¹ Abraham din tan kpet bonciann wa k yennu din tien piisn u paak bont kul ni. ² Dasial k Abraham tan pak u ŋantuontunna saakɔa wunba k u jii u ŋaak nan l bena kul yiiko kul k tien u nuu ni na; a jiin a nuuk k sakin n pana ni, ŋaa pol mɔpol. ³ N luon fan pol mɔpol yennu nba nan sanpaak nan tinŋ na sann ni, nan a kan jii kaana tinŋ na ni sapaamɔ k tul n bija k wun kɔani. ⁴ ŋaan a saa ŋmat saan n tiɔnŋ danduo, sianba k b din malin na, k saa jii lenŋ sapaamɔ k tan tul n bija Isaak k wun kɔan. ⁵ K u daabil manŋ ŋmat boiɔ a, l ii tie k n la sapaamɔ, ŋaan k u k sak saa baal nna; n sa tien nlee ? N saa te k a bija Isaak manŋ n ŋmat kun a duo manŋ ni a mii ? ⁶ Abraham din jiin a, II mi k a saa te k wun ŋmat lenŋ . ⁷ Yennu wunba tie yendɔunŋ ni yennu nyinin n canbaa ŋaak, n danduo ni, k senn mɔonn nan u saa jii tinŋ na k tien min nan n yaabuona nuu ni. U saa te k u malaka n gal a tɔann, k a la sapaamɔ lenŋ k tul n bija, k wun kɔan. ⁸ Lii tie k a la sapaamɔ, ŋaan k u yet a weiu a k mɔk siala biit k jiin a mɔpol na po. ŋaan ii mi k a saa mann te k n bija n ŋmal lenŋ. ⁹ ŋanne k u tuontunnɔ na jii u nuu k sakin u panaa ni, ŋaan pol k senn mɔsonn nan u saa tun Abraham nba wannɔ bianŋ nba na. ¹⁰ K tuontunnɔ na nyinn Naagunii na piik u canba yab ni, k saan duo nba k b yi Mesopotami paapo sianba k Nasol din tuo be na. ¹¹ Waa baal lenŋ yuo nba, k u te k Naagunii nba sasik gbaan tinŋ ni, bunbunn buol, duo na kpinŋ. L din tie daajoyenlekile, yuo nba k puob tuo lu nyun na. ¹² Daabil na din mial yennu a, yabnt yennu fin nba tie n canbaa Abraham yennu, tulin nyannu dinna, k gbien a mɔsonn nba k a senn tuln canbaa na. ¹³ Bunbunn buole k n be na, k saapaamm sii baat lu nyun. ¹⁴ N saa yet b yenɔ a; n balmae, sikint a sɔal k dul nyun tulin k man nyu. Lii tie k u yet a gaat k nyu; ŋaan man bia dul tul a Naaagunii nba k bn nyu, fan ŋaan k wuu tien a daabil Isaak ŋaapuo. L' nba na i tun n set mi nan a dia a mɔsonn nba k a senntul n canba Abraham na. ¹⁵ K u din saa mei yennu gbant na, k saa k lebeka dɔkit, k jii sɔal. U din tie Betuel bipuoe; k Betuel mun din tie Abraham baa bik nba k b yiu Nahol na, nan u ŋaapuo Milka bija. ¹⁶ Rebeka din tie sapaafanŋe; k bia daa k mi kpian jua. U din sik luun nyun k ŋmat do. ¹⁷ K daabil na cial cetɔ k yet a: N balimae tuln nyun man nyu. ¹⁸ K u jiin a, canbaa, tan nyun, ŋaan kakit k jikit, k da ŋaan k u nyu. ¹⁹ Waa nyuu k gbenn, k Rebeka yetɔ a, n saa ŋmat luun k tan tul a Naagunii nba na, k bn nyu k saa jaŋ baa luon bianŋ nba. ²⁰ L yuo na k u but nyun na, k tien baa tie nyun sianba k bonkobit nyu na, ŋaan cial sik k saa ŋamm luun. U lu nnae nan Nagunii nba na nba tan nyuu gbuo. ²¹ Daabil na din siee suon nna, ŋaan golii a wun laan yennu tulɔ nyannu waa. ²² Nagunii