1 Yennu paak nani k yet a: 2 ŋaan fin nisaalik bija, yomdannɔ yennu piak Islael duo ni tieb tinŋ ne doii loka ŋanna kul gbennu. 3 Islael a yuo gbennue ne n donn wutuol a paak n yaa u bu i buut nan fa tuak biaŋnba. n saa pa jiini i binbenyana ne paak. k nyi bann nan mii tie yennu. 4 N ninbinn sii pa a paak k ninbatunnu ka ŋan lebt a binbenŋ, k dat a tuba k a saa bann nan mii tie i yennu. 5 Y omdannɔ yennu piak, yubɔnn, yubɔnn liel baat. 6 L gbennu bala, l gbennu baala i buontue na. 7 Yimm nba be duo ne paak i juontu yuo nakina ŋmantil daal be k nyik nan palpienn taa sii ka jual paak. 8 L kan wei k i saa la n wutuol panŋ , n yaa n bu i buut, yaa tun k biil ne paak k pa jiini bonbilankant nba k i tuun, ne. 9 N ninbinn sii pa a paak k dat a tuba k a saa bann nan mii tie i yennu. 10 Gotil daal baat, gotil u baat biilu daal baat Islael tieb paak jat pukkiie k dont n monŋ do. 11 K jat ne baat nan tonu bonciann ba mɔk linba kul tien; yann b kan pabii b paak. 12 Yuo baat k daal nakinna, wunba daa da kpammii; wunba daatua, jii k mɔk nyuaatii. kimaan yennu wuntuol taa saa do b paaka. 13 Aii kɔitua taa kaa fit ŋmat gaal waa kɔi linba, u bia kan wei u manfuol ni. kimaan maasɔkint nan binba tun biit k mɔk manfuoli. 14 K bi pieb naatuna k kunkɔntiat tien siil nan tɔb ŋaan sua kaa k saa nyi saa tɔbi kimaan min yennu wutuol ne saa baa sua kul paaka. 15 Kunkɔntieb dia juukii k b naayial po k yialii nan kon b ŋei ni k wunba kal duo ni u saa kpo nan jukbanjiak k wunba b duo nan ni; yialli nan kɔn saa kpiu. 16 K binba bial ne k b siab saa cial k do yuat paak nan ŋmana nba tuu te jaŋmaanii k jukil nyi baat ni biaŋnba ne sua kul saa fabin u yanbɔmm paak . 17 K sua kul nii saa banŋ k b duna sii jekil. 18 B saa bɔtotial k wann b palpiil k jaŋmaanii sii mɔkib b saa kɔl b nyiaɔnŋ k di fei b kula. 19 B tan saa lu b likilii sɔnjɔɔt ni nan l tie muat ne, kimaan saalmɔna nan saalpienna kan fiit tinnii ni. wunba k yennu wutuol do b paak kan fit jiil k maan b pala ko k gboob pua, ŋanne kuantib bii ni. 20 B mɔk palmann nan t liant nba ŋan k jiil k nan b pata ŋanne k yennu te k b mɔkint tonŋ b paak. 21 Yennu ŋamm yet a: saa bolganu nan dayiel tieb n fat i tinŋ mɔkint i nuu nii. 22 N saa fiint do danm na po yuo nba k jankint biil kasii jantu ŋasaakak ne. 23 Bonbiit i mɔŋ maa, k maan duo be jat nie sien duo ne wa. 24 N saa baal buolu nba tɔn k tie tuonbiit danm k t b gaal i ŋei k i nipaalit nan waant mɔnŋ danm saa kɔnŋ dindann. n saa t b kɔa yenjiantbua ne k biil. 25 Biilu baat, i taa sii luon manfuol ŋann kan la. 26 K yubonn sii baat k liel bia waa k fuul tan saa fiin fuul k i tan saa balin n sɔkininba a bin wanni ba laat linba. K manntieb nan tan tan k mɔk linba k b saa waann niib k saakab nan mun tan kii kpanii k saa tuli. 27 K kpanbal ne tan saa bui fabin k duo diala tan k mɔk dindann, k niib ne kul tan saa jekil nan jaŋmaanii. n saa dat i tuba tuonbiit nba k tun na kul paak k bia bu i buut nan yaa bu lieb buut biaŋnba na. k saa bann nan mii tie i yennu.