¹ Dasial k Islael liik danm siab baal n buol a bin boi yennu moaan po. ² K yennu yetin a: ³ Jua bik, niib ne pün k mann patae b lek mi nan l saa kuanib biit ninŋ, l paak k n yel ma n tulb jiinu. ⁴ Pakin k tul Islael tieb man li tie k b lun biit k jiantil pata, ŋaan tan saan n sɔkni buol a bin bann ma yaa linba, n sa tuo k gaalib nan b patana nba jan kul. ⁵ Pata na kul ŋmat Islael tieb dudukt k b nyikma ŋaan mɔk dindann nan mo maan ne saat k bin jen n buol nan balmɔni. ⁶ Mɔtana pakin Islael tieb a: Linba k min yennu yienne na, bin nyik b pata ne mannu, man b tuobiit ne tumu, ŋaan jen n buol. ⁷ K li tie yuo nba kul k Islael lieb ne yennua kua, janika buolganu niib nba kua Islael tinŋ ninŋ ne yenua kua nyikin, ŋaan ŋmat mann pata, ŋaan tan saan k boi n sɔkni, min yennue saa tuo k jiinua. ⁸ N saa le knua n numpo, n saa jiu k tienua nyinn k k u kan pukin n niib po, k lint yin bann nan mine tie yennu. ⁹ K li tie sɔk ninba tul faak sünu, l tie min yennue bontua, k n saa nyinnu n niib Islael linŋ ninŋ. ¹⁰ K n saa kpab sɔknii manŋ nan nan daanua nba saan u buol a wun boi n maan po na k dat b kul tuba yonm. ¹¹ N saa tun linba nee k lin guol Islael lieb, k b daa yienin k tun biit, k bil b monŋi, ŋanme si tie n niib, k n mun si tie b yennu, min yabint yennue pak ne. ¹² K yennu ŋanm pak nanin a : ¹³ Nisaalik li leki tie digban munn tun yanbɔnm k bilin, k n dat duo manŋ tubl k b bonbubult bül, k l niib nan bonkɔbt kpen kon. ¹⁴ K li leki bo lie jab bantaa nba ne, nowa nan Daniel nan Jɔb bo kua digbann manŋ ninŋ, b tuonŋana bo saa tinn b kukua man fuole. ¹⁵ Ŋanika mi dat digbansial tubl, k muuk ninŋ bonkɔbt ŋman niib, k l paal nan nua tɔk k sal lenŋ. ¹⁶ K li jab bantaa nba na kua kua lenŋi b lek kan fit lin b mɔnŋ manfuol kuae, ŋaan k ddigbann ne n kpant muuk l tie balmɔnie min yabint yennu nba fo. ¹⁷ Ŋanika mi t datai fao tɔb digbann manŋ ninŋi k kua nan kun kɔntiat k kpi l niib nan bankobt kuli. ¹⁸ K li tie jab bantaa ne kua lenyi b k an fit tinn b wassi, b saa linn mɔnŋ kua man fuol, k kaagbennu yet a: n tie yennu nba fuoe. ¹⁹ K li tie kin donn wutuol k t yia biuk baa digbann manŋ paak, k kpi l niib man bonkɔbt. ²⁰ K l tie Jɔb, Nowa, nan Daniel kuo lenŋ, b kan fit linn b mɔnŋ wassi, b tuon ŋana saa fit tinn b mɔnŋ manfuol kuae, k kaagbennu yet a n tie yennu nba fuoe. ²¹ Linba nae k yabint yennu yienn a: N saa tun n tub datu nba paal bona ŋanna Selusalem paak, k li tie tɔbi nan kon nan bonkob tant non yuol biuk, kl kpi niib nan bonkobt kul. ²² K bin ba tan saa tenn ne, k b saa suolib b duoninŋ k saan k saan nanm Babilonne Nisaalik li tie ka la baa tie tuonbiit danm bianŋinba, a saa bann linba paak tien k n tun linba ne kul k tul Selusalem. ²³ K a saa la li paak, nan n mɔk mɔnii nan tuona nba k n tun na min yabint yennu e paak na.