nba na nba nyuu k gbenn yuo nba k daabl na; jii salma tutuuta nba yaa daauk paal bonciann k tulɔ, k bia tulɔ salima banii ŋalie. ²³ ŋaan boiɔ a: A tie ŋmia bipuo ? Diuk sii be u ŋaak ni, k min nan n niib na saa dual nyiɔk naa? ²⁴ K u jiin a, N baa sann e Betuel, wunba tie Nahol nan Milka bija na. ²⁵ Bonkobit jiet nan l'nba k b saa dual l paak, be t ŋaak ni, k yial bia be k u saa dual. ²⁶ ŋaan k daabit na gbaan tinŋ ni k jiant yennu. ²⁷ ŋaan yet a: N piak yennu, wunba tie n canbaa Abraham yennu k dia u mɔsonn nba k u senn tul n canbaa na. Yennu e kpan jiin k saan nanin Abraham nikpiim m buol. ²⁸ L taakpaak ni, k sapaamɔ na cial kun u naa ŋaak, k saa kumii l'nba kul tun. ²⁹ Rebeka din mɔk u yuɔlɔ, k b yiu Laban k u nyii cial saan bunbunn na buol, sianba k Abraham daabl be na. ³⁰ K maan Laban din la tutuuta nan banii na, k bia gbat l'nba kul k Rebeka pak k jiin jɔa manŋ po wa. ŋanne k u saan Abraham daabil manŋ buol, bunbunn na buol, k sua k u sie nan u Naagunii nba. ³¹ K u yetɔ a: ii waa k tin kun ŋaak ni. A tie daanɔ nba k yennu tien piisn a paak, k bee tien ka tan sie muuk ni na? N mɔk diiuk, ŋaak ni k saa tula, yial bia be k a Naagunii nba saa dual. ³² Daabil na nba wei baal ŋaak ni, laaban lot jika nba bo lol nagunii nba na, nan l'nba k b saa dual l paak. U bia din finn nyun k tul daabil na nan u tɔkonanlieb na k b wuul b taapant. ³³ Baa tien jiet gbenn k b jii jiet manŋ k baal tan tulb, k jɔa na yet a; u daa kan di, sie k u pal l'nba ya po k u baal k Laban jiin a ii piak. ³⁴ K u yet a : N tie Abraham tuontuunnɔe . ³⁵ Yennu tien piisn n canbaa paak bonciann, k tienɔ mɔkitua. Yennu tulɔ, pei, nan buunii nan nei, nan likili nan salima, nan daabjai, nan daabpoi, nan Naagunii nan bonii. ³⁶ Sra nba tie n canbaa ŋaapuo na din malɔ bonjak yenɔ kuae, k ponŋ sua k u kpeta. K n canbaa jii u mɔkint kul k tul u bija manŋ. ³⁷ N canbaa te k n senn mɔsonne nan n saa sak u mɔb. U yet n a daa jikit sapaamɔ kaana tinŋ ni, k tien n bija na. ³⁸ ŋaan saant n tiɔnŋ danduo ni, n niib buol, k saa kpaan puo k tan tulɔ k wun kuan. ³⁹ ŋann e k n boiɔ nan lii tie k saapaamɔ yet wun wei mi, n saa tie nlee. ⁴⁰ K u jiin a yennu nba k n saak u mɔb na saa tun u malaka k wun gal a tuɔnn k tula nyanu. A saa la sapaamɔ n daatinŋ ni n niib buol. ⁴¹ Bonyenn kɔa nba saa te k a nyi mɔsonn na ni tie fii saan n niib buol k b yetiie a nyii a mɔsonn manŋ nie na . ⁴² Maa baal bunbunn buol dinna n mial yennu k yet a, yennu, fin nba tie n canbaa yennu dimin sukluu k tulin nyannu l'nba k tuun na ni. ⁴³ Bunbunn buole k n be na. Lii tie k saapaamɔ baal a wun luun nyun, n saa mialɔ k wun jii nan u suol k tuln k man nyu. ⁴⁴ Lii tie k u sak k tuln nyun, k bia luun nyun k tul n naagunii nba, ŋaant ŋaae tie