¹ Kagbennu pak nanin labaal k yet'a: ² nulɔ bija, damɔnŋ tiik daauk mɔk be k cie daliet nba be tiinii paak fual ni. ³ T saa fit jii I daauk k nan sialii? L kan fit kpiel kpaak ki jɔnt bona. ⁴ Li saa fit kuun muu ni kuae ŋaan li tie k muu dii juot k sinsuuk ni bɔnn i saa fit tien sialii? ⁵ Waa bo tie bommunn b bok tien sial k bia nyuate be yuo nba k b juok kuu dii muu k gbennii? ⁶ L paak in te k kagbennu t yudaan yet'a: nan baa tuu jii damɔny tiik daauk ti leinii k kuun muu ni biaŋinba na, n saa kuat Jelusalem tieb nne. ⁷ N saa nmant n nunŋ b po; b nyii muu ni k muu bia saa dib k bin bann nan n tie kagbennu. ⁸ N saa te k duo mɔnŋ n kpant fual k l ma b ki waan fanu. Min kagbennu i yundu-e pak na.