1 Yennu siek jiin k saan nanin yenjiatu ŋasaakak tanmɔb na be yendo po na k n la jab piinlie nan banŋmu; k n la;k saasania nba tie Azul bija na nan Pelatia nba din tie Benaja bija na; k b tie niib na tuann danm. 2 K yennu ye tin a: Nisalik bija; jab na lolin lol biite; k bia tien duo na kpaan bitii. 3 B yien a: yuo dak janŋi: t saa maa ŋeie duo na tie nan kpinbolil nae; k t tie nan nant na k b l ni. 4 L paak Nisaalik bija; pak'n k biilib! 5 L yuo na k yennu siek sik n paak k u betin a: yet a: yennu pak k yet a: yinm; Islael tieb; yaa piak linba nan yau dukii l'nba na kul n mi. 6 I i mantik kpii kuun duo na ni k l yabtaa; k sɔnjot kul gbie nan nikpiena. 7 L paak k yonm-daanɔ yennu yet a: duo na set tie kpinboble; k niib nba kii kpiib na mun tie nant; ŋaan yinm n saa te k binbel nyin nii duo na kpinŋ po. 8 I i tiin juk bonjai jaŋmanii ŋaan, n saa jii juk bonjaie k baal nann ii paak; min yonmdanɔ yennue pak na. 9 N saa bel k nyinnii duo mann ni; te k saanm na n kɔn k paaki. N saa bu ii buut k biili k yin bann nan mine tie yennu. 10 Saa kpii nan jukbanjiake; k n saa bu ii but Islael kpaal paake; k yin bann nan mine tie yennu. 11 Duo na ji kii tie ii kpinbobil ka; k bia ji kii tie nant k tulɔ Islael kpaal paake wa k n saa bu ii buut. 12 K ii saa bann nan mine tie yennu, nba kii k wei u wannu; k bia k cɔlin u sennii na. Ŋaan tuun k ulaa digbana nba lintii na sennii. 13 Ma din piin k daa piak na; k pelatia wunba tie Benaja bija na din kpo; k n baa k fabin n nunpo; k yikin sanpaapo wa: Aa! yonmdaanɔ yennu; A yaa buont binba be Islael na kule? 14 K yennu pak mɔmaan na; k tulin a: 15 Nisaalik bija; Jelusalem niib na piak a poe; fin nan a ninjanm; nba tie Islael niib na kul; k yien a niib na fɔkit nan b n jiant yennu wa; b duo na kul ji tie ti yale. 16 L paak pakinm nan yonmdaanɔ yennu yaa: Mine bel k nyinnib b tiɔnŋ duo ni; k te k b yat k saan kua digban gana; ŋaan sii be nanm duo nba k b be na ni; k bin fit jiantin. 17 L paak; a pak k yetib a: yonmdaanɔ yennue pak na k yaa; N saa ŋmat taan ii kul k nyinnii doi nba kn daa yati na; k jen namii; k taan tuli; Islael tieb tinŋ na; 18 Lenŋe k b sa saan kua; bii baal lenŋ b n nyinn pata nba be lenŋ nan bon yana nba k mɔk nyuant na kul k lu. 19 N saa tulib duduk yent kuae; k bia tulib seyien paanŋ; N saa nyiinn b gbanant ni dudukit nba wakii nan tann nae; ŋaan tulib dudukit nba tie gbanant dudukit. 20 K fit k b n wei n wanu kul; k bia cɔlin; k tuo n sennii; k b sii tie n niibe; k n mun tie b yennu. 21 Ŋaan binba jii b yan k gaan nan b pata, nan b tuon yana na ni; N saa tie k b tuon biit manŋ n ŋmat baa b yula paake yonmdaanɔ yennue pak na. 22 K l yuo; Bona nba mɔ kpinkpent na piin yukulu; k bon bilint ka na waab; Islael tieb yennu yentisaakal baak b paak. 23 K yennu yent ciɔnŋ na nyii duo na ni k cat saan kunkonn nba be yon do po na paak. 24 K yennu siek na jiin; k ŋmat saan nanin Islael daaba nba be babilon na buol; yennu yelintu na ni; k yelintu na bot. 25 K n yet daaba na linba kul k yennu wanin.