¹ K u jien k nyii nanin dindonŋ ni, k saan kua nanin diuok nba be ŋaak naganŋ po, k l k fɔk nan diuok nba be ŋaak nan kpinŋ yenbaa po na. ² K diiet na fɔkint tie takaabii piinŋmu. ³ K l yenn po bɔkl yial yalmu tie taakaabu piik, k kpia nan ŋaak na, k liel po bɔkl tol dindonŋ po, siann ninba po k be maal tuatuk muntaana. ⁴ K diet na kul nunŋ po, k b biil yial k l tie taakaabii ŋanŋmu, nan gaanu yial taakaabu yenn; k l tannai b yenbaa po. ⁵ K diit nba be paapo yial na paak waal k gal linba fuo sinsuuk ni na, nan linba be tinŋ po na, k maan b din maal k l waale. ⁶ Dituaatit ŋantaa nba din be liel paak na, din mɔk guontaa nan lniba be dindonŋ nina. ⁷ K diit na nanyelpo dikpinn na, yenntinŋpo fɔk tie taakaabii piinle nan ŋanŋmue, k l tol nan dindonŋ; ⁸ K l maan diit nba din be sanpaapo yial na po din mɔk taakaabi piinle nan ŋanŋmu. ŋaan yenjiantu ŋaak na ŋannin mɔk yial taakaabi piinŋmue. ⁹ Diit na tinŋ po, k jiin yendopo, sianinba dindɔnŋ na piin na, k tanmɔb be k gaal kua dindonŋ ni. ¹⁰ Diit bia din be ŋaak niiditu po, k k fɔk nan diliiet nba be ŋaak na yendopo. ¹¹ K diit manŋ nunŋ po, k yial be k tie ŋaanu buol, k tie nan linba be niiganŋ po na. K l yalimu tie nan l fɔkint kul jan yom; k b naaonŋ, nan l sinsetl, nan l tanmoi kul naan nan liaana. ¹² K gann be diit na tinŋ ni, diuok na niidiitu lokilni, yendopo, sianninba k dikpinn na piien. ¹³ K u jetin a: diiet nba be niidiutu po, nan yendopo na, tie kasii buol na, siannba k maanntua tu saa tɔkin k kua yennu buol, k kasii yenpiinii na; leŋe k b tu saa bil kasii bonaa; nan piinii , nan biit nyikcab piinii; k maan lenŋ tie kasii buole. ¹⁴ K lii tie k manntieb na be yenjiantu ŋaak nani, yuo nba k b tan luon bin kua dindonŋ ni, l tie bin lial kasii tiat nba k b tuu lia k tuon yennu buol nae, k bil diit na ninŋa, k fit kua. ltie bin tuu liat l tiat bile ŋaan lia tafant k fit saa siaminba k niwol be na, k maan l tiat tie taŋante. ¹⁵ Wa janŋ ŋaak nbamanŋ be nuak ni na k gbennu yuo nba, k u nyininin tanmob nba be yendopo na ni, ŋaan ji fit k bikin l puolpo. ¹⁶ U din jii patu nba k b tu dia bikii nae k bikin guonn na puolpo yendopo, k l tie patu manŋ fuunu kobiiŋaŋmu. ¹⁷ K l niidiitu po tie patu na fuunu kobii ŋanŋmu mun. ¹⁸ K l niiditu po tie patu na ŋanŋmu. ¹⁹ K u ŋmant bia bikin yenbaapo k l tie patu na taal fuunu kobiiŋanŋmu. ²⁰ Guonn manŋ lokaa ŋannan nae taan k lint tie ŋaak na; k l fɔkint nan yalimu kul tie patuu fuunu kobiiŋanŋmu ŋmu, l kulaa po; l guonnii bɔkt siaminba tie kasii nan siaminba k tie kasii.