¹ K Abraham din ŋamm kuan puo lua k b yiu Ketula. ² Ketula manŋ din mal Zimlam, Joksan Medan, Madian; Jisbak nan suak. ³ K Joksan mal Seba nan Dedan. K Dedann yaabuona tie Asul tieb nan Letus tieb, nan leumm tieb. ⁴ Median waat mun din tie Efa nan Efel nan Hanok, nan ketula yaabuonae. ⁵ Abraham din jii waa mɔk l'nba kul k tien Isaak muu nie. ⁶ ŋaan waa daa din be u manfuol ni na u din mɔk piinii k piin u waat nba k u puolieb mal na. L puolpo k u te k k b fiil saan k saa kal tinŋ nba be yondo po na ni ŋaan nyik Isaak. ⁷ Bina nba k Abraham din tien ne na, u din dii bina kobi nan piinlole nan ŋanŋmue. ⁸ Abraham din kpet boncianne wa k tan fit kpo. ⁹ K u waat Isaak nan Ismael piu kaauk nba be Makpela, kpia Mamle, k din tuu tie Soha bija Eflon yal na ni. ¹⁰ L tinŋe k ŋua Abraham din daa Hef tieb penŋ na. B din pii ŋɔa nan u ŋaapuo sara kul lenŋe. ¹¹ Abraham kuun puolpo, yennu din tien piisn Isaak paak bonciann, k u din be k kpia nan bunbunn nba k b yil, manfuol daanɔ yennu nba laatin bunbunn na. ¹² Abraham bija Ismael nba k sara daabil Agal nba tie Ijipt bik mal na yaabuona e na. ¹³ B sana dian k wei baa din malib bianŋ' nba; Nebayof nan Kedal nan Abbeel, nan Mbsan. ¹⁴ Nan Misma, nan Duma, nan Masa, ¹⁵ Nan Hadat, nan tema nan Jetul, nan Nafis nan Kedema. ¹⁶ ŋamme din tie buolu piik nan ŋanlie na yeejamm, k b jii b sana k pul b digbana nan b kinkaanbaa kula. ¹⁷ Imael din dii bina kobik nan bina piintaa nan ŋanlolee k kpo. ¹⁸ Ismael yaabuona din kal sul nan Hafila doi sunsuuk nie; Ejipt yondo po k jiin Asilia sɔnu po. ŋamm nan Abraham yaabuona na din kal jiak jiake k maan b din k man nan liebi. ¹⁹ Abraham bija Isaak la baale na. ²⁰ Isaak din mɔk bina piinnae k kɔan Rebeka, wunba tie Betuel bipuo. Betuel din tie Alam buolu ni nilɔe k nyii Mesoptami. Rebeka din tie Laban waalɔe. ²¹ Rebeka din k mali. L paak k k Isaak mial yennu u paak. Yennu din gbat u mialu na. K Rebeka suol puol. ²² U din yaa wun mal jaatinbae, k waat na be u puol ni ŋaan kɔn nan lieb k tutib. K u yeta bee k l'nba na tan tuun k tienimi ? ŋanne k u saan a wun boi yennu k bann l paak. ²³ Yennu din yetɔ a buolu ŋanliee be a puol ni. Niib banlie saa nyi a puol ni; ŋaan b kii taa mɔbu. Yenɔ sii paal lua, k saakɔa pa tan sii tie waalɔ po na jiamɔ. ²⁴ Rebeka matuk daal din baal k u mal jaatunba, bonjai. ²⁵ Saakua na tin tie nimonŋe k u gbanat tie kobik jukljukl nan bonkobuk yal na. K b pulɔ Esau. ²⁶ Wunba din juont nyii na din waa dia Esau tagbinne k u sann tie Jakob. Yuo nba k Rebeka din mal na, k isaak mɔk bina piinluob. ²⁷ Waat na nba din tan kpaat k Esau mi muuk ni gɔlunŋ bonciann, ŋaan Jakob ŋalin din tie jaŋminŋminn nba k kua muuko. ²⁸ Isaak yan din be Esau nie, k maan Esau nba kpi muuk ni bonkobit k u di kpint na, ŋaan u ŋaapuo Rebeka mun din luon Jakobe. ²⁹ Daial k jakob tan kal k ŋaa kpint k Esau nyii muuk ni k kpen. Kon mun din mɔkɔ bonciann. ³⁰ K u yet Jacob a kon yaa ln kpime tulmin a kpinmɔnŋ manŋ waan. L paak k b din yiu Edom. ³¹ K jakob jiin a lii tie k a saa tulin a saakatuk na ŋalin, n mun saa tula n kpint na wa. ³² K Esau yet a: Tɔn, kon nba ponŋ yaa lin kpima na, saakatuk nyɔat tie be ? ³³ K Jakob jiin a sinsinn polin mɔpol nan a saa tuln a saakatuk manŋ. K Esau pol mɔb k jii u saakatuk na k tul Jakob. ³⁴ ŋanne k Jakob jii jiet nan kpint na k tulɔ, k u dii k nyuu k fiit yaat. Esau yaa dudukit kuli na k jiin u saakatuk na po.