¹ Kaagbennu yennu din pak mɔmaan k tul n: ² Jua bik, a kua man niiyuona k be bi sinsukni, k b mɔk ninbina ŋaan k jik nyuan k mɔk tuba ŋaan k jik hbia, k maan b tie yuodaanm ŋaak e. ³ Jua bik i bobint a jika knyi yenuni k bii goliya, i saa yuo nba k be n k lebt buol k bin bann nan b tie kangbata e. ⁴ Bobint a bona nan a saa duo na yenunik bin la, ŋaan tan saan dajuok nan sandantina na. ⁵ B ninbina ninŋe k a saa luot b yuonn, a tan saa nyinn a jika lenŋe. ⁶ B ninbina pak a saa ji a jika bɔpiuk pak ŋaan nyi bunbonn ni, k piin a nunmpo, k daa nyun tinŋ, k man l sii tie dɔk k tul Islael ŋaak niib po. ⁷ K n tuo kaagbennu yennu senni na, k tun nan laaboi na, k nyi jika yenuni k bi be kgoli daajuok kn luot juonn nan nuu, k nyii nanjika bunbonn ni k b sie k goli. ⁸ K sannyiɔk ni kaagbennu yennu pak maan k tul yet a: ⁹ Jua bik, Islael ŋaak na tie yuotuk daanme n k pak a ni? ¹⁰ Min kagbennu yennu yet maan na a yet a, kanbal bik n baa be jelusalem duoni na ŋua nan Islael ŋaatieb kul nba be lenŋ na. ¹¹ Yetilib nan linba ki tun na tie nyinne k jün linba tan saa baali po bi tan sii tie kunsɔtinnae nan yommu sial po. ¹² Kpanbal bik nba be bi sii suni na tan saa paan u ji kil bɔpiɔk paak bunbɔnn ni, ki nyi fɔnn nba k bi saa lukil dikpinn ni na tulɔ na u saa dɔkin u ninbina ku daa lat tinŋ na. ¹³ K n saa pii baluk ki suolɔ kji jüu k saan nanɔ babilonn duo ni, Chaldeens duo ŋaan u kan ban lɔ, leŋe ki u sa saa kpo ŋaan kan la duo manŋ. ¹⁴ K n saa yat u ŋaasaakab, nan kpaantieb nan binba tuu guu u na, nan u bonkobt lokil kul po. Ki niib sii kpaanm abin kpib. ¹⁵ Mi i taŋi yatib ki bi saan digban lia ni nan buolu kul doi ni, l yuo e a bi saa bann nan mine tie yennu. ¹⁶ N saa nyik jab banŋa na e k ŋanm kan kpo bii waaminnae n nyi tɔbii ni, nankon ni, nan yialii ni. Baa sii be digbanyana manŋ ni bi saa bann nan bi, tuonbilankant nae te k bi be lenŋ, ki bia bann nan mine tie yennu. ¹⁷ Yennu pak nanin k yet a, ¹⁸ Nisaaliki di jiet k jekl nan jaŋuamii a sii nyu nyun nan pal watue ¹⁹ A pak tinŋ na kul niib nan mɔmaan nba nae tie yabint yennu yal, k u tien niib nba bial be b tinŋ ni Jelusalem duo ni; bi sii jekl nan jaŋmaamii yuo nba ki bi di jiet, k bia tiin jaŋmaanii yuo nba k bi nyu nyun, bi tinŋ saa bül k bial tinkuvnŋ, ki maan bi ton ki ki waa senni. ²⁰ Doi nba gbee nan niib mɔtana na, tan saa bül ki kpant tinkuonŋ, ŋanne ki bi saa bann nan mine tie yennu. ²¹ Yennu pak nanin ki yet a ²² Nisaalik bee tien ki yimmi Islael tieb ŋaami yenn baljouk na? i yeen a yuo gala ki mafü kala na ki tuumi. ²³ Mɔtana, yetilib linba kimin yabint yennu yaa a wannib ki jiin lipo. N saa gɔl baljouk manŋ k sua ji kan ban yetil Islael tinŋ ni yetilib nan yuo baalaa ki mafiit kala na saa tien balmɔnii. ²⁴ K Islael tieb sinsuukni, faak damüt n neeka kpinkpannii masɔkinkala jikiiba. ²⁵ Ki min yennu e sii piak nanm, kilinba ki linba ki n tuu yet, ŋanne saa tun ki li tuu saa tume yiama ki yimm mɔyet damm sii be i manfuol nie ki man tun nan biaŋinba ki n yet na,min yabint yennu e pak na. ²⁶ Ki yennu yetin a: ²⁷ Nisaalik nan Islael tieb na dukii na damiit nba ki a laat na nan masɔkinkala nba kin piak na, li baalu fɔkewa. ²⁸ Li paak, danü nan min yabint yennu e piak na, nan n saa tumil yiama.Linba ki yet li saa tuma. Min yabint yennue pak na.