuaa tun l' nba na. ⁹ Saant buluok nik saa suol bukpamma banlie, k baal nann, k man tien jiet nba k a baa luon na. ¹⁰ K fan jii kɔa tulɔ k wun diwa k tula u piisn ŋaan fit kpo. ¹¹ ŋaan k Jakob jiina, a mi nan Esau mɔk kobit u gbanant paak, k n gbanant mun k mɔk kobit. ¹² N baa siin u saa banna, u muni bann nan n kpannɔe, u saa tuln mɔpole, l ji kii tie piisn kaa. ¹³ K u naa jiin a n bija, ŋaant mɔpol nba ba saa weia kul n baa n paak, fin n tun l' nba k n wanna na. Saant k saa suol buunii manŋ tuln. ¹⁴ K u saan suol buunii na k tan tul naa, k u tien jiet nba k u baa luon manŋ. ¹⁵ L yuo k Rebeka jii tiat nba tie Esau takpantii k b ŋaak ni na, k lanm Jakob. ¹⁶ K jii bonbil na gbant k pin Jakob bɔpiat nan u nii sianba mɔk kobit na. ¹⁷ L yuo k u jii nant na, nan jiet nba k u tien na k tul Jakob. ¹⁸ K Jakob saan u baa buol k saa yiin a n baa. K u baa tuon ŋaan boi a, n bilanŋ poe ? ¹⁹ K Jakob jiin a min a bija saakɔa Esau e. N tun faa wannin bianŋ nba na wa. Fiit kal k di jiet nba k n baal nann na k ji tuln a piisn na. ²⁰ Isaak din jiin a, n bik a piin nlee k tun l' nba na yian yian na ? K Jakob yet a, a yennu e sommin k n lal yiama. ²¹ K Isaak yetɔ a, nakint n buol ni k man bala. Aset tie Esau ee? ²² K Jakob nakn, k u bal balɔ ŋaan yet a a kunkɔl maan Esau nii. ²³ U din k bann Jakob i k maan Jakob nii paak din tie kobite nan Esau nii paak na. K u ji din luon wun tulɔ piisn. ²⁴ ŋaan ŋamm boiɔ a a set tie Esau ee ? K u jiin n a nn. ²⁵ K Isaak yetɔ a wun jii jiet na k tulo, k wun diwa k tulɔ piisn na. K Jakob jii jiet na tulɔ k bia jii daan k tulɔ k nyuu. ²⁶ L yuo k Isaak yetɔ a wun nakn u buol ni k muatɔ. ²⁷ Jakob nba nakn k muatɔ yuo nba k Isaak nub u tiat, ŋaan tulɔ piisn k yet a; n bija nubilu man nan yennu nba tien piisn tinŋ nba paak k l nubilu man nae. ²⁸ Yennu saa sikn malin a tinŋ paak, k a tinŋ saa kɔa kuolin. Yennu saa tula dii nan tiluona daan bonciann. ²⁹ Nibuolu bonciann sii tie a jiamm, k niib sii gbaant a tuann k jiantla.Fine tan sii a nikpiimm kpanbal, k a naa yaabuona tan saa gbaan k jianta. Mɔpol sii be damm nba waanta mɔbiit paak, k piisn mun sii daanɔ nba waanta piisn na paak. ³⁰ Isaak nba din tien piisn Jakob paak k gbenn k Jakob siet nyi yuo nba e k Esau mun din nyii muuk ni k baal kɔa. ³¹ U mun din tien jetmant k kɔa mann k yet a, n baa fiit k di jiet nba k n baal nann na wa, k ji tulin piisn na. ³² K Isaak boi a ŋmee ? k u jiina min a bijakpele. ³³ K Isaak yan ŋmat, k u gbanant kul ji jekil, k u boi a, ŋmee bo kpii bonkobuk k tien jiet tuln na ? n bo dii jiet manŋa. N bia bo tulɔ n piisn kula, k l ji sii tun tie u yale. ³⁴ Esau nba gbat n na, k u bui nan panŋa, ŋaan yeen a, n baa mun tulmn a piisn. ³⁵ K Isaak yet a, a waalɔ baal kpanin, k n jii piisn nba bo tie a yal na k tulɔ wa. ³⁶ K Esau yet a, u diin taal munlie na. U sann nba tie Jakob na a mii ? U daan gaal n saakatuk yiiko wa, k bia gaal n piisn na. A k tenn piisn waan k saa tulmii ? ³⁷ K Isaak pakɔ a, n tienɔ a canbaa wa, k tienɔ u nikpiimm kul yudaanɔ wa. N tulɔ dii nan tiluona daama. N bija sial ji kaa k n saa tun tulani. ³⁸ K Esau ŋamm baln u baa k boiɔ a, n baa a kpan mɔk piisn yenn kua e ? N baa mun tient piisn n paak. L yuo na k Esau mɔ sanpaapo. ³⁹ K Isaak yetɔ a maln kan nyi sanpaapo k baa a tinŋ ni. A tinŋ sii tie tinfukilike. ⁴⁰ A jukbanjiak nae sii dinta, k a tie talik a waalɔ buol ni. ŋaan fii tee yet a saa nyi u yiikuo ni ? ⁴¹ Esau din k luon Jakob maan, k maan u baa nba tulɔ piisn na paak. ŋanne k Esau dukn a, n baa panŋ ji k fɔk nan kuumi. Wuu kpo, n ji saa kpi Jakobe. ⁴² ŋaan Rebeka nba gbat Esau lol manŋ yuo nba, k u tun k yiin Jakob k tan yetɔ a, gbiintl a yuɔlɔ Esau luon wun la yiale k kpia. ⁴³ N bik nii wanna l'nba fan tum n na. Ciat k saan n yuɔlɔ Labann buol, Halann duo ni. ⁴⁴ K ii sakii be u buol k ln weiwa k a yuɔlɔ wutuol n maak. ⁴⁵ K wun tamm l' nba k a tun tulɔ na. L puolpo n saa tun tuomu k bin jia jen. Bee k n waat banlie tan saa kpo dayenn kua ? ⁴⁶ K Rebeka pak Isaak a, n bak nan Esau ŋaapuob nba tie buol ganu na waat na wa. Lii tie k Jakob mun bia kuan Hef buolu ni bik, n panŋ ji saa kpoe.