¹ L paak, ii tian a naami daanɔ lo, faa daa tie bik ne, k daa guu fan kpeta, l yuo ne k a ji yiena: n k gbia binbenŋ manu; ² ŋanne tie yuo nba k yendu yentu, nan ŋmalk, nan ŋmaabila ne yentu tan sii bɔn k yula, k a buol, l tan sii bɔn nan sayunn nee yuo kula. ³ K a kpinkpant nba tuu gua ne sii jekil, k a taa nba paal ne saa kpet k banŋ, k a nyana saa fokit, k a kan fit ŋman jiet, k a ninjiini saa banŋ k a kii laat fanu. ⁴ A tuba saa kpaa k a kan gbat sɔnjal ni fuut, k lii siis paal k tula nan fan gbat yo Annɔny mɔni, nnée ka k fit gbat yani nba k b yiin, ŋaan nuanŋ mɔni gbaa tan saa fit fiina guan ni. ⁵ K a tan sii tiin kunkonn paak somil, k somil tan sii paal a paak, k a yut tan saa lenn, k l tan sii paal k tu la nan fii cali, k bona kula niɔnŋ tan saa nyii a ni-t kula saa saan sianinb a k t sii tun bee, k kpemɔni sii be sɔnjot ni; ⁶ K salinpiena jaluk ne tan saa jiel, k Salinmɔna fitil ne tan saa baa k yiel; k ŋmiuk nba be bunbunn buol ne tan saa ciel, k nyunsuɔl ne tan saa yiel. ⁷ K t gbanant tan saa ŋmat tanbiini ni, tingbonŋ ne paak, k seek ne saa ŋmat yennu nba jiil k tult ne buol. ⁸ Min baantua yet nan l k mɔk nyuɔt, l k mɔk nyuɔt l kul k mɔk nyɔsiati. ⁹ K maan banntua ne nba din sub ne paak, k u yua want niib linba ku mi. u din tumii baljokit, k bikin la l balmɔni nba tie biaŋinba. ¹⁰ K banntua ne yabl a wun lon palmaasil mobona k mobona nba k u sɔb ne tuok k tie balmɔni. ¹¹ Yandanm momaan tie nan pekpaali patii nba k b tuu kpakii pei nee, baljokit nba k a tunmi ne tie nan kpaii nba k b tuu kpaa bont k li dia ne yennu nba tie t kul a pekpaalik nee jiil k tulit. ¹² N bija, siial bial be, l ŋ an k tii mii l po; gbɔnŋ sɔbu k mɔk gbennu, k gbɔnŋ kalunŋ bonciann tien bakint. ¹³ Linba ne kul lek, bonyenn-kuae be, k n saa yet a ii mɔk baakil nan yennu, kii saak u senni, kmaan u nan nisaalik linba ne kul paake. ¹⁴ Yennu tan saa bu linba k t tuun ne buuta, nan limba k t lek tumil bunbɔnn ni, laa lek tie bonŋan koo bonbiil.