sapaamɔ nba k a gann a wun tien n canbaa bija ŋaapuo. ⁴⁵ N tan gbent Mialu na k sua Rebeka dɔkt na, k jii sual, k tuln nyun man nyu. ⁴⁶ K u kakt k jikt u sual manŋ k yet a, nyumin ŋaan k man bia finn k tul a naagunii nba k bin nyu. Maa gaal nyu k gbuo yuo nba; k u bia luun k tul n naagunii nba na k b nyuu. ⁴⁷ K n boiɔ a; a tie ŋmia bipuo? K u jiin a n baa sanne Betuel, wunba tie Nahol nan Milka bija na. ŋanne k n jii tutuuta nan banii k tulɔ. ⁴⁸ ŋaan gbaan tinŋ ni k jiant yennu. N dont yennu nba tie n canba Abraham yennu k gal n tuann, k saan nanin Abraham nilɔ buol, sianba k n la u bipuo k saa tul n canba bija na. ⁴⁹ Mɔtana, lii tie ka luon fan tun a tuonn k jiin n canba po; k diau nan lomm fan pakn. A muni kan tun nna, fan bia pakn k man bann maa saa tien bianba. ⁵⁰ K Laban nan Betuel jiin a: Maan na nba nyii yennu buol na t kan fit pak siali. ⁵¹ Rebeka kal na, jiin mɔ k ii kun manɔ k wun saa tien a canbaa Abraham bija ŋaapuo. Nan yennu tiɔnŋ nba pak bianŋ nba na. ⁵² Abraham daabl na nba gbat nna k u baa k fabn tinŋ ni k jiat yennu. ⁵³ L puolpo, k u jii tiat nan piinii nba k b jii salmɔna nan salmpiena k tien na k tul Rebeka. U bia din jii bona nba daɔk paale k tul Laban nan u naa. ⁵⁴ L yuo k daabil na nan u tɔk nanlieb ji dii jiet, k bia nyuu, k dual k l yent. Laa yent sanyiɔk ni k u yent a: ŋaant man ŋmat kun n canbaa buol. ⁵⁵ ŋaan k Rebeka naa bik na nan u naa yet a: wun ŋaan k Rebeka n bial b buol k di daa ŋanniin, ko daa piika, k fit wei. ⁵⁶ K daabil na jiin a daa gɔiti. Yennu tul nyannu n sɔnu na ni wa, ŋaant man ŋmat kun n canbaa buol. ⁵⁷ K b yetɔ ŋaant k tin yiin bonpuok manŋ k laan u mɔk bia k saa paki ? ⁵⁸ K b yiin Rebeka k tan boiɔ a: a luon fan wei jɔa na k kunii ? K u jiin a nn luon k weiɔ kun. ⁵⁹ K b cab Rebeka, k ŋua nan puo nba din yuɔlɔ na wei jua na nan u tɔknanlieb na k kun. ⁶⁰ B din tien piisn Rebeka paak k yet a; T niipuo, a tan sii tie niib tulbamm naae. A yaabuonna tuu tan saa kɔn k nyann b dataï ⁶¹ L yuo k Rebeka nan u sapaanlieb tien siil k jak naagunii nba na k wei Abraham tuontunnɔ na k b kul yaat saan. ⁶² Isaak din be bunbunn nba k b yi Manfuol daanɔ yennu nba taatin bunbunn na fuɔl nie k l be kaana tinŋ diitu po. ⁶³ U din tan nyii dasial daajuok a wun lin somm somm, k ji din la k naagunii nba somm baat. ⁶⁴ Rebeka nba la issak yuo nba k u jakit u naagunii paak k sik set tinŋ ni. ⁶⁵ ŋaan boi Abraham tuontunnɔ na jɔ lanɔe saa somm k ce timm na ? K u jiin a, N canbaa e, ŋaane k Rebeka jii yuubobik k yil k dɔkin u nunpo. ⁶⁶ Abraham tuontunnɔ na din wann Isaak l'nba kut din tun ⁶⁷ K Isaak jii Rebeka k kɔanɔ diuk nba k u naa din tuu be lenŋ na, ni k u ji tien u ŋaapuo. Isaak din mɔk lomm nan Rebeka bonciann, k l te k u naa kuun daamu nyii ni.