¹ k kaagbennu ŋanm k paakin mɔbona. ² K kaagbennu yomdaannɔ yet a nisalik biik paakin Tiil duo dialɔ na a: A donn a mɔŋ ki yet a : n tie yennu e k kaal yennu kok paak, k mɔkgbenŋa linta waa ! ŋan a tie nisaake k tie yennu kaa, kaa jiita lom k l tie yennu lom. ³ Gotil mɔk yanfuom k cie Daniel e, k bunbɔlkal sial kaa ka k mi. ⁴ A yanfuon nan banm te k laa mɔkint, salimɔna nan likli be a mɔtuk man ni. ⁵ A yanfuon nan a kpinkonŋ paak kaa laa mɔkint l paak k jii dot a mɔŋ. ⁶ L paak yomdaanɔ kaagbennu yet'a ki mann a jii a lom k l tie yennu lomm e. ⁷ Gotil n saa baal nan saam a paak, binba mɔ jaat k cie niib kul, b saa faa tɔb kaa yanfuon nba nyili na k biil a fant na faab. ⁸ B saa tuuta luua botuk ni, ka kpo nan binba k tuu kɔn b tuulu k luub mɔkl sunsuk nin na. ⁹ Bi baal a b kpia yuonba; A saa yet a miina tie yennu waa? l yuo na wun nba saa kpii a na buol jii sii nisaalik e a jii ki tie yennu kaa. ¹⁰ Buol ganni na tan saa kpia nan baa tuu kpi bin nba k jiantl yennu biaŋ nba na min kaagbennu a yomdaanɔi maat. ¹¹ K kaagbennu bia ŋanm paak nan nin mɔman: ¹² Nisaalik biik maatin nan paal biil k yet til kpanbal ! k yet'ɔ yomdaanɔ kaagbennu: A sia yua a din tie ninŋannɔ a k tie nba niib linba k mɔk yanfuon nan fantbonciann. ¹³ A din kua Edin yennu tilonti kpaab na ni, tanŋana din baak a paak, nan Sardoine, Topas, na Diamant, nan chnysolithe, douyx nan jaspe, nan safil, nan descarboucle, demraude, nan u salimɔnna, gingana nan a leli tuu be k guu daal nba k b din maala. ¹⁴ N din jii malaka nba k b linta k guu a , n din te kaa be yennu juat paak: som tan biit nba nyili na paak. ¹⁵ A din tie niiŋannɔ e, daal nba k b din mala, ŋan tan piin tun biit. ¹⁶ A kpinkpeciɔ paak a din yaab jaat bonciann, a din tun biit, l paak n saa bela k nyiina yennu jual paak. K bot siannba k malakanba guu a na, tanbit nba nyili na ni. ¹⁷ A dont a mɔŋ a fant na paak, a k binbeŋ ŋan na yaab yanfuon, n saa luu a tiŋ ni, k li sii kpaani k tien kpanbal lieb. ¹⁸ A tuon biit nba yaab na paak, nan faa ŋmab niib a kpinkpounŋ paak, k biil baa jiantl yennu sian nba, ŋann tie kin nyinn muu a duo ni k l dii, a saa tien tanpet tinŋ ninŋ na, binba tuu goli yaa na buol. ¹⁹ Niib nba kul tuu banna jaŋmaani saa suol b a kuun paak a jii tien yann a jii ki be. ²⁰ K kaagbennu paak mɔman k yet'n maa. ²¹ Nisaalik biik tolilin a nunŋ si do duo k sɔkin mɔmann k tul b. ²² A saa yet a: Yomdaanɔ kaagbennu yet a gotil maa luona biaŋ nba n sii tie a datak a buol, k yin bann nan n tie kaagbennu, n saa dat b datai tuba yuo nba k saa tun ŋant bi buol ni. ²³ N saa te k yiali baal b paak, k bia te k sɔn n pubil b sɔjot ni, b sii kpiib tɔb ni, b lieb nba nyii sian nba kul. B saa bann nan n tie kaagbennu. ²⁴ L paak n jii kan te Islael tieb k digbaana ŋmaatib nan kunkonii, nan peninii na k mukisil ŋann k b saa bann nan n tie yomdaanɔ kaagbennu. ²⁵ yomdaanɔ k b be digbanna kul, k l te digbann lia nan bann nan n tie ŋant dannɔ, k bi kua tinŋ nba kin din tul n tuontunɔ sakɔb na. ²⁶ K b saa kaal ki biyaama ni, k maa ŋei ki buol danm tilonti na, b sii kua leŋ b yama ni nan maa ta saa dat b lieb kul tuba.