¹ U jii'n k saan nan n yennu jiantu ŋasaakak ni, k bign jaana na, paba, k pabyenn yalmu tie mata ŋanta, k pabliel mun tie miata ŋanta, ŋann nan lanbounŋ na paba yalmu. ² Tanmɔb yalmu din tie miata ŋanle nan bonjinn. Tanmɔb bɔkyenn nan lie po, mun tie miata ŋanle nan bonjinn. K b bogin yennu jiantu ŋasaaka pabl nba fɔk k l tie miata piinle, k pabl nba jin, tie miata piik. ³ L puolpo, k u kua dieok nuak ni, k bikn jaana na paba, k i tie miat yenn, k tanmɔb yalmu tie miata ŋanta nan bonjinn. ⁴ L fɔknt tie miata piik, k l yalmu tie miata piik, yennu jiantu ŋasaak na, tamɔb po. K pak nan nae tie buol nba mantik ŋan. ⁵ K u bingin ŋaak guonn k tie miata ŋanta. K diet nba kpia kpa na, k bikn diet nba lint na mun yaa yalmu, k l tie miata ŋanle. ⁶ Diet nba din kpia kpia na, din tie piinta, k dituatik tie ŋanta. L diet din tuuk nan dinkpina nba din tuuk nan liel e, ŋaan k k tuuk nan yennu jiantu ŋasaakak. ⁷ Diet manŋ din yalk e, l i tie k b maa k dont k b lintl k kua k maan b din tien taanŋmaata k b ŋmaan do jial din yab paapo, k b tɔkn sinsiik ni, k do dituatuk paak. ⁸ K n got ŋaak na dokiu, diet nba kpia nan b fiaka, k kut jaann b , k yalmu tie miata ŋanta. ⁹ Nanyel po dikpinn kpakiiu din tie miata ŋanle nan bonjinn, yial din be, ŋaak ni diet nba kpia kpia nan liel nani. ¹⁰ Diet nba din lint ŋaak na, yalmu din tie nmiata piik k lint. ¹¹ Sial din k duak diet manŋ kunkua buol. Kunkuabuol yenn din be ŋanŋ po, liel mun be diitu po. ¹² Dieok nba din sie yann ni, yendopo na, yalmu din tie miata piinta nan ŋanle e k b maa guonn lint, k l kpa kiu tie miata ŋanle nan bonjinn, k l yalmu tie miata piinna nan ŋanmu. ¹³ K u bikn ŋaak manŋ fɔknt k l tie miata piinnmu yial nba din dua yann, nan dieok, nan dikpina fɔknt din tie miata piinmu e. ¹⁴ Ŋaak manŋ nintuol po yalmu, nan yial nba din dua yann yenbaa po na, din tie miata kobk e. ¹⁵ K u bikn ŋaak manŋ fɔknt nan yial nba dua yann, l puolpo nan yial nba fuo na, k l tie miata piinmu. ¹⁶ B din jii daat k tie yennu jiantu ŋasaakak nanyel po dikpina, nan nanyelpo naakuut na dikpina, nan tanmɔi, nan takalbona, nan yial nba din fuo fuo, k lint dituatik ŋanta na, tanmɔb na tuann po, b jii daat e, k tien, laa nyii tinŋ k laa janŋ takalbona nba luo na, ¹⁷ K gal k laa duo tanmɔb na yul paak, k bia tien ŋaak na miak ni, nan dikpina nba lint na paak l nuak ni nan l puolpo b din bikn l kul e waa k tien. ¹⁸ K nan selubinnba nan biabfaat l paak. B din nan selubinnba, k b mɔk nuni ŋanle ŋanle e. ¹⁹ K nun-yenn tie nilɔ unm k gɔli biabfaat, k nun liek tie yambɔl nunŋ k mun goli lieb po biabfaat b din tien nna e, k laa lint ŋaak manŋ. ²⁰ Laa nyi tinŋ ni, k laa tuu tanmɔi yula paak, b din nan selubinnba nan biabfaat manŋ e, k bia nan yennu jiant ŋasaakak paak a. ²¹ Yennu jiatu ŋasaakak jaanna yalmu kul din yenm e. K jaann nba tuuok yennu jiantu, ŋasaakak ni sian nba buol mantik ŋan na mun din tie n na e. ²² B din jii daat e, tien yennu jiantu ŋasaak binbintl, do kiu din tie miata nan bonjinn, k fɔkn tie miatyenn. K jua manŋ yet'n a : na e tie yonmdaanɔ tiebl buol. ²³ Yennu jiantu ŋasaakak nan siannba buol mantk ŋan, din mɔk tanmɔi ŋanle e. ²⁴ L tanmɔi ŋanle paakn gana din tie ŋanle e, k kul na lin gann paak. ²⁵ L ganna paak b din kpiel k nan selubinnba, gana paak nan dikpina paak. B din tabn taabi e, naakuuk tanmɔob yulpaak nan-yelpo. ²⁶ Takalbone din be , k luo Biabfaat din be k lint ta kalbona manŋ, nan naakuuk dikpina paak, nan diet nba lint taabi na paak.