¹ K Yennu bia ŋanm k paak nanm a: ² Fin nisalik bik, a saa bu digbann nba tie sɔn duo ne a? Wanntɔ u tuonbiit nba kul k u tuun ! ³ A yetiba : kaagbennu Yennu yeta: Duo nba mɔn niib sɔn u duo sinsuuk ni, a daal baate , k bia maa paata k biil n duo! ⁴ Atunbiit tie faa muan niib sɔn a duo ni ne, k bia biil a mɔnŋ faa jiantl paata nba k maa nan a mɔnŋ ni nae. A bia te k daa gaala, k a baal a bina gbennu kla . ⁵ L paak n saa te k digbanna niib n lai k bia sukii. Binba fɔk naani nan binba k fɔk naani saa lai, k maan ya biil i mɔnŋ nan moɔyetuk na paak. ⁶ Gotl a nuak ni , i yiikuo danm na dia b panŋ k yaatsɔnm. ⁷ A pal ni a saalikit a baa nan a naa, k tie saamua tonu, k bia dintik paakɔ nan kpiebi taalas. ⁸ A k cɔlin n kassi binba boa, k bia k dia n fuon daal sennu. ⁹ Abuol mɔk niib k b faa fai kpi niib, buol niib di jual paak e, k kpi lieb a buolu ni. ¹⁰ A sinsuuk ni, bik laat u ba baa yann e ninŋ e, i sinsuuk ni b maab puo k dua naanɔ, yuo nba k u ne u puot ni. ¹¹ Ii buolu ni jab bonciann duo nan b lieb, ŋaapuob k siab mun dua nan b lieb bonpoi, k bonjai dua nan b lieb nipuobe, k bonpoi nan be baa nba dua. ¹² Ii buol niib tu gal piini k kpi u lua, k siab kpentl likili k gaan nyuat, k fial b lieb k ŋamm yann, ŋaan tanm n po, Yennu paak na. ¹³ A pal bia sii pal k a nii bia mɔk panŋ daa nba k n saa bu a buuti? ¹⁴ Min Yennu n paka k bia saa tien . ¹⁵ N saa yaat i buolu kul ni , k te yiin kua digbanna kul ni , k buon biit nba k a tuun na digbana kul ni. ¹⁶ Digbanna bonciann kan tuli nbakl, k a saa bann nan n tie Yennu e. ¹⁷ K yaabint Yennu bia ŋanm paak nanm a: ¹⁸ Nisalik biik Islael tieb tie nan danm nba kaa nyuat na e n buol, k kul tie nan kut mɔnt bint na, k tie nan linba fuuki na , k tie nan kut tintani na , k bia k pkai k ka nyuat n buol. ¹⁹ L paak e tien k Yennu yeta: Ii kul nba tie nan kut mɔnt bint na, gotl n saa taani Selusalenm . ²⁰ Nan ba tu tan likili kuut bmɔnt , kut Salinpienna, k pul muu ninŋ k lin mɔnn na , n nae k n saa taani n klutuol ni n an n nimɔnn ni, k nanni nan ba tu nanni kut na. ²¹ N saa taani k te k wutuol muu na baal i paak k nanni Selusalenm sinsuuk ni. ²² Nan ba tu nann likili muu ni bianŋinba na, N nae k n saa nanni i sinsuuk ni k i saa bann nan min Yennu e donn wutuol i paak. ²³ K Yennu bia ŋanm k paak naanin k yet'a: ²⁴ Nisaalik bik, paakin Selusalenm a: A tie tinŋ nba k b k ŋan mae , k saak k baa n wutuol daal na. ²⁵ N tuomi nba na lin a buole , k tie nan yanbɔl nba tuu lin k nkpaan u jiet na, k pi niib , k fial b mɔkint nan b bonŋaana, k te k pakɔi puuki i duo ni. ²⁶ K manntieb na kpet n senni k bia biil n kassi binbe buol, b k bɔktil linba ŋaan nan linba tie bonbiili, k bia k want linba tie kassi nan linba k tie kassi, k kpintl n fuon daa, k bia biilin n sann b sinsuuk ni. ²⁷ B kpanbaala na tie nan kinkaata nae k lin kpan b jiet, k kpi niib k buont niib, a bin mɔkit. ²⁸ K n tuomi na dɔk b biit , k laat yelintu , k fa faak n sann ni , ŋan yien a: Min Yennu e paak nanm ŋaan k n pakib siali. ²⁹ Duo na niib kul tie nimɔnn danme k tuun tuonbiit kua, k maab taalas dnm nan nandanm, k ki tie samɔ mɔnni nan daala. ³⁰ N got ma n laan n saa sua k wun dia duo na, k te k n wutol daa do duo na paaki k n nbiilib; ŋan k la sua. ³¹ N saa donn wutuol b paaka, n wutuol ninŋ, n sa te ki muu n diib k buontib, n saa te k b tuonbiit n ŋmaat b paak, min Yennu e paak na.